مساء الورد
من نزل ضليت صافنه هذه علي لو اني غلطانه..
صدگ فاجأني ..إجه فتح الباب متنزلين..
نزلت بدون مارد عليه ..عفت تليفون بسيارته
دخلنه للمنتزه..امشي يم علي ومدنگه ..
مالي خلگ يسويلي مشكله..
اتفرعوا..كل واحد راح على لعبه..
طبعاً لبنى لازگه بعلي مستحيل تعوفنه
ضلينه سوه اني وعلي وامير وسمر وسحر ولبنى.
وصلنه لعبه السقوط الحر
سحر ولبنى وسمر قررن يصعدن بيها..
اني ماحچيت ..گلت خاف اصيح..وعلي يصير عصبي
باوعت سحر ..شنوو انتي متصعدين..
لبنى ؛لاا اكييد تخاف الدكتوره ..
طگنها ضحكه..
سمر :بنات عوفنها براحتها..
علي دنگ راسه على اذاني وگلي..تردين تصعدين
اني باوعت بوجهه هذه جوكر ..كلساع وجي
يخيرني اول مره ..من الصدمه طگيتها ضحكه
هههههههههههه..
صدگ تحچي..
علي:انتي مو مالت بشر يحچي وياچ..دار وجهه
گلت بگلبي يي هو هذه علي الاعرفه
لبنى ؛راح نروح نأخذ تيكت ..تردين لولا
رزان؛..اني گوه متحمله لبنى ..گتلها أصعد ..
لبنى :تعال وياي علي نجيب
علي باوعلي....ادور گللها..لا خلي امير يرؤح مالي خلگ
لبنى جعصت وجهه .. راحت هي وامير جابوا تيكت
رحنه كولنه نريد نصعد ..
علي ؛رزان اذا تخافين ماكو داعي تصعدين
رزان ؛ومنو گلك أخاف ..عفته ورحت
صعدنه اربعتنه.. لبنى صارت يمي ..واني بالطرف
انتبهت عليها تغمز لسحر ..عود هي يابه ناصبه عليه ..
لبنى :ديربالج تنكسر ايدج ..يله اذا مانكسرت هنا علي يكسرها ههههههههه
رزان:..لج انتي شعبالج علي يحبج.. اني مامنطيته مجال.. والا چان ميباوعلچ ..لبنى ضاجت
لبنى :هه لج لوو تموتين علي ميباوعلج
رزان :،لو أريد شي اسوي.. مثلا ..هسه من نصعد لفوگ ..
اجر هاي الي لابستها مالت المقعد وتوگعين من فوگ وتموتين..ولهذه السبب لو أريد علي يحبني..بس انتي متگدرين لان مو جريئه مثلي
لبنى :شنووو لچ تهدديني..هااا..لو عبالج أني مو جريئه واخاف اسويها
رزان :تتراهنين..من يصعد لاخر نقطه ..الي تفتحه المقعد الثانيه اول ..هي الي تگدر تأخذ گلب علي للابد.. ..اني ودا احچي بده يشتغل علكيف
لبنى :مااشي ..نشوووف...
اني ابتسمت ...ههههه شگد غبيه رأساً عبرت عليها
صعدنه لفوگ..ولبنى متحضره...اول ماوصلنه للاخير..لبنى مدت اديها..تريد تفتحه صفنت هاي مخبله صدگ تريد تموتني.اني الج ميخالف
اني خليت اديه على اديها..سويت روحي عود اسحبهن واني كامشتهن بقوووه..
گمت اصيح بأعلى صوتي.. علييييي
لبنىىىىى ...ووخريييييي.. لبنى صافنه بوجهي.
علي وامير انتبهوا علينه.. گمت اصيح بآعلى صووتي ..بس بچيت من صدگ من كل گلبي
واصيح يييييمه..
فررغت ضيم گلبي كووله....
علي تخببل گام يصيح طفييي اللعبه ..طفييييها..
ابو اللعبه يصيح هااي مخبله تريد تفتح مقعدددددهه
انزلنه لجوه.. رخيت اديه وغمضت عيوني..
انطفت اللعبه.. إجه علي يرركض..
