صباح الورد 🌹🌸
من سمعتها كل إحساس مات بيه ..ما ضل عندي رأي
ولا فكر
لحظات تفصلني عن المووت
و ابوي التعب عليه وصلني لهنا ..هو يريد ياخذني بأديه
باوعت لعلي ..وگتله موافقه
علي :يله بسررعه منتضرج بالباب
رزان :ماشي
عفته وررحت ..سماح مبين گالت لروان هم
لان جوه بدت فاتحتي قبل لا امووت
امي تصررخ
وخواتي يبجن..
اني اول بشر يوگف بفاتحته ..
اخذت الجنطه اجر بيها جررر
نزلت ركككض
من الدرج ..الخوف يعمي الإنسان وميخلي يشوف شي
واني بذيچ اللحظه مافكرت غير انقذ نفسي من الموت
نزلت لجوه ..امي وخواتي الثلاثه يصررخن
حضنت امي بقووه وشميتها..بس الله اليعلم شوكت اشوفها بعد
بوست اديها وگتلها..يمه ولله مضلوومه وبجيت بصووت عالي طلعت ضيم گلبي
مامااا ولله مضلوووومه
خواتي التمن عليه ويبجن بجنوون ..روان اجت تركض انطتني الجنسيه وشهاده الجنسيه ..وايبادي خلتهن بجنطه صغيره
روان؛يله لجج راح يوووصلون بسرررعه
وخرت عنهم بس گلبي ضل وياهم شراح يصير بيهم
واشوكت اشوفهم بس الله يدري
علي گلب الدنيا بالهورنات
طلعت اركض ..
واسحل بجنطتي اول مافتحت الباب ..نزل علي أخذ الجنطه خلاها بالسياره
صعدنه ثنينه وحررك بسرررعه ...
گضيت الطريق كوله ابچي
علي مانطق بكلمه ..
شويه ووگف رفعت رأسي
وصلنه الفندق ..فتح الباب علي ونزل
اني هم نزلت
..گتله الجنطه ..
علي :هسه الولد يجيبوها ..امشي
مشيت ورى ..صعدنه لغرفه 208
هاي الغرفه المشؤؤمه شگد اكرهها
فتح الباب علي وباوعلي عود طبي
اني ترددت ادخل ..اني شمدريني شناوي هو
شلون ثقيت بي واجيت وياا
علي ؛اعرف بشنوو تفكرين ..دخلي انتي واني نص ساعه وجاي
رزان :هزيت رأسي ودخلت
سد الباب علي وراح ..
الجنااح كولش چبيير عبالك بيت مو غرفه
رحت گعدت علقنفه الي بزاويه ..شريط حياتي مر گدامي
أتذكرت ..احمد ..واهلي
اهلي چانوا يفتخرون بيه ..رزان الدكتوره ،الحلوه
هسه صارت رزان عار يردون يدفنوا بدون دليل حتى
دنگت ..وضليت ابجي ..خايفه
ومادري شراح يصير ..فتره تقريبا ومااجه علي
خففت ..علي وين راح المن راح يجيب
اني شلون ثقيت بي ..شلون اجيت
لازم ارجع لاهلي حتى لو متت المهم ميصير بيه غير شي ..اخذت الجنطه الصغيره
وصلت الباب اريد افتحها ..علي فتح الباب وصار بوجهي ..
ورى اكو تلث زلم ..واحد رجال چبير ..الشيخ
واثنين زينين ..
رديت لورى ..علي رد الباب وطب
شبيج ؟
رزان :ما بيه شي،علي :روحي غسلي وجهج وعدلي روحج ترى الشيخ إذا شافج هيج ميعقد ..يگول غصبب
رزان :هزيت برأسي ورحت ..دخلت للحمام غسلت وضليت واگفه بمكاني
سمعت صوتهم دخلووا
واحد يصيحله علي وليدي واثنين خوويا
يعني تلاثتهم يعرفوا
إجه علي دگ الباب ..وفتحها
باوعلي هاا ..يله تعالي
رزان :سياده المقدم انته تريد تزوجني زواج شرعي موو
علي :لا زواج متعه
رزان :شنووو
دخل للحمام ورد الباب
اتقرب عليه حييل اني لزگت بالحايط
گال شوفي ..لو أريد منج غير شي،من زمان اخذته وبكل سهووله
ومااخاف من أحد بس،من الله فهمتي
يعني هسه اختاري ..لو شگلچ تسوين ..
