سمعت صووت قووي رزاان..رزاااان
صوت علي .. بس بعد كولشي ميفيد
احمد ..سالم..علي ..
ماكو واحد مر عليه ..مااذاني
احساسي مخنوگ .. هاي النهايه..
اشهد ان لا اله الا الله ..
هديت اديه.. ثواني..
ماحسيت بس بضغط الهوى ..كوولش ..قوي
خليت اديه..على وجهي ..
انضربت..حيييل بالگااع..وبعد ماحس بشي
-فتحت ..عيوني..بغرفه..مالت مستشفى
رجلي اليسرى مااحس بيها..ومجبره.. طالع من الجبس مالتها ثنين ..حدايد..صفنت الحدايد
شيسون برجلي..
ايدي اليمنى هم مجبريها..قبل جم يوم اني فتحتها..تلفت ايدي انتهت
لابسه رگبه اصطناعيه.. مااگدر اجر النفس
أحس وجع قوي بصدري..
عطشانه حييل ..ميته من العطش ..
انفتحت الباب ..دخل علي ..
إجه يمي. گتله ..علكيفي ..مااي..
من احچي صدري يوجعني..
تعبانه..حييل..جسمي،.عقلي..كولشي بيه
بعد مااعرف افكر ..شلون وصلت روحي لهنا
چنت صاحيه محد بحالي ..هسه شلون
شربني علي شويه ماي ..وگطع
بعدني عطشاانه..باوعتله..گلي ...ميصير اكثر الطبيب گاال ..
مرت 3أيام بالمستشفى.. كولشي بيه يوجعني
خصوصا صدري .. إجت امي وروان
يبجن..ويحجن عليه ..ماكو شي يهز مشاعري
مااحس نفسي غير تعيسه بشكل مو طبيعي
علي ابد ميحچي وياي..حتى ميباوع بعيني ..
ثالث يوم إجه الطبيب .. وكلهم جانوا موجودين
اخوه علي ..وابو وأمه ..
وامي وروان .. دخل الطبيب گلي :الحمدلله على السلامه بابا ..
اني گوه اطلع الحچايه .. الله يسلمك
تطلع الحچايه مني بتعب وألم ..وهم
علي :شلونها هسه نگدر نطلعها
الدكتور :اي ..بس كون عنايه خاصه ..متتحرك ابد لان رجلها اليسرى اثناء الوگعه
طابگتها شويه ..لا اراديا
وعلى هاي الطبگه وگعت .. العظم جدا متأذي
مخترق الجلد ومتعرض للهوى
بعمليه وصعوبه ياله گدرنه نرجع العظم لمكانه الطبيعي ..
بالاضافه ايدها اليمنى ..مو اول مره مكسوره مو ..
علي :اي
الدكتور ..شوف لازم تنتبه عليها ..زين
ترى ايدها اليمنى منتهيه..حتى كرسي بعد متشيل بيها
لان الوگعه المفروض تصير بوجهه وهي حاميته بيدها
وعدها رضوض قويه بصدرها وفقرات رگبتها متأذيه.. رجلها شهر ونص ياله نرفع الجبس
وايدها اليمنى شهر ..والرگبه الاصطناعيه..
شهر هم .. وانتبه على أوقات الدواء
لان بعد العلاج الجراحي لرجلها نسويلها علاج طبيعي حتى تگدر تدوس عليها
بقه يحچي الدكتور ويوصي.. كمل وطلع
امي گالت .. ناخذها ويانه..
علي گال ..ماكو داعي ..
ام علي :يمه غير امها تدير بالها عليها ..انته شتعرف
علي مارد عليها ..
اني هذه التكسير كوله والجروح ماهمني
گلبي مجروح من اهلي ومتكسر..وبسببهم وصلت لهنا..
روان .. خلي نشوف رزان شتريد عدمنو تبقه..
چم مره تخليتوا عني ...چم مره گبال الناس بعتوني حتى يبقه راسكم مرفوع..
اشويه خلي احسسكم بالحسيت بي
باوعتلهم.. ماگدر احچي بصوت عالي .. بس،اضغطت على نفسي وگلت
أبقى يم رجلي ..صح أدري بقراري خطأ ومتأكده راح أندم عليه .. بس ماريد امي تحمل مسؤوليتي مثل ما تخلت هي
امي ضلت تباوعلي..
