علي واني مصدومه من حچيه ..
ضليت طول الليل افكر .
علي يحبني ..وسلمني لابو سالم
علي يحبني .. وكسر ايدي
علي يحبني..وضربني بوكس
علي يحبني.. وماكو وحده لسه ماعده علاقه بيها ..علي يحبني وميثق بيه ابد ..ويشك بيه حتى ويه اخوو
زين اذا حبه هيج .. كرهه شلون
واني ابد مامتقبلته.. ما عرف
زين اذا طلگت وين اروح ووين أولي ..
نمت وگعدت الساعه ب9
ماعرف شسوي محتاره ..
مرت 3أيام وعلي ماجاي .. اتصل عليه ميرد
صار يوم الظهر .. الزلم حفله مسوين بحديقه الفندق مالت علي .. والنسوان هنا
لبست فستاني الأسود ..وحذاء سوده ..
فتحت شعري وبرمته.. و خليت عدسات خضر .. وحمره. لونها احمر ..عدلت نفسي .
نزلت لجوه .. كل الناس جايين ..
شفت لبنى .. تلعب النفس شكد اكرهها .. تباوعلي بحقد ..
شغلوا ..دي جي وبدن يرگصن ..
لبنى عود ترگص هههههههههههه .. چنها غساله خربانه
واگفين اني وسمر سوه .. إجت سحر گالت لسمر جيبي صينيه المايسمر انطتني تليفونها وراحت.. ضليت واگفه
باوعت مريه يم ام علي .. ابتسمتلي..
اني هم ابتسمت بوجهه ..
دگ بيدي موبايل سمر .. باوعت علي
رأساً طلعت من الغرفه .. رديت ..صوت علي يحچي بثگل
علي : الوو ..سمر تعالي فتحي الباب الخلفيه ولتگولين لأحد ..
رزان :،عليي شبيك ..ليش هيج تحجي..
سكت شويه ..أدور گال وين سمر
رزان ؛هسه غير افهم شبيك ..
علي ؛تعالي فتحي الباب بسرعه ..من تفتحيها رمشيلي ..
رزان ؛ماشي
رحت ..للغرفه لبست عبايتي وطلعت ..
بسررعه..بالي يم علي شبي
فتحت الباب .. ورمشتله
أجه علي ..شكله تعبان .. وگوه يمشي
رزان :عليي شبيك ..
علي ؛علكيفج .. روحي شوفي ماكو أحد أريد اطب
رحت بسرعه باوعت ماكو أحد .. اجيته
رزان :ماكو أحد
مشه علي .. وبده يصعد الدرج.. گوه يصعد
مال ليورى مثل الداخ.. كمشته بسررعه
علي فهمنني شبيك .. علييي
ضليت كامشته..گوه صعد ..
دخلنه الغرفه.. علي ثگيل ..واني ايدي اليمنى مابيها حظ .. گوه كامشته..
نريد نوصل للجربايه.. وگع .. گعد على ركبه
دنگت عليه .. علييي شبيييك بس فهمننني
علي :رزان ..نصي صوتج.. اكو كريم ..بثلاجه
مال مال جروح جيبي ..جبته بسررعه.. گام گوه وصل للجربايه..
فتح قميصه..ودار وجهه
شفت ضهره..
رزان :يييمه ...هاااي شنووو. ..علييي
علي ؛وج نصي صوتج وتعالي،دهني
ضهره مضبر.. بس بس اثار مالت جروح قديمه داير مداير الجرح..
اجيت ادهنله ..ضهره يطلع منه دم ..گمت ابجي ..علي شلون صار هيج
عليي رد .. عليبي.
باوعت لوجهه مغمض عيونه..لا يالله ..
تخبلت گمت ابچي هسه شسووي.. لبسته قميصه بسررعه..
وگومته .. دگيت على امير ميرد. ..
اخوتها كولهم ميردون .. کمت بسرعه خليت شال على راسي ولبست عبايتي ونزلت..طلعت من ورى
ركض للحراس.. فتحت الباب .. واحد منهم گلي تفضلي عيني ..
رزان :بسرعه جيب سياره وروح للباب الخلفي بسرررعه .. ولتگول لأحد ..
رجعت ركض .. كمشت علي .. گوه يگوم وياي..
واني گوه كإمشته أحس،بثگل مو طبيعي..
ايد كامشه الموبايل..وايد ..علي ..