شالني بين اديه ..ركض خلاني..علکااع..
ويصيح رزااان ..وووج رزاااان رددي عليه ... اول مره أحسه يخاف عليه صدگ
امير بسررعه جاب ماي ..فتح البطل وذبه على وجهي.. فتحت عيوني.. الامه مگلوبه ..الناس مسوين دائره علينه..
علي :رزان خوو مابيج شي ..
رزان :،ّ..علي ولله كووله من لبنى ..تريد تذبني من فوگ..احچي علكيف
گام علي ..باوع لبنا..سمر إجت گومتني ..اجو اهله
لبنى :ولله اني معليه..هي گلتلي
علي :اسسسسس ..لججج كلبببه ..شنوو تايهتلج هييييه..
أمه رأساً حچت .. يمه شعليها لبنى
علي :قسماً بذات الله ..اذا ادنيتي بعد يم رزااان احرررررگج..
علي يصيح ..خفت يلوحني من الحب جانب ..
نفس العصبيه ويه الناس كولها..
لججج كلببببه شفتتج بعيببني
ضل علي يصيح گلب الدنيا..
لبنى تبچي.. بالاخير دار وجهه عليه جر ايدي ومشه حييل..
وصلنه لسياره ..صعدنه علي يمشي سررعه عود عصبي..ورى شويه گلي
علي :رزان ..مابيج شي مو
رزان :،،..لا عادي ..اصلا شيصير بعد چم يوم..ترجع لغرفتي عادي ..
علي ؛ماكو هيج شي..اكسر رجلها اذا وصلت للباب مو للغرفه
رزان :هه وتقنعني..
علي :احسبيني مو رجال ..اذا وصلت بعد
اني ابتسمت وأخيرا عشت نصر سخييف بعد خيبات وخسارات كبيييره
قريب مانوصل للبيت ..دگ تليفون علي
انطانيا.. عرفتها امي
رديت عليها ..الوو
امي تبچي ..تخبلت ..يمممه شبيييجامي :يمه تعااي بسررعه ابوج بالمستشفى من الصبح ويهذي بأسمج ..رزان
رزان :لييش يمه شبي ابووي
امي :يمه جلططه ..تعااي بسررعه ترى ابوج يريدج
رزان :بعدهه تحچي وياي انهاريت.. بيااا مستشفى انتو
امي ؛احنه ب*********
باوعت ..عليي اترجااك اخذني لابوووي .. شعور قاتل .ابوي ..روحي من هاي الدنيا
وحتى لو ميباوعلي ..نفسه كافي ..لو أعيش خدامه جوه رجليه كاافي.. بس كون ماافارگه..
وصلنه للمستشفى ..طبيت ارركض مو امشي وعلي ورأي
الدنيا ضلمه احسها..ونفسي ضاگ.. ابوي ضوه عيوني.. اذا راح أعمى بدونه
اني وامشي شفت رجل اختي روان..
ركضت عليه .. هااا ..عمااار ابوووي وينه
هااا ..وييينه
عمار ساكت ..إجه علي .. باوع على عمار وصفن بوجهه صيحتتت عمااااار ررررررد
باوعت لعلييي.. علييي اترجااك اخذذذني لابوووي
ارييد اشوووفه.. علييي شبيييك
ردوووا ..
علي ؛.. رزان ..الله يررحمه
رزان:مستحييييل.. وانته شمدررييييك جنت ويأي
ضربت علي حييل على صدرره ..اسكتتت جذاااب
انته عمار گلييي..
عمار :إلى رحمه الله
رزان :دخت.. وبعد ماشوف شي ..عيوني غوشت
مستحيييل.. ابوي مااراضي عليييه
مستحييييل.. بابا..
بابااااااااااااااااااااااااااااااااااا
صيحت بأعلى صوت عندي.. علي كمشني حيل صيحت
وووووخر عنييي.. هذه ابووووووي ..هذه روووحي
باااااااباااااا..
نفسي انگطعع.. ووگعت بدين علي بعد ماحس بشي
صحيت بأيدي كانوله..
وعلي گاعد گبالي ..
رزان :..علي ابوي ..
