مساء الگيمر💗
وگعت بالگاع ولله مصدومه من الوجع والضربه
تخيلت فچي نشال من مكانه .. حلكي گام يجري دم حسيت سنوني تكسرن ..
اتخيلته يضربني بس مو بوكس مو لهدرجه..ثواني بين ما
درت وجهي عليه .. انفتحت الباب .. إجه اخوو اميرر يركض ..
علي يصييح .. وووج كلبببه ولله اربييييج
دنگ عليه ..
إجه امير دفعه .. حييل
علي باوعله .. لككك انته منووو ..وشعليييك هااي مررررتي
امييير :اهدده عليي انته گلتهاا هااااي مررره مو رجال ويرد الضربه عليييك
ثنينهم يصيايحون.. انفتحت الباب واجو الباقين
اني رأسا گمت شلت البدله من گدام .. باوعت مو بيضه صارت تقطر دمم من فوگ
شلت البدله وركضضت صعدت الدررج
عليي شافني..صااح تعاااي لجج وين تشررردين
إجه يرركض وراااي ..
دخلت بسررعه للغرفه وسديت الباب ..
بمفتاحها بيها ..رآساً قفلتها .. ورديت ليورى
شعوري بالخوف مينووووصف
صدگ جسسمييي كله يررررجف
اجه عليي يييدگ بالبااااب حيييل
لجج افتتحييي ..
ضررب الباااب حييل
من الخووف واباوع نفسي شلون مليانه دمم
دخخت حييل حسيت راح يغمى عليه
علي يصيح بالباب .. سمعت صووت
ابو..إجه يصيح علييي
ابو گام يصيح وعلي يررد عليه
بالاخير گله بصوت عااالي ولله اذا مديت ايدك عليها
اتبرى منك ليوم الدين ..
مارد عليه علي ..
ادور صااح عليمن تتفرجوون خلصتتتتتت المسررحيه
ومشه ..
راح صوته يمكن راح .. صارت سكته
بلعت ريگي .. واوگعت علگااع .. دخت بعد ما اشوف شي ..
بچيت ..ربيييي الحمدلله من راح ..الف الحمدلله
اريد اوگف ماگدر .. گمت گوه وصلت الثلاجه
طلعت بطل مي ..درته نصه على وجهي
بقيت دقايق بالگاع دايخه وماگدر اگووم
ورى شويه گمت رحت للحمام ..غسلت وجهي
حلگي يجري دم .. اني واغسل حلگي،
نص رحايتي طاحت .. بيدي
اثار اصابع ..من سدهن وضربني بخدي
صاير عبالك بطباطه ..
شفت روحي هيچ دخت اكثر.. احس الدنيا صارت سوده
طلعت من الحمام ..گعدت بالگاع
ضليت گاعده تقرييا ربع ساعه ..اندگت الباب
خفففت ..گلت اكيد رجع عليي
صحت منوو
سمر :اني،سمر اخت علي فتحي الباب
خفت افتح الباب ويطلع علي يمها..
سمر؛ولله علي راح اجيت علحسابج افتحي ولله محد يمي
گمت گوه فتحت الباب ..
ادنيت ليورى ..انتچيت علحايط وگعدت
دنگت عليه سمرر ..شوو رزان شبيج
رزان :دايخه .. ماگدر اگوم
طلعت سمر تركض ..إجت جايبتلي .. ماي وبي شكر
شربته ..
وراحت ادور جابت معقم وگطن
سوتلي وجهي .. ابچي من الالم .. يوجع بشكل مو طبيعي
ورى شويه اندگت الباب .. گامت سمر
جابت عصير مال برتقال
رزان :منين هذه ؟
سمر :امير جابه حبي هذه طبيعي هسه تصيرين زينه
شربته ..ورى شويه حسيت نفسي احسن
گدرت اوگف ..ساعدتني سمر وفتحت البدله من ورى
انزعتها .. اني كلشي ماجايبه من اهلي
بس الي انطتنياهن روان اول مرهماعندي بس ملابس الكليه
انطتني سمر من عدها مثل الثوب قصير ..لبسته
وصل للركبه
باوعت لسمر .. شكرا الج سمر .تعبتج
سمر :يا ..شنوو سالفه انتي أخيتي
صدگ محتاجه اخت يمي ..حضنتها
بچيييت ولله تعبت
سمر تسكت بيه وتقنع ..بس كولشي ميفيد
اني مكسوره من داخلي ..ومحد يگدر يصلح هذه الكسر
سمر :رزان أدري بعلي طبعه صعب ..بس هو يحبچ ولله ويغار عليج
گتلها بگلبي .. يموت عليه هههه
سكتت ومارديت
ورى شويه طلعت سمر
قفلت الباب وراها خاف يجي الحلو
خليت راسي علقنفه وبچييت
بالي يم احمد ..شراح يصير بي
واني غرگانه بالتفكير غفيت
گعدت الصبح ..ب8علا صوت دگه الباب
گمت فتحتها ام علي .. اليوم جمعه وكلهم موجودين
دخلت ..