گوه وصلته للباب الخلفي ..
اجه الحارس كمشه..وياي وصعدنه بالسياره..
رزان ؛بسررعه للمستشفى..
رحنه لأقرب مستشفى ..
دخلوا بسررعه.. للغرفه ..ضليت...واگفه وابجي
يا ربي بجاهك احفضه من كل شررر
اني مااحبه..بس ماريد يصير بي شي ..
مشاعري كوولش غريبه..
ورى شويه خابرني امير .. گتله ..اجه هو وحسن..
ضلوا گاعدين ورى شويه طلع الطبيب
امير ؛هاا دكتور.الدكتور :..مضروب ضربه خفيفه مالت سچينه بضهره.. ومخيطه.. لو امس لو اليوم ..بس متحرك.. بسرعه
والخياط ..متحرك.. ونازف دم هواي لهالسبب داخ
رزان ؛دكتور ووهسه شبي
الدكتور ؛مابي شي..بس عدلنه الخياط..وجرحه ملتهب اقل شي اسبوع ليتحرك ابد ..
هسه شويه ويصحى
گعدت علمصطبه..ودنگت رأسي ..ياربي..شنو هالمشاكل المتخلص..
امير :خويا خلي اخذج للبيت
رزان ؛لا انتضر علي ..
گاعدين تلاثتته..اني خاله هواي مكياج وعدسات يعني وجه مالت حفله مو مالت شارع..
تعده واحد يباوع..شنو هاي كيك صايرين يجيبون للمستشفى ..
گام امير ..هيي وياامن تحچي .. گام حسن بسرعه وكمش امير ..
امير :خويا گتلج خلي اوصلج..
الدكتور..اجه..:صحه..المقدم
باوعت لأمير بس اشوف علي واطلع..
رحت طبيت بسرعه للغرفه..
وامير وحسن. ..
رزان ؛علي خوو مابيك شي
باوعلي علي ..انتي،شلون جايه هيج..
رزان :لان .. بعدني ممكمله صيح امشششي روووحي.. فشلني گبال اخوته ..دموعي نزلن وحدهم ..وطلعت وسديت الباب حييل ...
إجه ورأي امير .. صعدنه بالسياره...
ورى شويه
امير ؛..خويا لتضوجين..لان مستشفى هواي ناس يرحون ويجون..
رزان ؛هو اخوك مالت واحد يسويله زين .. لو عايفته يموت احسن..
امير ؛ههههههههه .. ولله انتن نسوان عدجن سوالف
صدگ تندمت لان اخذته ..واني شعليه بي
ينزف ..يموت اني شكوو
وصلت ودخلت للغرفه خابرني امير .. لتگولين گبالهم علي ميرضى ..لان طهر خالد .. خليهم متونسين
رزان :ماشي .. كلها يراعي مشاعرها..المقدم علي بس رزان لا
بليل إجه علي .. صعدوا اخوته..
خلا حسن علچربايه.. امير علمني على وكت الدواء
وطلعوا.. علي يباوعلي..
رزان؛خير شكوو تباوعلي
علي :گالبه خلقتج
رزان :بربك چامنو رزلني گبال اخوته
علي :هو انتي اليوم عوزج بس گونيه طحين واتديريها على وجهج
رزان :غير وديت حضرتك للمستشفى
علي ؛گتلج وديني..
رزان:شعبالك خايفه عليك مثلا.. لاعيني خفت علجرجف خاف يتوصخ.. مابيه حيل اغسله
مارد علي ...مرت يومين ابد ميحچي وياي.. يحاول ميباوعلي أحسه.. ..طلعت اجيب عشا..
شفت لبنى .. تباوعلي وتضحك
باوعتلها ..شبيج تخبلتيى لان علي عافج ههههههه
لبنى :لا بس،شوفي شراح يصير بيج..وعافتني وراحت..لا اله الا الله
بليل إجت أمه .. علي اريد احجي وياك ..
علي گاعد چان علچربايه..
ام علي :رزان ..اول امس وين چنتي
رزان :صفنت هاي شبيها
علي :شنو حجيه شكوو
الأم :رزان .. اول أمس طلعتي بوكت الطهر وين رحتي ..
اني باوعت لعلي لان هو گال لتگولون
مارديت ..
ام علي :علي تدري بمرتك امس طلعت ويه الحارس..
و3ساعات تقريبا ياله رجعت ..