علي :إجه گعد علسرير.. .. رزان كافي لتسوين هجي
رزان :راح وماراضي عليه .. غاضب عليه ..
ااااه ..بوووويه..
علي :رزان كافي اترجاج
گمت ابچي بكل قوه عندي ..ابوي راح واني شهور ميحچي وياي
مات وعباله اني مسويه علاقه مو شرعيه ويه علي
راح وهو غاضب عليه ..
ما كو الم اكبر من هذه الألم
ابد ..شكثر تألمت لسه..بس مو لهدرجه
علي :رزاان كاافي بجيي ..ميفيد ولله أبوج يتعذب ميصير
رزان؛انته متفهمني.. متفهممممم شعوررري
علي حضني.. حييل
جرني بقوه لصدره ..
اول مره احس بي ..اول مره احس بعلي وياي
صيحتت وووخر عنني ووووخر
علي ضل حاضني.. بچيت لمن الله كال بس ..
ادنه علي..خله أديه الثنين على وجهي ..رزان كافي
تردين تعذبين ابوج انتي
رزان :..دموعي يجرن..
لاا ماريد اعذبه.. بس اني اريييده ..ولك علييي احببه.. روووحي راحت منيي.. گمت أصيح لا ارادياً
دخلت الممرضه ..ضربت ابره بالمغذي..
دقايق وغفيت
گعدت الصبح .... كل شعور بيه ميت ..
اكتفيت بالبچي والسكوت
امي وخواتي يصيحن.. يملخن.. اني ماگدر
جرحي اكبر ..واعمق
اني جرحي ابوي ..ماراضي عليه .. وراح وبعد ماشوفه
مرت ايام الفاتحه.. وضليت عد اهلي 5ايام
حچايه ماحچيت ..لگمه مادخلت بحلکي ..
گاعده بالغرفه وحدي..ورأسي بين رجليه..انود..چني مخبلهاشتهيت ارجع طفله ..حتى مااعاني من هذه الالم
حتى ابوي يبتسملي..ويمسح بأيده على راسي ..
سمعت صوت يمي ..يمه رزان ..حبيبه ليش متحچين
رفعت رأسي عليها ..
امي :يمه ردي سمعيني صوتج ..شبيج
مارديت..ورجعت رأسي لنفس مكانه.. صوتي ميطلع
راح ابوي .. هاهيه
مرت 10أيام واني عد اهلي .. علي عايف الموبايل مالتي عد اهلي
دگ عليه هواي مارديت..
نايمه.. وابچي وادعي لابوي..
شفته إجه .. ملامحه مامبينه.. بس وجهه عرفته
بابا ليش،تبچين
صوتي ميطلع مني.. خله ايده على راسي،وگال
بابا ..راضي عليج ليوم الدين
واختفه..صحيت من نومي..ساعه ب4الصبح
طفررت ..مااصدگ
ابووي .. ابوي يحس بيه ..يسمعني
رحت تجددت.. وضليت اقراله قراان
ل10الصبح ..گضيتها بجي ويه القرآن
إجت امي ..يمه رزان ردي عليه شبيج تخبلتي
رزان :ماما ..ابوي يشوفني..اليوم حاجاني
ابوي راضي،عليه ..
امي :يمه يبعد صوتي صوتج..شبگتني وگمنه اثنينه نبچي
ماما مااصدگ ..ابوي راضي عليه ..
رزان ..كافي يمه راح تموتين .. خليت راسي على حضنها.. شويه ارتاحيت ..صارلي شكثر ماحاسه بهاي الراحه ..حضن امي ..الله يحفضليا
بقه بس هوو
مرت الايام .. حالتي سيئه بس احسن من قبل ..
قررت ..اتطلگ من علي وابقه يم امي وخواتي الثنين..
امي گاعده ..تقرى قرآن لابوي..
اجيت ..بوستها من اديها ..اذكرنه سوالف ابوي ..وشقا..وعصبيته..
ضلينه 3ساعات على نفس الگعده..
متنه من البچي وتعبنه..
