مساء الورد 🌹🌸
باوع عليه ثواني ودار وجهه
المقدم علي :شووف الي تريده تاخذه هذه الحجي مو وياي وانته تعرف كلش زين بهذه الحچي
لأني عندي فررق چبير بين اصدقائي واعدائي
إبو سالم:شنو انته تهددني هسه
علي :لا جاي اخيرك ..انته شتختار؟
سكت ابو سالم ..المقدم علي دار وجهه واجه
اشرلي عود صعديي
صعدنه شغل االسياره ومشه
رزان ؛انته كل عقلك تسووي هييييج هااا
انته تدري بيه مضلومه وتسووي هيج أنته واحد حقيير تدري لولا
من گلت هيچ وکف السياره حييل
باوعلي وکال شنوووو لچ شگلتي؟
اني شنوووو
رزان :اني سكتت
صاح ..رددددددي
اني مانطقت بحررف سكتت
المقدم علي :شوفي لج ..فضل مني ساعدتج لو غيري ميباوع لوجهج ..فهمتييي
ادنه عليه ..اني خفت فتح باب السياره وگال نزلي
اني صففففنت ..شلون انزل حتى مادري اني وين
صاح نزززززلي
گمت ابچي ااسفه ولله اسفه اترجاك سامحني وين انزل مااندل ولله
المقدم :مشكلتچ ..
رزان :باوعتله ..وگمت اررجف احچي،و يا وابچي ااسفه ولله اسفه شبيك
ضرب الستيرن حييل وگال شووفي قسما بذات الله مره الثانيه احرگچ انتي و عايشه ولله
اني جمدت مارديت عليه
سد الباب وحرك ومشه
الطريق كووله ساكت واني هم
وصلنه لشارع الكليه .. وگف وکال ترحين للكليه
اني عبالي يسألني ..گتله لا للبيت
باوعلي وگال شوفي لچ اني ماجاي اخيرچ
ترحين للكليه اذا اتصلت عليج ليلى گليلي فهمتي
مااشتغل عد ابوج واجي وراج للنجف
رزان؛مارديت نزلت وسديت الباب علكيف
مشيت واني منكسره يا اللهي تعبت
مادخلت جوه ضليت بالحديقه گاعده وحدي علمصطبه ..وعندي دوخه مو طبيعيه صار لي شهر
عايشه علماي
عيوني تعبن من البچي يا ربي تععبت
ارحمني اترجاك شمسويه اني
ضليت على نفس الگعده
چم ساعه ..كلما افكر احمد راح يطلع اصير قويه شويه
اني ودا افكر دگ الموبايل باوعت ليلى
رديت الوو
ليلى :رزان اني بمطعم *******
رزان :مااشي اني جايه
ليلى :وحدچ موو
رزان :ياربي شگول ..مجبوره ولله ماگدرت ارد
قفلت الخطط وبچيت صدگ انهاااريت
اسفه ليلى ولله محبوره ..اني أحس بيها لان عانيت نفس المعاناه بس،اكو شخص بريء لازم انقذه..ماگدر
استرجعت نفسي شويه واتصلت بيها
الوووو
ليلى :الوو ..رزان :انگطع الخط ..يي جايه وحدي
ليلى :ماشي بسرعه
رزان :ماشي
گمت اتصلت على المقدم ..رد عليه وگال جاي
نص ساعه واجه ..صعدت بالسياره ..
سألني علا اسم المطعم ..وگلي متحچين وياها ابد هي دقايق وناخذها انتي لتغردين
رزان :والطفل ..وليلى واحمد
علي : الطفل راح يرجع اليوم..وليلى نفس غيرها راح تتحاكم وأحمد بهالايام يطلع
اني فرحت من گلي علي راح يطلع
شويه واتصلت ليلى
الوو رزان وينج اتأخرت اني
رزان :دقايق جاييه ..سديت تليفون
هو گام يمشي،سرررعه ..ب10دقايق وصلنه گال يله نزلي بسررعه
نسيت التليفون بحضني نزلت طاح موبايلي بسيارته جوه
دنگت ادوره
علي :شجاي تسوين
رزان :بس موبايلي وگع
علي :لچ انتي شنوو غبيه وكتها هسه .اني ضليت ادوره
گلي أدني شويه اني اشوفه ..
