أجه ابوي يركض عليه وصاير ناار
اني گمت أريد افهم شصاير ..ضربني راجدي ..
انصددمت ابووي يضرربني
امي وگفت بوجهه وگامت تصررخ
رد عليها ابووي
بتج الشرييييفه الي خلت سمعتي على كل لسان
شوووفي ...بتج منشووره علفيس بين أدين
واحد غريب باااعي
اني جامده إحساسي كوله جاامد ما عرف شسووي
وبنفس الوكت تعبت من هاي السلسله الي مااجاي اطلع منها
.صوري بالفيس من چنت بين أدين علي وهو جان يضرب على وجهي ..ومن اددنيت عنه
ومن واگف يمي ..3صوور
بابا متخبل ..
ويصيح وگلب الدنياا
اني ساكته .. واكتفيت بالبچي
ابوي يصيح وكسر ماخله شي،
لج فضحتييييني
امي گامت تصيح لچ احچي داافعي عن روحج اشبيج جمدتي
خواتي يبجن ...امي وجهه صار ازرك من الصياح
وابوي ..ابوي أحسه منكسر كسسره شكبرها بسببي
رزان :بويه ولله مو مثل متشووف بس اسمعني
بابا :أدب سززز ..اني ما عرفت اربيج لتگولين بوويه اني ماعندي بنيه مثلج
هو يحچي وگعت على رجليه واصررخ انتهييييت
مابقه بيه شي بعد
صررخت ..بابااااا ولله تعبت ولله ممسويه شي ولله شريفه والحسين شرررريفه
جيب القران احلفلك بييي
دنگ عليه جرني من شعري
جا هااي شنوو هااا
رزان:بابا ولله ولله ااغمى عليه مو گبالك وگعت
هو هذه ضابط چان يريد يطلع وشاافني
شوف اني واگعه بين اديه انتبه علصووره
بابا ؛وج جاا ليش ينشروون صورج وياا
هااا
رزان :ولله مااعرف باباا ولله ماادري..احجي وياا وابچي مدمرره
ابوي دفعني انتچه علحايط وخله ايده على راسه ..اني ضليت ابجيي
ما عرف شنو راح يصير تعبببببت
ولله تعبت ياربي ارحمني اترجاك
ابوي هدء شويه من سمع حچي
دقايق وماحسينه غير الباب تكسرررت ..
سمعت صوت احمد يصيح لج رزااااان
اني سمعت صووته ..وهو يصيح ومجروح
ابوي طلعله
احمد ضل يصيح بأعلى صوووت ..ابوي گله على كيفك
خلي اشرحلك مو مثل مااشفت
احمد :..شتشررحلي هاا متگلي شتشرررح
هااي بتك شهرر دخلت للسجن صادقت عليه واني اعتبر رجلها مووو خطيبها
ابوي تكاامش وياا وجيرانه طلعوا وزااد الصيااح
صاح احمد :تريييد دليييل روح اسألها گلها شعدها
ويا بالفنددددق
بتك تدخل فناادق..کام يصيح بالشارع ..انتي طاااالگ
طااالگ
اني ادمرت ..وگعت بالگاااع وگمت اصيح ربي لو ماخالقني ومااتفششششششل ابووي هجي
صارر هدووء اجن خوواتي يرگضن گوومي رزان
گوومي صعدي ابوي اتخبل گووومي
اني انتهيت مااگدر اگووم ورجعت نفس الدووخه عليه
إجه ابوووي جرررني من شعررري جرررر على طول الدرج
امي تصيح وخوواتي يصررخن
ذبني بالغررفه أخذ مووبايلي وكسررره
اتكسرر
صاح انتي اليوم دفنتج اتصيييير لا ولله
احررگچ بلااااااا دفن
قفل البااب وصااح اليفتح الباب ميلووم إله روحه
بعده يحچي دگو عليه عمامي
مبين دروو
راح ابوي رأساامي ضلت اتدگ وتلطم بالباب ييييمه راح تموووت بنيتي
اني گعدت بزواايه الغررفه هاهيه كوولشي انتهه
اليوم إجه وكت موتي
امووت واخلص ..امووت أحسن مما أعيش عااار
تقريبا دقااايق واجت اختي الجبيره المتزوجه
گامت تصيح ..طول عمرنه اني وياها علاقتنه موزينه ابد متخيلت هاي ردت فعلهاا
گاامت تصيح فتحووا الباب
امي تبچي والبنات يردن عليها ابووي ميقبل
روان:شنوووو ميقبل ..اختي مضلوومه واني متأكده هي تعشق احمد ومستحيييل اسوي هجي
امي ردت عليها :يمه وين تروح شنسووي
روان ؛تشررد ..تساافر
المهم متمووت ضلم
امي :يمه وابوج شلوون تشررد
روان:شتردين بتج تمووت ومحد راضي عليها
ويحسبووها عاار
لو تعيش ويحسبووها عاار
امي سكتت ..