تحچي وتباوعلي بأستصغار ..عبالك جابتني من الحاويه
حچت ساعه هذه البيت بي قوانين وقواعد ومدري شنوو
ساعه تحچي .. گلت بگلبي گولي لابنج وعلمي ميمد ايده على مره
طلعت .. بعد خطاب طويل
رحت سبحت .. شكل وجهي صاير يخووف
وازززرگ حييل
حاولت اغطي بأي طريقه ميفيد
بالاخير عندي خافي عيوب قووي
خليت منه
گوه اخلي الوجهي موتتني من الوجع ..لبست فستاني الوردي ..نفس ترتيب كل مره
نزلت وياهن ولا عبالك امس صارت مذبحه ..كون اتصرف طبيعي
احچي أكثر شي ويه سمر .. واختها الثانيه سحر
حتى متدنه يمي عبالك بيه مرض معدي
مر النهار عادي ومااجه علي
بليل ساعه 9تقريبا
صبن العشا . اخذت وياهن المواعين
اخوه علي،كلهم موجودين
جاي اخلي الماعون ..سمعت صوت علي
شگد أخاف من هذه الصوت ..احوالي كلها تغيرت ..
الطاوله چبيييره على عددهم
درت وجهي شفت علي ..لابس قاط بيجي ..بنفس الترتيب
يحچي ويه واحد من إخوته اسمه حسن الچبير
وعينه عليه
طلعت من الغرفه .. أريد أصعد الدرج جر ايديباوعتله .. ارتبك من الخوف من اشوفه
أحسه يسوي،اي،شي،بدون ميرفله جفن
علي،:هاي شنوو شخاله بوجهج
رزان :هاي حتى اوخر اثار بطولتك مال امس
علي،:بلا لغوه زايده وامشي مسحي وجهج وبدلي هذه الابسته
جريت ايدي من عده ودخلت الغرفه
إجه دخل ورأي .. لا اله الا الله لطش بعد
علي،:رزان مسحي وجهج احسنلج
مارديت عليه .. إجه جرني من ايدي
خفت يضربني مثل امس ..
..گتله عليي وخر عني ولله هسه امسحه
وصل للميز الي عليه كلينيس ..
دفعني علميز ..وصار قريب عليه سحب كلينيس
فررك شفتي فرررك
كمشت ايده بسررعه وجريت الكلينيس وگتله
اني امسحه ولله بس وخر عني
ضل صافن بوجهي ثواني ..ارتبكت ..وخفت ارگع راجدي نفس كل مره ..
دار وجهه .. مشه شويه أدور باوعلي وگال
مسحي وجهج وغيري هاي البدله الي لابستها..شگصفها
رزان :هنه ملابسي كولهن هيج شلبس مثلا .،وبعدين شنو مشايفني هيج قبل
علي :قبل انتي گلتيها ..قبل لتصيرين مرتي
رزان :ليسمعك يگول ماخذه رئيس القوات المسلحه
ههههههاي
ضل صافن عليه ..
رأسا گتله ..مو قصدي هيج يعني ماعدي ملابس غيرهن كلهن هيج
مارد عليه .. دار وجهه وطلع
مسحت شويه وجهي .. ايدي اليمنى رجعت أسوأ من الوجع
وفچي حتى ماگدر اكل عليه من گد مايوجعني
ورى ساعه تقريبا .. ب10بليل
إجه علي .. اني چنت مشغله التلفزيون وافكر
اتمنى اعرف شصار بأحمد بس اخاف أسأل علي
دخل ..علي :گومي لبسي عبايتج
رزان :خير انشاءلله ليوين ..
علي :مو ماعندج ملابس ..گومي اشتري
رزان ؛ماكوو داعي ماريد
علي :براحتج ..بس بعد من تطلعين لبرى گبال اخوتي تلبسين عبايه
درت وجهي عليه وگتله شنوووو
هو ومدنگ علتليفون رد عليه ..هذه العندي
رزان :انته ستوك گلت گومي اشتريلچ ملابس
علي :غير انتي مترضين
رزان :لا منو گلك .. أريد
علي :چا يله گوومي ..لتضلين ساعه ..ماانتضر غير 10دقايق
گمت .. على نفس لبسي لبست عبايه .. مالي خلگ
گتله كملت
گام وطلعنه اني ويا ..
هم اخذني لنفس الفندق .. باوعتله
جاايين نشتري ملابس لو للفندق مفهمت
مارد عليه نزل
استغفر الله ياربي.. الله يطولچ ياروح
نزلت ورى .. دخلنه لجوى .. يم الفندق اكو ملحق خاص بس ملابس
اول مادخلنه إجت وحده .. سلمت عليه
غاده :أهلا وسهلا سياده المقدم
علي :أهلا بيج ..غاده اخذي رزان وياج تريد ملابس
غاده :ماشي .. تفضلي حبي
هو مدري وين راح .. اخذتني .. الملابس يخبلن
اخذت كومه الي عجبني والما عجبني
خلي اخسره شويه لحضره المقدم
ورى شويه إجه هو.. باوعتله غاده .. وگالت حبي على راحتج اختاري اني شويه واجي
رزان :براحتج حبي .. باوعتلها راحت لعلي
أخذ ملابس واباوع عليهم .. هي تضحك وتحچي وعلي يبتسم ويرد عليها .. إجت وحده ..