لو افتحلچ الباب وروحي لبيت اهلچ ..
رزان :..زين انته ليش تساعدني ؟
علي :لان اعتبر الشي،الصار بسببي ..لتخلين بالچ غير شي ..ترى زواجنه علورق ومستحيل يصير غير شي ..واعتبري هذه شرطي هم
واني مااضل أشرح ..
شقررتي ؟
رزان :ماشي مثل متريد
علي ..:ادنه عني وگال يله تعالي ..بس تجاوبين الشيخ گومي لتضلين گاعده ..وانطيني جنسيتج
رزان :هزيت برأسي ..طلع ومشيت ورى
مدنگه بالگاع استحي ارفع رااسي ..
حتى ماسلمت ..گعد علي واني صرت بصفه بس بعيده شويه عنه
والشيخ گبالي ..يحچي،..آيات قرآنيه دنگت بالگاع اتذكرت من عقدنه اني واحمد
شلون چنت طايره من الفررحه ..چنت لابسه فستان وردي قصير
وحلگي يضحك مالت اسبوع ليگدام
الشيخ يحچي واني بغير عالم
لحد ماگلي بنتي ..موافقه
علي صااح رزااان
رفعت رأسي ..الشيخ گلي بنتي كرري ورأي هل تقبلين بالزواج من علي ..بالمهر المسمى...وهكذا..
صفنت بوجه علي ..شلون أعيش،و يا چم شهر
واذا اهلي ماسامحوني بعد ..وين اروح
الشيخ عاد الحچايه ..علي ضاج ... تذكرت
بعقدنه اني واحمد وگفت ورى الباب وسألني الشيخ
امي وخواتي وگرايبي من جاوبت طشن چكليت عليه ..
وهلهلن .. بس،هسه اني داخله لقبر ويه كل حچايه دمعه ..
كرر الشيخ حچيه ..رديت عليه نعم قبلت وانته وكيلي
عادها تلث مررات وادور سأل علي وجاوبه ..
اني گمت بسررعه فتحت باب الحمام وسديتها حييل
باوعت بالمراياا
اني منووو ..اني مو ..رزان التعبت على نفسها
اني وحده ضعيفه ..مهزومه ..عار
اني لا شيء ..غسلت وجهي..وگعدت انتچيت علحايط..دايخه حييل ..الكانوله بعدها بيدي
ورى 10دقايق تقريباً ..فتحت الباب
طلعت علي ماهوه ..اني لابسه جبه
نزعت عبايتي وگعدت ..
ورى شويه طب علي ..
علي :لبسي عبايتچ وگوومي
رزان :وين
علي :گتلچ گوومي لتضلين تسألينهسه من اگوم غير افتهم وين..ماجاوبني
گمت لبست عبايتي وطلعت ورى ..
صعدنه بالسياره ..ومشه ..
..دخلنه بشارعنه
باوعتله ..يا شبييك تخببلت..شعندي جايه لبيت اهلي
ميرد ..ضليت احچيي وهو ساكت
لحد ماوصلنه لباب البيت ..
باوعت عمامي ..ولد عمي
كولهم بالباب ..
شاافونه كلهم مصدومين وصافنين ..
رزاان:..عليي شعندي جايه لهنااا ..صدكك تحچيي
يمووتوني ولله ميخلوني عايشه
علي ..نزلي
رزان :شنووووو
باوعلي وصاح بووجهي. ...نزلييي
فتح الباب ونزل هوو
اني رجليه تررجف ..متشيلني شلوون انززل
ابوي طلع من الباب مال البيت ..شجاي يصير
إجه علي فتح الباب وجررني من ايدي نزلني
مشه چم خطووه وجار ايديي
صرنه گبالهم ..وگف وگال
رزان مرتي صاارت على سنه الله ورسوله
والصور الي نشررت وياي
وهسه اني مسؤؤل عنها...ومحد منكم إله حق يحاسبها ..
