من اللحظات الي تمنيت اختفي ومااتواجد بيها هي هاي اللحظه
..سكتت ومارديت..
جرني من شعري واني لابسه شال خنگني ..
صييييحت ..وووخر عنييي مخبببل
علي :هسه اراويج الخبال على اصوله ..
بده يفتح حزاامه .. ويگلي،شوفي الخبال شلون يصير ..
اني مات حيلي.. لاا تترجااك..
أريد اطلع الكلمه .. ضيعت الحرووف
نعميت من الخوف .. أريد مهرب ماكوو ..واگف گبالي
نززع حزامه .. اني گمت وگفت واصيح ..
لااا .. مخببل ..يممممه
ووخر عنييي .حرام عليييك
مااحس غير ضربني علا رجليه..
حسيت جلدي نشلع.. كمت اصرخ بهسترياا
زاد بالضرب من كل جهه..
بس،صوت الحزام.. قبل ليوصلي ياخذ روحي
امد اديه حتىى احمي نفسي من الضربه..يصييح
علي :نززززلي ايييدج
رزان :اترررجاااك ..ووخر عنيي
علي ؛نززززززلي ايييييدج
ضربني بالحزاام حيييل..وضل يضرب
لا اراديا ارفع اديه حتى أدافع عن نفسي،
ذب الحزام وجرررني جرر من شالي
الشال وگع من رأسي .. وشعري نصه وگع و يا احسه
وجرر لحد ما وصل لسلاحه..
ذبني بالگاع ..سحب اقساام..وخله المسدس
على راسي ..اني گمت اصررخ بكل قوووتي ييممممه
علي :تردييين تخووووونيني موووو
هذااا مصيييييرج يكوون ...عرفتييي شيصيييير بيج
اني گمت اررجف.. دنه المسدس على راسي
هااا ..بعدج ترديين تخوونين..هااا
رزان :.. الحچايه متطلع مني
علي،رددددديرزان :لاااا ..ولله لاااا. .. بصياح وبچي وخوووف
شمر المسدس علچربايه..
اني ضليت بالگاع چني واحد فاقد
لبس جاكيته .. وحزامه واخذ سلاحه وراح
عيوني غوشن.. سديت عيني ..وماحسيت بشي
فزيت الساعه ب9
ماگدر اتحرك.. متكسره.. جسمي يوجعني من كل جهات
بالگوه گمت ....ماگدر امشي خطوتين سوه دخلت للحمام باوعت للمرايا
وجهي اززرك.. اديه زررگ
گمت ابچي على حاالي..ليش ربي ليش،سويت بيه هيج
ابچيت من كل گلبي
طلعت من الحمام .. رحت طلعت ايبادي.. رحت گعدت علقنفه.. گلت لازم اخابر ابوي
مستحيل أضل ويه علي،..هذه مجررم
احچي لبوي كولشي..فتحت مالتي الايباد
فتحت الماسنجر طلعت الفيس،مالت ابوي
اتصلت عليه .. ميرد.. دزيت رسايل كوومه
بابا حباب رد عليهبابا مشتاقتلك أريدك تسمعني اترجااك
اكوو هواي،شغلات لازم تدري بيهن
دخل ابوي شاف الرسايل ومارد ..
اتصلت عليه الف مره ميرد ..گلبي نمرد
يا ربي ماعدي أحد بهالدنيا
ما عندي سند غيرك. ياربي
طلعت من الفيس،متت من البچي..محد وياي محد يسمعني ..عبالک يتيمه لو فصليه
طلعت صور احمد شگد مشتاقتله ..تلمست الصور وگمت ابچي .. وين چنت انته ووين هسه..أريدك أحمد
ارجعلي.. خليت الايباد ومطلعه صورته على گلبي بچيت لحد ما غفيت
گعدت ب4العصر ..
گمت ضميت الايباد ..ورحت للحمام ..اباوع الشكلي چني مخبل
الوجي الوان ..العب النفس
طلعت من الحمام باوعت الغرفه شعري نصه واگع بالگاع..
والگاع مليانه گزاز.. لميت الگزاز وكنست الگاع
دخلت سبحت..جسمي موتني من الألم..