ها حبي اساعدج .. من الموضفات ..
باوعتلي وگالت ليش تباعين علمقدم وابتسمت بوجهي
گتلها معجبه ..شنو اسمج انتي
گالت هيفاء..
عبالج...هو بس انتي كل اليجن لهنا معجبات
وهو صلوات مقبرة مترد ميت
رزان :شنوو قصدچ مفهمت
هيفاء :هو منو ميعرف المقدم علي .. هو يحب النسوان ..يموت عليهم..نسونجي وكلها تدري
رزان :فاجأتني من گالت هيج .. گتلها ممبين عليه
هيفاء :لا حبي باعي هاي غاده اهم موضفه عنده شوفي شلون تحچي و يا .. حتى هي عدها علاقه و يا والكل يدري ..حتى من يجي ضايج اول وحده تروح للغرفه غاده
رزان : شنو يعني موضفه عنده ؟..و شنو يعني تروح للغرفه؟
هيفاء :ياا متدربين .. غير هذه الفندق مالته ..
اصلا هاي مملكته ..حتى لبيت اهله ميرروح هواي
لو بالشغل لو هنا .. وانتي متعرفين شنو يعني تروح للغرفه هههههه 😉..اصلا مو بس هي ماكو وحده تشتغل هنا مااتعرف عليها
رزان :.. اها ..شعجب متعرف عليج انتي ..و شنو يعني متزوج غاده هوو
هيفاء :لا عيني .. مو هيج اني ..تدرين ليش ميحب وحده ابد ..گتلها ليش،؟لان كولشي يريده يأخذه من اي وحده ..هو.يريد وحده شريفه بس ماجاي يلگاهه
عنده كولشي ب25الف .. البنيه الي ترفض
تگضي،ساعه و يا هيه إ لي راح يحبها
واني اريده .. وهو ميعترف بسوالف الزواج عادي عنده ..
گتلها ليش مادريتي امس عرسه..
باوعتلي ومبتسمه ..عادي الشرع حلل اربعه
رزان :گتلها بگلبي ولله ثاقه بنفسج ..
أذا هو من هذه النوع شلون تفكرين بي
هيفاء :عيني هو معليه ..البنات كولشي ينطن
اصلا هو ميثق بالبنات بسبب الصار و يا
رزان :ليش شصاير و يا
هيفاء :وج تدرين هو جان يعشق وحده .. بس يگولون خاينته ..لهذه سبب صارله سنين ماتزوج غيرها
رزان :لييش هو چان متزوج ..
هيفاء :يي بس مو هسه ..صار له كوولش هوواي
رزان :.. درت وجهي ..
خاله ملابسي الي خذتهن بسله بالگاع .. ويمها سله ثانيه مال ولد .. إجه هو أخذ السله مالتي اشتبه
باوعتله .. عفوا هاي الي
ابتسم الولد ..واعتذر بدلها واخذ الثانيه
باوعت ورأي ..علي جاي
وصل يمي .. بعده ماحاچي گتله .. ترى الولد اشتبه
وگتله اني
علي :يله ماكملتي .. اريد ارد عليه
باوعت هيفاء وگالت حبي هذه البدي تردي هسه لولا ..
باوعتلها اصلا اني مكمشت البدي .. اتباوع لعلي ومبتسمه .. هو هم يباوعلها
گتلها لا حبي شوكرا ماريده ... ردت عليه
گلتي اسمج ريام موو
صدگ ضجت تحاول تلفت انتباهه بيه اني
باوعتلها وگلت .. صارلچ نص ساعه تحچين وياي وتگليلي رزان .. المهم اني رزان زوجه المقدم علي
هي صفنت بوجهي ..
اخذت السله ومشيت . .. إجت غاده اخذتها مني ..
ورى شويه انطني الملابس وطلعت اني و يا ..
نزلت اني .. وهو حرك وراح
دخلت للغرفه ..
ضليت افكر بحچي هيفاء ..
ورى شويه شفت علي مااجه قفلت الباب واخذت الايباد ..فتحت الفيس ..
لگيت رسايل من احمد ..اول دازلي صوره تحمل
رزاان صدگ راح تتزوجين
رزان ردي عليه .. اني اخذج ونتزوج ولله
داز كوومه رسايل من شايفني ماراده عليه .. داز مقطع فيديوو
فتحته ..
شعر مالت جبار رشيد ..
بالبدايه گال ..الى من كانت لتبقى وإلى من بقيت لأنها كانت
جبت كولشي وعفت كولشي
ومدري شلون اجيت امشي
اجيتك ردت اگلك شوف
ردنه نعوف كولشي وماگدرنه نعوف
جبت كولشي اليسولف بيك ..خيالي وصحوتي وطيوف ..
وللحكاية بقية 💗