روان:رزان شبيج ..ترحين ويانا
علي ؛خويا مو وكت هذه الحچي ..هسه هي بيها حيل ترد عليج ..
روان وامي ..سلمن عليه وطلعن ضايجات
ورى شويه ..علي جاب كرسي متحرك..
شالني ..وگعدني عليه .. صعد بالسياره ووشغل..
وگفنه يم الفندق
رزان:ليش اجينه لهنا
علي :احسن ..
نزل ..ونزلني.. صدگ استثگلت علي يشيلني
امداني ما بيه حظ.. ذليت نفسي بالاكثر
وصلنه الغرفه ..فتحها وطبينه..
شالني وخلاني علچربايه
رزان :..سياده المقدم .. ماعدي شي براحتك ..اني اعرف الوكت مال الدويات
علي:اسس ..سكتي
إجه گعد يمي
وباوعلي..انتي شلون تسوين هجي هاا..
صدگ تحچين
رزان :..ليش خايف عليه ؟
علي :لا ..بس شوفي تكسرتي ووگعتي برأسي
اني رأساً انهضمت منه .. عيوني دمعن
علي :مره الثانيه ..ذبي نفسج من السطح تموتين
بعدني مارديت .. ضحك
علي :ههههههههه ..ها ام دميعه ابچي ..يله
شگد تبچين اشاقه وياچ ولج
رزان:ابچي من بطولاتك سياده المقدم
علي ؛اويلي. ..هسه لو ام لسان لو ام دميعه ..خبلتيني انتي منوو
وضحك.. اني ابتسمت بوجهه
مر اول اسبوع. ..وعلي ابد ماطلع
دائما يمي ..
بعدين گام يطلع بالنهار.. وتجي يمي غاده .. خاف اعتاز شي ..وبعدين تروح
وبليل هو يجي
شفت بهاي الفتره ..علي يختلف عن المقدم علي .. شخص ثاني تماماً
نضراته..ابتسامته..كولشي بي
مرت الايام على هذه الحال
مره من المرات... نايمه..جانت غاده يمي
دخل علي ..سمعت صوته ..
غاده راحتله.. يحجون علكيف
علي :ها شلونها رزان
غاده:،ها شبيك سياده المقدم..شنو خايف عليها
علي :،مر اول اسبوع. ..وعلي ابد ماطلع
دائما يمي ..
بعدين گام يطلع بالنهار.. وتجي يمي غاده .. خاف اعتاز شي ..وبعدين تروح
وبليل هو يجي
شفت بهاي الفتره ..علي يختلف عن المقدم علي .. شخص ثاني تماماً
نضراته..ابتسامته..كولشي بي
مرت الايام على هذه الحال
مره من المرات... نايمه..جانت غاده يمي
دخل علي ..سمعت صوته ..
غاده راحتله.. يحجون علكيف
علي :ها شلونها رزان
غاده:،ها شبيك سياده المقدم..شنو خايف عليها
علي :،طبعا غير مرتي
غاده :ترى جايه لهنا علحسابك..لان انته طلبت
گللها علي ..أدري
راد يجي كمشته..من اديه ..ممشتاقلي
علي ابتسم وباوعلي.. سويت نفسي غافيه
علي :وخري ولج..
غاده :ماا.. اريدك. ..
ادنت عليه ..وباسته . علي اندمج وياها
اني هاي اول مره .. ضجت .. مدري شصار بيه
شويه وادنه علي عنها..
ضحك وياها..يحچون علكيف..
أدور طلعت ..دخل علي للحمام..
اني گعدت اخذت موبايلي يمي ودخلت عليوتيوب
ورى شويه طلع علي.. متضايقة حيل
ما عرف شبيه .. علي من اجينه لهنا لسه ينام يمي علچربايه
إجه علي ..نام علچربايه..
رزان :شبيك .. رد عليه ..ما بيه شي بس تعبان
رزان :سياده المقدم ..ماريد غاده تجي بعد .. باوعلي
علي :ليش ضايقتج بشي
رزان :لا بس احسها عدها شغل هواي وأدور اني
علي : ..مو أثق بيها .. خليها
سكتت.. هو رجع غمض عيونه.. مدري،شصار بيه
رزان :سياده المقدم ..