الألم فضيع..ايدي اليمنى حتى بعد ماگدر اشيلها
زرگه وثگلانه حييل
بس درت ماي دافي على نفسي .. لبست تراك ابيض وبي وردي
شعري صاير سيامه..ويوجعني راسي ماگدر امد ايدي عليه. ..
طلعت من الحمام متكسره ومنتهيه
اكو يم البلكونه مثل ميز التواليت..مرايا صغيره دائريه
وكرسي،.. اباوع لشعري شلون امشطه
كمشت بيدي اليمنى المشط مااگدر اضغط عليه
وگع من ايدي..دنکت اجيبه..گمت ابجي
مابقه بيه شي،صاحي..رفعت راسي
سمعت صوت الباب انفتحت ..باوعت دخل علي
اني جاي ابچي ..درت وجهي عنه
إجه يمي .. أنزلت من الكرسي ..
وادنيت ..شترييد بعد هاا ..انته مو بشر حرام عليك
احچي و يا وابچي ..بداخلي حزن مينوصف
علي :متگدرين تمشطين شعرج
رزان ؛بفضلك..
علي :،گعدي.. رزان :ماا
درت وجهي اريد امشي ..كمشني من رگبتي و
جرني اله
رزان :اااخ ..وخر عني اترجااك بعد ماگدر
علي :مااسويلج شي ولله بس،گعدي لتخافين
رزان ؛ماا ارييد..ومنو گلك خاايفه
علي :گعددددديي
گعدت غصبا عني .. أخذ المشط من ايدي..
اني أخاف مجرد قربه عليه لهدرجه..يخليني امووت من الخوف..بده يمشط بشعري
يوجعني حيل.. گتله اااخ
علي :رزان ..اني چنت اعشق وحده ..أحبها بجنون
حبي الاول .. بت عمي اسمها
قمر
وصدگ چانت مثل الگمر .. عيونها كباار وخدودها حمرر.. شعرها تقريبا بطول شعرج..کصيره وضعيفه حييل ناعمه
حبيتها من چان عمري،16سنه ..حبي الاول
حب الطفوله ..قررت اتزوجها وگلت لابوي
بس مااوافق.. لان بعدني صغير .. گمت اشتغل
وادرس..سويه.ما كو شي مااشتغلته حتى اتزوجها..
يحچي وياي ويمشطلي. ..
اني ميته خوووف ..خاف يضربني
گوه متماسكه جوه اديه .. كمل حچيه وگال
اشتغلت عامل ..واشتغلت بالبلديه..
بحيث لمن صار عمري 19ياله أجمعت فلوس الزواج
اتزوجنه أني وياها ..نفس،العمر هي،واني
چان ..خالد صديقي وابن عمي واخوي
متعودين ولد عم تلاثتنه نسوولف سوه ونضحك عادي..
آخر فتره زادت روحات..قمر الهم
مره من المرات قررنه نطلع سفره .. لاربيل
خالد راح ويانه .. انتبهت على نفسي،كل يوم انام من وكت.. واگعد متأخر
قمر كل يوم بليل تسويلي عصير ..شكيت بيهاوماشربته ..هي مانتبهت متعوده كل يوم اشربه
مافكرت ممكن اشك
سويت نفسي نعست.ونمت
احنه حجزنه غرفتين ..غرفه يم غرفه
بليل حسيت قمر گامت ..فتحت عيوني
شفتها طلعت ..دشداشه مالت نوم ..لونها احمر
لبسته وخلت مكياج..وحلت شعرها..
ضليت صافن.. دارت وجهه عليه .. أغمضت عيني
إجت گعدتني ..
علي ..علي .. اني ضحكت بداخلي ..شوف علي شلون تحبك..كله هذه علحسابك
انتضرتها تگلي بعد مره ..حتى افتح عيوني
اندگت الباب ..راحت قمر فتحتها
طب خالد ..سمعت صوته يگلها علكيف
نايم علي.. ردت عليه قمر .. اي اتأكدت منه
خالد ..گام يحچي بصوت عاليي
چا تعااي فديت هالجمال
شبگها ودفعها علحايط.. وگام يبوس بيها ..
اني فتحت عيني شفت هذه المنظر
بعدين إجت قمر .. خذت الحاف المتغطي بي
ذبته علگاع . .. دفعها خالد علحاف..
و....