اني صفنت..زين هنه اصلا مو تلث ساعات اقل ..هاي شبيها..باوعتلي وگلتلي..
الأم :شعندج ويه الحارس 3ساعات ..
اني انقهرت.. گتله شووو بكيفج تحچين ..هااا
علي خزرني. ..وگال رزااان لتصيحين
رزان :وانته متسمعها..شجاي تحچيييييييي
صااح علي حيييل.. نصييييي صوووتج
وگام .. اني سكتت. .. بس اباوع لعلي بغضب
الأم :بعد بعد صيحي عليه .. يله اختج الصغيره تحجين وياها ..ابد ماعدج احترام..
علي ؛حجيه أدري برزان من طلعت ..
أمه ضلت صافنه.. انصصصصدمت..
اني گوه حابسه دموعي وواگفه على نار
ودي امووتها.. خلي تشوف لبنى بت اختها لصبح بحضن علي
الأم :يمه اني مااقصد ..يعني ردت اشوف وين رايحه من حرصي عليها هي بنتي غير ..
شوف الچذابه هي تموت مني وتدري بعلي شيسوي إذا درى ..
الأم ؛بس شوف رزان ..ابد متحترمني من يوم طبت لهذه البيت ..علي :هي ماقصدها.. لان فهمتج غلط ..فدافعت عن نفسها..
الأم:وانته من شوكت يمه هجي تحجي ويه أمك علحساب مرتك..هيج المره عزيزه..
علي باوعلي وگال :رزان ..اعتذري..من امي
رزان ؛..فوگ حگه دگه .. گتله شنوووووو اعتذر
صاح علي :رزااااااااان..هاي اخر مره اگلچ لتصيحين
واعتذري هسسسسسسه
رزان ؛..شنو هالذله.. باوعت لامه واني فايره.. گتلها علكيف ااسفه انتي هم مثل امي ..فما توقعت منج تفهميني غلط لهالسبب ضجتت..
طلعت أمه .. علي باوعلي.. رحت طبيت للحمام
وسديت الباب حييييل..حسيتها تكسرررررت
بچيت مال واحد محترگ.. شنوو هاي ..دائما..عدي حق واني انذل..
ارتاحيت شويه غسلت وجهي وطلعت..
علي گاعد.. يتعشه..
علي :متردين..عشا..
رزان :لا ..خلي لشخصك الكريم..
رحت نمت وطفيت الضووه..
علي :انتي شبيج تخبلتي..مو جاي اكل وجي
رزان :مااا
علي :رزان..لتعاندين..وخلي الليله تمضي على خير..ووجي الضوه..
رزان ؛يعني شتسوووي مثلا
علي :.. رزااااان.. وگام من العشا
رأساً وجيت الضوه وطفرت من الچربايه لهناك..
علي ضل صافن بوجهي..
رزان :خاف عبالك خفت منك .. بس ترجع للعشا..ارجع اطفي
علي :طفي وشوفي شيصير بيج ..
رجع يتعشه..اني رجعت لمكاني وانطمرت
صار الصبح ..علي طالع..
هم بدلت ونزلت .. استغفر الله لبنى بعدها
شنو هالزگه.. گمنه نسولف ونضحك اني وسمر ..صار الحچي علسباحه..
سمر :صدگ رزان شنو رايج نسبح فديوم بس الولد يسبحون..
رزان :ههههههههه وج هو جم متره عن الگاع
سمر :خمس امتار ..
رزان :يمه يمه ..وج ماعرف اسبح غير امووت..ضلينه نسولف ونضحك ورى شويه گالت
..سحر..:لبنى تعالي ..
راحن سحر ولبنى
اشگد أكره ذني الثنين.. أجه علي الضهر..
صبيتله غده وصعدته..
علي :تعالي تغدي وياي
رزان :ماا اريد
علي ؛صدگ عود من امس ماكلتي.. لتصيرين ثوله تعاالي اكلي..
رزان :گلت ماريد.. عفته وطلعت..خليت الهيتفون بذاني وبديت اغسل مواعين
كملت شغلي .. وگعدت ويه سمر ..المغرب تقريبا
من صعدت..اريد اطب للغرفه سمعت لبنى
علي ولله احبك اني صارلي سنين وياك..تعوفني علحساب هاي صارلها چم شهرر.. وياك ..علي :لبنى انتي متفتهمين..ماجزعتي..اني بعد ماريدج..