علي :رزان .. أريد أنام ..
رزان :بس سؤال ..
علي :جواب
رزان :انته عدك علاقه .. ويه غاده ؟
علي خله ايده على وجهه.. واتقرب عليه .. گلي
رزان ..بس لا جاي تغارين عليه
من گلي هيچ ..توترت..
گتله ..لاا ..منينلك..هالحجي
علي :جا ليش ضجتي منها ..
رزان :هاا ..چا انته گلي ..ليش تتخبل من احجي ويه امير ..تغار ؟
ليش متقبل ..إخلي مكياج گباال اخوتك تغار؟
جاي احجي..گلي
علي :رزان ..مالي خلگ أريد أنام .. ودار وجهه ونام
ضليت احوص طول الليل گوه نمت
مرت الايام ..ورفعنه الجبس
وراها ..علاج طبيعي لرجلي
بالمستشفى ..
مره إجه علي ..
اني احاول ادوس على رجلي ..
شافني ..هاا شجاي تسويناساعدج ؟
رزان :بكيفك
إجه كمش اديه.. يمشي ليورى واني امشي ورى
خطوه ..بخطوه.. ضليت صافنه بوجي علي
ملامحه..عيونه.. ابتسامته..
وگف وياي وگفه مو طبيعيه
يبتسم عود يحشش عليه .. يرجع ليورى ويگلي تاته ..تواته واني اضحك..وامشي ويا
حسيت اتندم اذا أضل يمه ..بس بالعكس
هو نفس القوانين..موبايلي ب12 كون اسده..بس هادئ وياي كولش
مرت الايام تقريبا ..شهرين..
گمت اضوج من غاده حييل اتخبل منها .. وگدرت ارجع اوگف ..الحمدلله
طلبت من علي نرجع للبيت .. وصدگ رجعنه
كلها فرحت.. بس سحر وامها.. احسهن يموتن مني
ولبنى ماشفت وجهه
فد يوم رحت اريد أحاجي سمر ..سمعتها تبجي.. وتسولف ويه واحد ..
حرراام علييك.. انته شكد حقيير..
ضليت صافنه سمر شبيها..
دخلت .. سمر تبجي ..ارتبكت حيل من شافتني
رزان :سمر شبيج ..
سمر :ولا شي
رزان:ترى اني سمعت كولشي ..
سمر زادت بالبجي واجت حضنتني .. رزان اترجاج لتگولين لعلي ولله يدمرني هو اصلا يكره عمامي ..رزاان اترجااج
رزان :سمر بس احجيلي شصاير حتى اساعدج
سمر :ماگدر رزان ..عوفيها ..لتضعطين عليه عليج لله
رزان ؛ماشي براحتج..من تعتازيني اني موجوده
مرت الايام ..
طهر..ابن اخو علي بعد جم يوم ..اتفقنه..انروح اني وسمر للمولات.. نشتري ملابس
بأطلاع الروح علي وافق..
رحنه..اخذنه و يا امير ..
گضيناها سوالف وضحك ..
صدگ غيرت جو ..
اخذت فستان اسود ..طويل كولش حلوو..
كملنه ونريد نطلع ..سمعنه صوت امير يصيحلنه
بنااات..
سمر :ههههههههه ولج نسينه امير
رزان :ههههههههه ..باوعت ..ضليت صافنه
احمد ووحده كامشهه بأيده ..ويمشون
مدري شصار بيه .. إحساس غريب .. شلون گدر ينساني.. لسه مانسيته اني .. عيوني دمعن ..تذكرت كولشي عشته ويا
انصددمت ..شلون يضحك وياهه
سمر :شبيج رزان ..
رزان :لا ..بس دخت كمشتني سمر واجه امير وطلعنه..
ضليت الطريق كوله..افكر ..ضايعه.
بس من شفت أحمد تذكرت كولشي يخصه 💔
وصلنه للبيت.. علي صاير گبال الباب
يحچي بضوجه ويه واحد ..
رزان :امير شبي علي
امير :ولله مادري هسه اشوف
دخلنه للبيت صف السياره امير ..نزلنه
سمر طبت جوه
اني رحت ورى امير .. وگفت ورى الباب
أسمع علي .. :غير هذه الحجي ماعدي
يحجي بضوجه..