كمل شعري وهو يحچي .. رغم كولشي سوا
بيه ..انقهرت عليه
اتمنيت اگله كمل شصار،عندي فضوول
بس اخاف احچي و يا
خله المشط علميز.. گعد على ركبه
اني،تفاجأت ..هذه علي مستحييل
گلي رزان ..رزان أكره اثنين الخيانه والچذب
لتچذبين عليه ولتجيبين طاري الخيانه
ذني اكثر ثنين يستفزني..
أدري برؤحي اذيتج اااسف ..بكل معنى الكلمه
سامحيني رزان ..
اني دموعي نزلن وحدهم ..
رزان :انته اكثر واحد تدري بالمريت بي ..وهواي انقذتني
ليش،تسوي هيج بيه
اني ماجاي افهم انته وياي لو ضدي
دنگ راسه أدور رفعه عليه .. وگلي لتسأليني سؤال اني ماعرف جوابه..وگام عافني وراح فتح موبايله وگعد علچربايه
علي:رزان ..امشي اخذج لطبيبه علحساب ايدج
رزان :..اضطريت اروح لان اني شغلي كله بأيدي اليمنى..وماگدر احركها
صايره عبالك معوقه من دونها
صعدنه بالسياره ومشه ..
اثنينه ساكتين
لحد ماوصلنه..نزلنه دخلنه العياده
كوومه نااس .. باوعتله شنو ما كو غيرها
الامه مگلوبه
علي :،عادي هسه ندخل تعرفنه
صدگ رأساً دخلنه ..
دزتني للاشعه ورحنه اخذنه ..طلع چف ايدي
مكسور. .. رجعنالها.. حتى اجبره .. ضلت تسأل علي عنهم واحد واحد
الضاهر دكتوره العائله كمشت ايدي .. موتتني من الووجع
وهي تعصر بالعظم حتى اتجبره
صدگت صررخت من گلبي ..
وبچيت من الألم .. وگف علي يمي
كمش ايدي الثانيه.. باوعتله.. عيوني تگله كووله من وراااك
هو دنگ.. علما كملت طلعت روحي .. گالت تبقى ايدج 20يوم ونفک الچبس،
طلعنه اول ماصعدنه بالسياره اتصلت امي على علي
انطاني التليفون.. كيفت بداخلي..بلكت ابوي يحاچيني.
رديت ..الووو..شلونج يمه
امي :هلا يمه
رزان .. لتتصلين بعد على ابوج علفيس ولتدزين رسايل..
غمضت عيني من سمعتها جم كسره بكسره كسرتوني
رزان ؛فهمت..مع السلامه
سديت المكالمه انتبهت علامه حمره طلعت فوگ
عد علي تسجيل مكالمات
نفسه جان عد ابوي .. خفت ..شگله منيلي فيس
باوعلي هو ..شبييج
رزان :ولا شي،
سحب موبايله من ايدي ....وحس بأرتباكي.. گلبي گام يلوج خاف يسمع المكالمه الطريق كوله ادعي الله
كون ميصير شي .. ولله اخاف بعد ما بيه.. حيل ضربه
اگول ياهادي وانفخ عليه ..
صدگ عايشه برعب.. عايشه ويه شخص ارجف من صوته..
وصلنه نزلت .. هو ضل بالسياره ..ضليت اباوع عليه
طلع تليفونه اكيد راح يسمع المكالمه
صعدت للغرفه بسرعه..خاايفه..شراح يصير
ورى شويه دخل علي وسد الباب..
گمت اررجف من الخوف .. ربي أخذ عمري وليمد ايده عليه
علي :رزان انتي عندج موبايل؟
رزان :لا يالله رحت بيها.. أخاف اجاوبه شگوول
صاح عننننندج فيييس موو
اتقرب عليه .. اني رجعت ليورى.. انطخيت بالچربايه
ادنه عليه .. رزان سألتج جاوبيني
رزان :علي احلفك بالقرآن لتمد ايدك عليه .. گمت ابچي
علي :جاوبيني. .. رزان :ولله ولله اجاوبك بس أحلف
علي :استغفر الله يااا ربي
رجع ليورى چم خطووه.. گلي يله هسه احچي
رزان :ايبادي القديم عندي بس امس فتحت بي مالتي الفيس لان اشتاقيت لابوي ولله
علي :گومي جيبي..