ابوي صاافن بوجهي..حسيته انكسرر بسببي
دنگت بالگاع ...وبچيت ..اسفه بابا ولله اسفه
ماخليتلي غير خيار ..ضلمتني وماسمعتني ..مانصفتني
حكمت عليه بدون دليل ..ضليت مدنگه بالگاع وابچي..
حسام ابن عمي ..اكبر مني عطال بطال كولشي ماكوو
خطبني 5مرات وماقبلت ..حاقد عليه
إجه يرركض لجج كلبببه
علي لززم ايده وگله ..قسماً بذات الله اندددددمك
اني رديت ليورى ..
إجه ابوي وخر حسام
وصيح بببببس..باوع لعلي وگله هسه ..رزان مرتك
معناها اخذها ورووح ماريد اشوفها بعد
ولد عماامي گامووا يصيحون نريد دلييل
شيثبت انته اخذتهاا
ابووي يصيح بسسس
ماريد اثبااات ..هسه گبال الكل ..رزااان ماتت
موو بنتي ..واني اتبره منها منا ليوم الدين..
بسسسسس ..انتهىى
لا اني اعرفهاا ولا هيي تعررفني ..نزلت دموعي تمنيت تنشگ الگاع وتبلعني ولا اعيش بهذه الموقف
فرحي رزان ابوج اتبرى منج ..رفعت راسي باوعت بعيونه ..اترجاا بعيووني بويه لتسووي هجي
بس اني جاامده ..ماسويت اي شي
اكتفيت ابچي ...
ابوي دار وجهه عني ..حسيته تعب گد ماصيح ..كل نفس يطلع منه ويه صياحه يأخذ رووووحي
باوع لعلي وگله رووح انته وياها الله وياكم
اجه علي جر ايدي ..
فتح الباب ..صعدت بالسياره ..ضليت مدنگه ماباوعت لابوي ابددد..ياناس بعد ما بيه إحساس ولله ..حتى رده فعل ما عندي
من گد مابچيت حتى البچي مل مني ..
مشه علي ..باوعت بالمرايا ..ابوي طب للبيت
هاهيه اني صدگ انتهيت صرت بلا سند ..
صرت بأدين علي الي كلساعه يهددني
ضليت خاله رأسي علجامه .وابچي
باوعت عليه انته شلون تسوي هييج هاا ..
علي :اول ..احچي علكيفچ ..لتصيحين
ثانيا :اني ماخاطفچ اني تزوجتج على سنه الله ورسوله ..وبرضاتج ..يعني ماخايف من أحد
فهمتي هسه
اني سكتت بعد شحچي و يا ..اساساً شيفيد الحچي بعد ..كوولشي انتهى
وصرت بين اديه وماعندي بس هوو
ضليت ساكته ..وصلنه ..ودخلنه للفندق
دخلنه للغرفه ..اني ضليت بجبتي وحجابي
مانزعت ..تقريبا ساعه وطلع علي
ضليت بس اني ..
اني ..اصعب ايام بحياتي جاي امر ..مرت 3ساعات
واني اگلب بالصور ..ابچي على كل صوره وكل ذكرى
فتحت مالتي الفيس بالايباد
ضليت اگلب بصفحه احمد ..وبابا
متت من الحجاب بس گلبي مينطيني ..انزعه خاف يجي علي ولا عبالك عقدنه احسه غريب
غفيت بحجابي لحد الساعه 12 الضهر ياله فزيت
مضت يومين بالفندق وعلي ابد مااجه
چنت كامشه الايباد اگلب
دگ الماسنجر ..باوعت ضليت صاافنه ..
أحمد اشعنده ..ليش يتصل حتى ماانطاني فرصه احچي ..شيريد مني هسه
أريد اجاوب واتردد ..دگ الف مرره
دز رسايل علماسنجر ..الووو
رزاان رددي اني بالحديقه مال الفندق متأكد انتي هناا
يا ربي هذه شيريد مني ..گمت اررجف
اتمنى اشوفه ..بس هسه اتزوجت غيره شلون بيه
حرت بين شوقي وعشقي ..ورب العالمين وعلي
دز رساله بعد ..ولله أصعد لفووك رزاان ماروح اذا مااجيتي
خففت يصعد وتصير مشكله ..