ضليت شويه واگفه كولشي ماسمع
إجه امير فتح الباب ..صار علي گبالي
ورد الباب امير
اني خفت يسوي مشكله
رحت طبيت رآساً
امير گلي خويه سوي ..جاي
كتله ماشي..رحت الغرفه وديت الغراض
ونزلت خليت القوري علنار.. وافكر بأحمد..شلون حبها..شلون اتعرف عليها ..اني وافكر
دخل علي ..اني واگفه يم الطباخ
اجه ادنه عليه .. علي :ليش واكفه بالباب
ني رجعت ليورى صرت يم الطباخ
حييل
علي :ليش رجعتي ليورى.. وتقرب عليه كوولش ..
رزان :سياده المقدم وخر خاف انجوي ادور
علي :لتگولين سياده المقدم گولي علي ..
رزان ..:انته نسيت ..انته گتلي گولي سياده المقدم
علي :رزان ..اسف على كولشي ..هواي اذيتج
بس،شي واحد مو اسف عليه
رزان :شنو هو
علي :دنگ راسه ..عليه ..باسني من شفافي
اني صفنت ..ماعرف ليش،حسيت نفسي راغبته ..بس كولشي سوى وياي إجه بعيني اكبر حاجز بينه هو طبعه وقوانينه ..
رفع رأسه وگال هذه .. ابتسم ..ورجع باسني بعد مره
اني خجلت دفعته..علكيف وگتله وخر عني أحمد
بضحك..
علي رفع رأسه شنوووو
اني انتبهت على نفسي .. علي ماقصدت ولله
كمشني حيل من ايدي ..انتي ماره بهذه الموقف ويه احمد مووو
گليلي احمد بايسج..هااا
اني خفت .. لسه جسمي يوجعني وماقصدت ولله طلعت مني سهوو
لان جنت افكر بأحمد
گتله علي اسمعني ..
ضرب قوري الجاي حييل بيده ..
رزان :اييدك.. شووو انجوويت
دفعني حييل ليورى ..
رزان معليج بيه ولتجين ورأي ائذيج ولله
عافني وراح ..
اني ركضت ورى .. علي اسمعني
طب للغرفه وسد الباب حييل
فتحت الباب وطبيت . .
رزان :علي اسفه ولله عليك الله باوعلي
شووو ايدك
علي باوعلي ..رزان اذا ادنيتي يمي .. احررررگج
ولله اندددددمج .. طلعي برررررى
رزان :گمت ابچي .. ماريد ازعله ..هواي تعب وياي
علي ولله ماقصد ولله هيج طلعت مني
علي :هاا ..انتي لو شما اسويلج تبقين تحبي رزان .. خرب *****احمد
لج يوم واحد من عرفتج لسه ماباوعتيلي نفس متباعيله.. هو يحچي واني صافنه بوجهه
صدمني بحجيه ..
لججج صاارلي 14سنه ماگدررر احب
بسس انتي رزاااان ..بس انتي
من اول يوم شفتتج.. من جنتي لابسه سمائي.. ترتيبج .. اخذ عقلي.
وراها تعرفت عليج ..
حفضت كل تفاصيلج ..سويت كولشي حتى احميج
وانتي يوم بعد يووووم تذبين روحج بالنار علحساااااب نعال ..
يحجي بصياح وبحرررگه ..
چنت كل يوم أجيب لبنى حتى تحسين بيه حتى تغااااارين عليه .. بس ميفيد ..
انتي كل يوم جنتي تبجين على احمد..
اااااااحممممد يررفع مسدددس يريد يكتلني وانتي تبجيييين عليه لان انسسسجن
رزااان.. شعبالج تذليني هاااا
كلشي انتهه بينه .. واني وياج لازم نطلگ بسررعه
اني مشاعري مخربطه.. ماگول أحبه ..بس ماريد اطلگ .. بس مستحيل أحبه ..ولله ما عرف شبيه وشريد
ضليت صافنه بوجهه .. مشه بسررعه سد الباب حيييل وطلع ..
وللحكاية بقية 💗
ردتوا بارت هادئ ..هذه بي نوع من الهدوء🌚
اكو بارت ثاني حبايبي انتضروني تعويض عن امس لان ردتوا ومنزلت جنت تعبانه
ومو تنسون التصويت فديتكم