اني لا اراديا طبيت عصبيه وگتلها..لبنى امشي طلعي برى
لبنى ؛وانتي شعليج..جايه الج
اجيت جريتها من ايدها حييييل.. تصيح لج وخري عني
دفعتها لبرى وگتلها ...ولله اذا دخلتي لغرفتي بعد اكسر رجلج ..
سديت الباب وطبيت.. علي متفاجأ
بصراحه اني هم تفاجأت من تصرفي
رحت فتحت الدولاب.. وگتله ..علي انته تحبها؟
علي :طبعا لا
رزان :جا ليش هيج تسوي وياها
علي ؛هي بايعه روحها اني شعليه
امير إجه ؟
رزان :لا شتريد منه
علي :اريده يدهن ضهري ..
رزان :دور وجهك اني ادهنه
باوعلي وضحك متأكده.. اني استحيت منه..
رزان :يعني مااقصد غير شي لان امير مو هنا
علي مارد ..نزع القميص ودار وجهه نام علچربايه
اجيت اخذت كريم ..خليته على ضهره وبديت ادهن..
علي :الله..شگد اديج ناعمه
حيل خجلت منه ..سحبت اديه..
رأساً جرني للچربايه..
صرت جوى .. رزان ليش،سويتي هجي بلبنى؟
اني ارتبكت حييل وبعد ماعرف احچي..
رزان ؛علي اترجاك وخر عني ّ..ابتسم وگلي
فديت خدودج صارت حمرر من الخجل ..
اني انتهيت ..بس كل الاعرفه..علي أذاني هواي وطبعه صعب ..ميصير أحبه ميصير...اندگت الباب
علي ؛هسه وكتها
دفعته.ووخرت....
گمت عنه .. .. نفتحت الباب :رزان ..المواعين
رزان :اجيت..
باوعلي..علي..وجرني من ايدي تعالي
رزان :مااا..وخر عدي شغل
گام لبس قميصه والجاکيت
رزان هسه اتعشوا موو
رزان :اكيد... بس يقين عازلين..هسه اصب
علي ؛لا اني طالع عندي شغله شويه واجي
تردين اكل من برى ..لان مقاطعه البيت متاكلين منا
هههههه
باوعتله ..كولشي ماريد... طلعت وسديت الباب
گلبي يدگ حييل أحسه يدگ بقووه ..
رزان اهدي وصيري قويه..لج اذا حبيتي.. يلعب بيج جوله..هاي هسه وهيج
خليت الهيتفون بذاني.. .تليفون بصدري ممبين واني لابسه شال
كملت المواعين ..
دگ تليفون..حولته من الهيتفون..
علي :الوو..
رزان ؛الوو.. شتريد..
احجي و يا وغسلت اديه وطلعت للحديقه وگفت علمسبح..
علي :محل البيتزا قريب تردين..
رزان :امممم..
علي ؛يگولون اممم معناها احبك ..
رزان :ههههههههه هاي من عندك.. سياده المقدم
علي :چم مره گتلج صيحيلي علي ..
رزان ؛غير انته گتلي ..
علي ؛يعني انتي علتحديث القديم
رزان :ههههههههه .. ..اسمعت صوت
درت وجهي..جاي لبنى بأتجاهي..
وصلت يمي لبنى :كله بسببببج انتي اخذتي علي مني
طبعا علي يسمع..
علي ؛رزان ..شبيها هاي
رزان :دقيقه..
لبنى :شنوو دقيقه هاا..لج صارلي سنين و يا وانتي اخذتي بجم شهرر..
اني اعششق علي فهمتي لولا..اعشقققه
رزان :لج اني شعليه..انتي رخصتي روحج إله ..سويتي و يا شغلات المتزوجه تستحي تسويها..
ومنتضره منه يحبج.. لا عيني ارتاحي..اني سألت علي ...وگلي ميحبج.. وميحبج..لا هسه ولا بعدين ولا بالدنيا ولا بالاخره
علي ؛رزان ..انطيني لبنى ..شوو
لبنى :رزاااان.. يحبني تدرين شوكت من انتي تموتين..
إجت تركض عليه حييل..
علي ،يصيح رزاان..انطينياهاااا..
دفعتني.. دفعه قوويه .
صيحت علييي .. ووگعت بالمسبح.. لجوى
مااسمع بس علي يصيح رزااان ...رزاااااااان
وللحكاية بقية