انتضرت نص سااعه ..ضل يدز رسايل خبلني
اتصل رديت عليه ..الوو أحمد شتريد منيي
رزان ..يحچي بحرگه مره وحده احچي وياچ واروح ولله تعااالي..ترى ولله أصعد انتي بغرفه 208موو
رزان :اجييت ..لتصعععد اجييت
گمت لبست جبتي وحجابي بسررعه نزلت رركض
باوعت أحمد واگف گبالي بالحديقه
أحمد منتهي ..شكله تعبان وجهه أصفر
گلبي انكسر من شفته ..احاول اسوي روحي قويه گباله ..ماريده يتعرضلي بعد
اجيت ..ها أحمد شتريد مني
أحمد :رزان ..صدگ تزوجتي هاا
اني ضليت صافنه بوجهه ..عيوني دمعن بس حبست دموعي ..گتله أحمد كولشي انتهه
أحمد ؛رزان لا ..اني عشقتج بجنون ..حبيتج لدرجه متتخيلها ..لتسوين هييج
گولي غصبا عني ..اسمعج ولله ..گولي ..سويت هيج لان انصدمت منج ولله ..بس اني مستحيل اعوفج اني أعشقج
رزان :..گلت بداخلي بعد وكت أحمد ..
سكتت ومارديت عليه .. ضليت متماسكة گباله ..اني تزوجت بعد مالي شغل و يا ..الحب ميفيد..دمرني بسبب صدمتك جان هسه اني جوى التراب
أحمد ..:رزاان اترجاج ردي ..
دار وجهه ومشه باوعلي انتي جرحتيني جررح بس الله يدري بي
للموت مااانسه السويتي بيه ..اكرهج رزاان
طول عمري مااذكرج بعد ..
دار وجهه وراح ..وگعت دموعي من عيني ..
درت وجهي ومشيت ..صعدت للغرفه ..الدوخه كتلتني .. اتمنيت احضن أحمد واسولفله بس ماگدر بعد ..هذه الچان ملکي قبل چم يوم
هسه غريب ومالي حق بي ..خليت راسي علمخده ..اووف بس المخده تتحمل حزني وبچيي الملجأ الوحيد الي .. 😥💔
صارت تقريبا ساعه 6العصر ..اني نايمه
حسيت بفتحه الباب
گمت طفرت أريد البس شال ..کمش ايدي علي
گلي ..هااا شرييفه گبالي مووووو
بس حموودي ..تطلعيله وتحچين ويااااا موو
دفعني علچربايه ..
رزان :سياده المقدم شبيك ول..ولله
بعدني مكملت شالني من شعرري جرني لوجهه
شنووووو احچي شنووو
لج اني رجل كرررسي ،طرطووور
هااا ردي لجججج..
رزان:..اباوع على عيونه حسيته راح يدفني هناا
گتله ..ولله ما سويت شي بس اسم...
خله اديه الثنين على رگبتي ..
عيوونه حمرر ويصيح
لج حتى ولو علورق متنززلين رااسي گبااااال احددد
لججج الموظفين ..يگلولي عن مرتتتي تحچي ويه واحد ...
لجج كلببببه
هو ويحچي خانگني .. أريد نفس ماگدر بعد ..
نفسي راااح
گمت اضرب على صدرره
اساسا عندي جيوب انفيه گوه أخذ النفس
..دقايق حسيت روحي رااح تطلع ..عيوني دمعن ..
وخر اديه عني وگاام
اني گمت اشههگ أريد نففس
هااا ..
گام ..يصيح كسررر الغرفه تكسير ..
گوه گمت ركض ..فتحت باب الحمام ..دخلت للحمام وقفلت الباب
علي يصيح
فتحت المااي درته على وجهي ..
رجعلي النفس،شوويه
گعدت بالگاع خليت ايدي على رگبتي
جريت شويه نفس ..
إجه علي دگ البااب حيييل وصاح طلععععي
رزااان طلعي احسنلج
اني گلبي يرتجف ..ميته خووف شطلع هذه چنه ووحش
زااد بالصياح وگال رزااان طلعيي
رزان :والسمه اسم الله معليه هوو إجه ..احجي بچي
ولله هو إجه طلعت حتى ميصعد لفووگ
علي :رزان ..طلعي لتخليني أكفر بيج
والله ..قسما بذات الله
اكسرر الباب بس اكسررج وراها
طلعي كلتتتتت....
يتبع......