گمت طلعته .. خفت يشوف محادثه احمد...
گوه رحت انطيتهيا.. ويه كل خطوه گلبي يدگ الف مره
اخذه من ايدي ورگعه بالگاع اتفلششت الجامهرزان :علي ..اترجااك
علي:رزاااان جيبيبي..
دنگت واني ميته..متأكده علي راح يضربني
اخذت الايباد وگمت انطيتهيا.. رجع مره ثانيه رگعه بالگاع صار كل قطعه بكتر
جرني من شعري إله.. لاا عليي لااا ولله راسي يووجعني وووخر عني
قرب وجهه عليه ليش،يوووجعج هااا
رزان :دفعته بأيدي..وگتله هاي اثار رجولتك
علي:هاا شنو ماعاجبتج رجولتي هااا
گام يدنه عليه واني ارجع ليورى.. دفعني علچربايه
شنوو رأيچ اشووفج الرجوله شلون تصير
رزان ؛عليي وخرر عني ..كوولشي سويت بس لتصير حيوووان
سحب جسمي إله بأديه الثنين..
أريد ادافع عن نفسي ماگدر..
.. أريد ادفعه شگ قميصي..وباسني بقووه من شفاافي..
تكمله ..
سحبت ايدي اليسرى ..على جهتي گلاص ماي زجاج ..يم الچربايه .. شلته ورگعته برااسه حيييل
تكسر الگلاص ..
دفعته بقوووه ووووخر عنني حيووووان
طلع من راسه دم.. ادنه عني..
غطيت نفسي بسرعه بالحاف..
گام وگف .. خله ايده على راسه ..شاف دم ..
باوعلي وگال اني اعلمممج رزااان..ولله اندمج
طلع من الغرفه ..
ضليت صافنه تخيلت منه كولشي بس متخيلته حيووان لهدرجه..
دخلت سبحت .. حسيت إحساس بشعع
اول مره احس بيي .. شگد بچيت ..بس مو مثل اليوم ..
طحت بأدين إنسان نگسس..وشلون اخلص مادري..
طلعت من الحمام .. رأساً فاتت سمر ..
سمر :هلوو حبي
رزان :هلوو سموره
سمر :شبيهن عيونج حمرر ..
رزان :هيج من الحمام بسبب البخار
ضلت يمي ..ضلينه تقريبا ل2بليل نحچي
تحشش هوواي .. هي وامير توأم واثنينهم نفس العمر ..أصغر شي همه بالبيت عمرهم 25سنه
.. راحت سمر ..ونمت
صار ثاني يوم .. مر عادي مثل كل يوم
بليل إجه علي .. ب10..طلعت سمر
علي :صبيلي عشا..
گلي انطينيا.. خفت ادنگ ..خاف يضربني دفرهما رديت عليه ..نزلت صبيت عشاء ..
صعدت أريد اودي تفاجأت هم لبنى موجوده
خليت العشا ..گعدوا هو وياها يتعشون
ضليت صافنه..سوالف وضحك
واحد يوكل الثاني..عبالك متزوجين ورايحين شهر عسل ..
گمت أريد اطلع من الغرفه ..
اول ماوصلت للباب باوعلي علي .. وووين رايحه
رزان :للحديقه
علي :انچبي وگعدي ساعه ب 11بليل شعندج بالحديقه..
رزان :اروح يم سمرر
علي :گام من مكانه .. جرني من ايدي ..دفعني علچربايه..
لبنى تباوعلي وتضحك..
علي :رزان تنجبين وتگعدين بمكانج.. ماكوو طلعه
رزان:.. مستحيل أبقى وهذه منضركم الي يخزي گبالي..
علي :شال ايدي المكسورة..اني بچيت غصب عني ..
شجااي تسووي وخر ..
علي :طلعي برى وشووفي..اذا مااكسر رجلج هم ..وإذا نسيتي..باعي على ايدج
فهمتي ..
رزان :.. كسر كبريائي گبال .. لبنى .. ومسح كرامتي مسح بالگاع
دموعي گامن يجرن غصب عني .. إحساسي مخنوگ
گتله علكيف اي
علي :شنووو مسمعت
رزان :گتلك ايييييييي
عافني وراح .. جاب لبنى واجه.. تعاي حبي گعدي علچربايه..
گمت اني ادنيت ..باوعلي..