امي :يمه كافي .. الله يسعدجن انتي واختج روان
بعدلي خواتج الثنين ..الباقيات اوف يايمه
كون اطمن عليهن قبل لا اروح لابوج يمه
رزان :اسم الله ..لتگولين هيج ..شبقالي غيرج
ومابقالج 2بقالج 3بنات
امي :شنوو يمه
رزان :يمه راح اطلگ من علي
امي :شنووو ..ليش علي يريد يطلگج
رزان :مو هو اني ..
امي ؛تنچبين وتگعدين بيتج..
رزان:يمه يابيت .. گمت ابجي..يمه لو شارع احسن
تدرين بعلي خاين ..اريد أكمل
گلتلي واذا..رجلج حلوو ومعروف وعده فلوس وشخصيه ..اكيد الكل يباوعله..
انتي مابيج حظ ومامحافضه عليه ..
رزان :يمه شبيج اسمعيني ..
امي :يمه .. الدنيا صعبه ..وباجر عگبه إخلي راسي على راس ابوج واروح.. منين اصرف عليجن انتن الثلاثه هاا
رزان :يمه ..ليش احنه ماعدنه قابل ..انتي عدج راتب.. وابوي هم
امي ؛اني بقالي جم سنه واتقاعد مره چبيره
وابوج راتبه صار كل شهرين ..خواتج متطلباتهن هواي.. اختج حنان تريد طب أسنان اهلي
11مليون بالنسبه مدري شگد..وجنان هم تريد مدرسه اهليه زينه هللسنه سادس الله اليعلم چم مليون تريد .. وابن اختج روان مريض ..وحالتهم على گدهم
رزان :يمه ..اني كليتي حكوميه.. وعدي ذهب
واكدر اعيشن بي ..مااخسرج ولله
عادي اذا تردين ..حتى لگمتي اشتريها علما اخلص
كليه ..
امي :رزان ..شبيج منو يأخذج اذا طلگتي هاا
بعد جم سنه يجيج لو رجال
جبير .. لو واحد مطلك وعده ست جهات تربيهم
لشوكت تضلين تصرفين من ذهبج انتي
رزان :انصدمت من حجي امي ..ماتوقعت هذه ردها
يمه شبيج.. نفس ماجنت قبل عدج ارجع هسه ..شنو متعاجزه من لگمتي .. انتي تدرين شعايشه ويه علي
بعدني ماكملت ..گالت ..هو الرجال هجي تحملي جا شسوين ..
گمت وگفت مااستوعب الحچي
ييمه انتتي شبييج ..قبل هم شمرتوني ..لتسويها هسه .. گمت ابجيي حييل واحچي ..
ليش هجي هاا ليش
امي :يمه ماعدج غير رجلج تحملي
رزان :هوو انتي سمعتي شنو هو رجلي ..شعايشه و يا ...
امي :الزلم كلها هجي گبالج شكد تحملت من ابوج
رزان :.. حتى آخر قطره أمل عندي ..انتهت ..وتلاشت..اتخبلت..
بعده ميهمني شي ..هاهيه..بچيت بحررگه وگلت
ولله صدگ ..علي
علي النار الحمتني من كل نيرانكم
علي تدرين شسوه.. هاا
سمعت صوتي روان ..وخواتي طبن يرگضن
كملت ..هذه علي الماريده..
من اركضت بالشاارع من سالم.لگيته وهو نقذني
من تهددت بصوري ..هو نقذني
ومن وصلت للموت هو نقذني
ومن محد سمعني هو الوحيد الي سمعني...
كلهم صافنين بوجهي..
انتووو عود اهلي مااسمعتوني ..وأحمد دارر وجهه وگال انتي گ..
وابوي ..سلمني بدين علي بدون حتى ميتأكد من
زواجنه ..وگلي الللللله وياج
انتووو منوو..احچي بصوت وبچي بس گلبي يتكسرر ..
اصلا اني ماريدكم.. اني أريد ناار علي ...لان ارحم منكم ..
لاخر يوم بععععد لتذكروني ..اعتبرووا رزان ماتت
مو ردتوا اطموني قبل چم شهر بدون دليل ..عادي هسه كملوها..
مشيت..بس ميته بداخلي ..اني المن عايشه ..منو الي ..محددد
اني وحددي ..بس اني وخيالي..