روان :اعررفت الجوواب..واذا تخافون من ابوي گولوا روان شردتهاا
بسررعه بنات النسخه الثاانيه مال المفتااح رركض
دقايق واجت روان فتحت الباب
طبت اني گمت ركض
وج روووان شبگتها واثنينه گمنه نبچيي
وج روان ولله ضلم ولله ممسويه شيي
روان :اسس متأكده منج ..اني اتصلت بسماح بت عمي
گتلها سمعي حچيهم وشيقررون تگلينه
اذا ابوي وعمي قرووا الموت هسه طالعين
رزان :من گالت هيچ انهااريت گممت ابججي
وج وين اروح روان وين
رزاان:أسس الي اعرفه انتي قويه ،مو وكت نوح هسه
وين ترحين مادري المهم تطلعين لاربيل ومناك لتركيا فهمتتتي
يله بسررعه گومي لبسي ..اني گمت عندي نفس الحجاب الايراني لون وردي لبسته ولبست جبه ..
اختي خلت كل ملابسي بالجنطه مال الطلعه..
وانطتني گلاده ومحبسين ذهبب
روان :رززان ذني يكفنج ويه الذهب العندج ..يله كوومي بسرعه
شبگت روان وگمت اببجي ..
انطتني موبايل امي وگالت خلي عندج وهناك اشتري سيم كاارت جديد غير هذه
طلعت روان .. بهالاثناء دگ التليفون باوعت علي حافضه رقمه
يااربي هذه وكته هسه
الووو ..شترييد ماكفااااك الصار
علي :لتصيحين وتعااي بسررعه فتحي باب البلكونه ليشوفني أحد
رزاان :شنوووو
انته تخبلت ياابه رووح ابووس اديك
علي :گتلج تعالي
طلعت ررركض
فتحت البلكونه الاصليه ماكوو أحد
رحت لبلكونه غرفه امي وابوي لگيته
صحتت بووجها اتخبببلت ..لك انته ميهمك شيي اني اطيح بييييها
هو صافن بوجهي علما خلصت
گلي رزان ..اني السبب بكلشي صاار
رزان:ههههرزان :لا اله الا الله ..اروح لاربيل وبعدين لتركيا هسه روووح شبيك ولله راح يكتلوني رووح
علي ؛رزان ..تزوجيني ..
اني انصدمت من سمعته ..كمل حچيه وگال شوفي جم شهر علما تصالحين ابوج وكلشي ينتهي زواج علورق بس
اني صففنت بوجهه
علي ؛هسه دنيا بليل منو ياخذج لاربيل واحتمال ابوج يلگاچ ..اني جاي اسوي هجي لان اني السبب بلي جاي يصير ..وبراحتج بعد
بهاالاثناء هو ويحچي دگ تليفون امي بيدي ..سماح
رديت الووو
سمااح:وج رزااان شردي بسرررعه ..ولج قرروا يدفنون عارهم عمامي وابوي وابوج واولاد عمنه وكولهم مجتمعين وجاايين
اترجااج طلعي اترررجاج
اني نزلت دموعي من عيني وحدهم وصفنت بوجه علي
وللحكاية بقية 💗
حبايب اني كاتبه جديده مثل متعرفون لهالسبب مو الكل يعرفني ..والقصه بيها احداث اهواي وماريدها تنظلم بسبب قله
المتابعين برأيي وحده عانت هالگد تستحق الكل يعرف قصتها وهذا بارت صغير لعيونكم ..احبكم 💋💗
دعمكم وتاك للاصدقاء وخمس ملصقات للاستمرار