جيبي الصينيه..
مرت شهرين من حياتي على هذه الوضع
صرت خدامه ..لعلي ولبنى..
أكثر شي احچي ويه سمر وامير
واذا علي شافني اضحك ويه امير تقوم القيامه..
شهرين حتى الباب ماافتحه اذا ندگت ..خاف واحد غريب .. واذا خليت كريم لوجهي.. ارگع راجدي
واذا ماعجبه لبسي الامه تنگلب..للحديقه ممنوع اطلع ..
يشك بيه اذا عطست .. كون حتى هاي بموعد محدد
وشهر العسل ويه لبنى مستمر كل يوم بليل
كون شيأمر السلطان..اجيب
عشا .. عصاير.. اي شي يريده
ورى مااكمل.. أنام على مالتي القنفه ..أسمع أصوات أشكال والوان ..
سهره تبدي من 11ل3الصبح ياله تطلع لبنى
تعبت وجززعت .. كل يوم بليل ابچي لمن الله يگول بس
.. كولشي ميفيد..
إجه شهر رمضان .. خلص شهر العسل مالت علي
گام ميجي هوواي..
اشويه ارتاحيت..واتنفست من علي
بليل اصلي واقره قران.. لجأت لرب العالمين..لان ما عندي غيره ..شويه خف عني الهم ..
خلص الشهر .. وباچر گالوا اول يوم عيد الفطر
البنات يردن يرحن.. للصالون..تمنيت اروح
لان صايره العب النفس ..ردت اغير شويه لان تعبت وبعد ماگدر..محتاجه اي تغيير بحياتي مهما چان بسيط
إجه علي بليلتها..
چان شكله شويه هادئ ..
گتله ..سياده المقدم أريد اروح وياهم لصالون
علي:شعندج رايحه
رزان :مو باچر عيد ..
علي :،بس المتزوجه صدگ تروح علحساب زوجهه انتي شكوو
رزان ؛مو إله علحساب زوجي..مثلا علحساب روحي
باوعلي وگال مترحيين..
سياده المقدم سمعني..
باوعلي وگال مترحين.. لتضلين تلغين..
مر العيد نفس كل يوم ..ماكو فرحه بس بالاسم عيد
ثالث يوم العيد اتفقوا نروح ..لكربلاء لمنتزه نواره
علي اول گال ماروح.. بعدين سمر توسلت بي قبل
اني كيفت ..احب الالعاب وبلكي اغير جو شويه
رحت بدلت ..عندي تلبيسه كابوي.. وجواها لبست بدي سمائي.. وعدسات سمائي نفس اللون..وشال سمائي..وحذاء ترانشوز سمائي..
باوعت على نفسي بالمرايا.. صدگ طالعه حلووه..صار لي شكثر ممرتبه نفسي هيچ
اخذت جنطتي وطلعت.. علي منتضرني يم السياره
وكلهم واگفين يم سياراتهم ..سوالف وضحكك
علي شافني..ضل صافن بوجهي..
ااني ماعبرته..أدري بي ميقبل..
إجت لبنى اني اركب وياج قلبي رزان
گبالهم كلهم .. گتلها لا حبي ..اني وزوجي نريد نتونس..
اتفشلت كلهم ضحكووا عليها..
سحر باوعتلي..ديله عاد .تعالي گلبي لبنى صعدي ويانا
صعدت بالسياره لأول مره علي يشوفني خاله مكياج ويسكت..
وصلنه المنتزه بس جاي يصفون السيارات..
أريد انزل علي كمشني من ايدي
طلع چيس حلوو مال موبايلات وانطانيا
اني صفنت بوجهه..
علي :لتفهميني خطأ ..لان كسرت ايبادج بس
وفتح الباب ونزل ..
وللحكاية بقية 💗
البارت طويييل 2055كلمه.. وبليل هم اكو بارت..بنات بس حبيت المح لشغله..
ترى رزان هواي نجرحت..وحبت تشارك جروحها ومعاناتها وياكم.. وبنفس الوقت قصتها بيها عبر هوواي
لهذه السبب ..اتمنى منكم متضحكون على جروحها..واذا شفتوها ..هينه وينضحك عليها
رجاءا..لتكتبون بالتعليق لان رزان تنجرح
تحياتي 💗