اجو ورأي ..روان ..تصيح رزااان..دخلت للغرفه اخذت تليفوني..طبيت للحمام وقفلت الباب
انهاريت.. تعب مني البچي مو اني تعبت منه
.. اجيتك علووش شوووف.. اني برجليه اجيك كل مررره
اتصلت عليه .. الووو
علي،:الوو رزان ..خومابيج شيرزان ؛علي تعال عليه .. ..سكت شويه أدور رد متأكده مابيج شي ..
رزان :گتلك مابيه شي ..تعاال
علي :،بس أكمل اجي ..بليل
رزان ؛هسه تعاال علي
علي :لج خووفتيني شكووو
رزان :اريد ارجع بيها شي
علي ؛جاي ..ها..اها ..حضري نفسج
گعدت تقريبا ساعه بالحمام ..
أدور طلعت .. رزاان شبيج تعااي.
رزان :محد يدنه يمي .. رايحه اني
طبيت للغرفه خليت اغراضي..
كلهم ورأي كل واحد يحچي حچايه ..بس هاهيه
اني تعبت.. انتهه ...
ما احس روحي تستجاب لأي حچايه ..مر الوكت
إجه علي دگ عليه ..
ماودعت أحد... طلعت وخواتي يبجون ورأي
بس ماطاحت مني دمعه..إحساسي بارد
المن عايشه..شنو اني..
اني فد شي ..محد يريده بعد ماچنت عار قبل جم يوم
ركبت بالسياره طول الطريق..ساكته
وصلنه ودخلنه..للبيت..أريد انزل
علي :رزان ..خو مابيج شي ..ليش اصريتي علرجعه
رزان :اووو..اسفه علي ...يوو خطأت
اسفه سياده المقدم .. اخرتك عن غاده ..رهف ..هيفاء..لبنى .. هااا
لو غيرهن..اعذرني
علي ساكت ويباوع بوجهي..
لو متريد تجي عليه .. هههه ..
بچيت ...وگتله ..من شوكت تخاف عليه هاا
شلت چف ايدي .. هذه انته كسررته
طلعتله ..بطني شوووف هاي اثار حزامك هنا
ورأسي متروس حب من جرك
ورحايتي وگعت من البوكس العظيم ههههههههه
علي ؛رزان ..انتي بخير
رزان :لاا اني بخير ..لتعطف عليه
مو مثلك مخبله.. اتقربت على وجهه وگتله
انته مخببل..مختل عقلياً ..
فتحت الباب وباوعتله هااك ..ضربني راجدي لان اجاوزت عليك ..
هو صافن بوجهي.. گتله يله خيرها بغيرها
لاا نسيت شنو خيرها بغيرها.. هي اخر مره هاهيه
هاي النهايه متأكد متريد راجدي..
ساكت علي ..
رزان :اهاا براحتك ..مع سلامه..
نزلت.. رفعت راسي علبيت كوولش عالي ..يعني اذا واحد يوگع منا يموت
ضليت تقريبا 5،دقايق.. اباوع
اقتنعت اموت ..طبيت للبيت ..سمر وامير شفتهم..
هلوو رزان
باوعتلهم..مع السلامه ..صعدت للغرفه..وقفلت الباب
وگفت گبال المرايا..لج انتي منوو
انتي محد ..انتي مدگه لعلي ..بس
نزلت دموعي ..بس اني مااستاهل كل هذه..محد يريدني. ليش ..هاا..شعور محد حاس بي قبل ..بداخلي..
كلشي بيه جامد.. عقلي جامد وگلبي ..
اني انتهيت كاافي..لهنا لعبتي خلصت
سحبت البرده مالت البلكونه ..وافتحت الباب..
طلعت..شتميت هووى..
صار لي شگد مماخذه هيج نفس ..براحه. ..الله
باوعت لسماء ..ياللهي انته ماراح تسامحني
واني هم ..مااسامحك علصار بيه
بيوم القيامه اراويك اثار جسمي ..كسرات گلبي
دمع عيوني وومتأكده ترضى عليه ..
دنيت علسياج مال البلكونه..عبرت رجليه الثنين..
صار السياج ورأي ..وكامشته بأديه الثنين
غمضت عيوني ..
وللحكاية بقية