اني ادنيت وهو شغل السياره ومشى بثووواني
اني رجليه عن التايرات سنتمتر يمكن
باوعت متفاجأه رجليه مابيهن شي
الحمد لله مشيت اگدر ادوس عليهم
يمه دخيلك ربي هذه مسودن
دخلت للمطعم ..باوعت ..لگيتها گاعده على طبله بالزاويه
رحت گعدت ..هي لابسه نضاره نزعتها وگالت رزان ليش هچي هاا تخطفين ابن اختي ..اني ساعدتج ولج حتى ماحچيت لحد
اني صافنه بوجهه ما عرف شگول
ليلى :شبيج متحچين هاا
اني ساكته أخاف احچي اي شي اساسا شگلها
تقريبا 4دقايق وحست
گامت من الطبله وطلعت اني صففنت ياا شوو راحت
واني چني صنم ماانطقت بس صافنه..گمت موبايلي موعندي هسه منين احاچي رجعت للبيت ..اخذت تليفون امي و
اتصلت على المقدم
گتله طلعت ترى
المقدم :ادري واخذناها من طلعت..سكتي منوو
رزان :يي غير انته گلت لتحچين
المقدم :شوفي لو حاچيه چان شردت ..أدري بيج ذكيه
رزان :استغفر الله ..يا ربي حتى إهلي ميقلدون عليه هالگد ..گتله شكررا
علي :شطووره ..وسد الخط
يااربي اشگد كارهته گووه متحملته..يا وتليفوني هسه شلون أجيبه ياربي
سألوني إهلي گتلهم ناسيته عد صديقتي
مرت الايام واني منتضره خبر عن أحمد
تقريبا 4ايام .. من الخميس وجمعه وسبت داومت يوم الاحد وأسألت أصدقائه ماكوو وفوکاها تليفوني موعندي
بليل ماتحملت اتصلت علمقدم گتله الوو
المقدم؛هلوو بيج
رزان :شوو احمد ماطلع
المقدم :طلع امس گبالي
رزان :شنووو ..شو ميرد وماكو بالكليه
المقدم :شعليه
رزان :وتليفوني عندك اريده
المقدم:متجين تاخذي
رزان ؛المن اجي
المقدم :للفندق ..وهسه مع سلامه
يبووو ميبطل سالفه يسد الخط بوجهي
اتصلت على احمد الف الف مره ميرد من تليفون امي
اني صفنت هذه شبي ..گلبي گام يلووج
صار الصبح گعدت لبست فستان طويل زيتوني وشال زيتوني وعدساتي الخضر ..عدلت نفسي بلكي اشوف احمد اليوم يا ربي بجاهك اشوفه
كملت وطلعت ..وصلت للكليه انتضرت ل11ماكوو
باربي شلون سالفه و موبايل ماعندي اتصل
طلعت اخذت تكسي من باب الكليه ورحت للفندق
اجيب موبايلي ..دخلت وسألت عن المقدم علي گالو موجود اتصلو عليه من اداره الفندق..
گال الموظف انتظري شويه هنا ..
تمشيت شويه منتضرته ..باوعت علمسبح ..الناس متونسه والجهال يضحكوون
ليش بس اني هيج
اكيد راح ترجع الضحكه لحلگي من اشوف حمودي
انتضرت تقريبا نص ساعه إجه المقدم علي من الباب الخلفي ضليت صافنه هو غير فوگ ..
إجه خال الموبايل بعلاگه مالت تليفونات ..
خابره مدري منو الضاهر عدهم مناسبه بالبيت
هو لابس قاط رصاصي ..
كمل..انطاني التليفون ..
رزان :اخذته وگتله شوكرا على كوولشي
المقدم :عاادي
رزان :مع السلامه بعدني مكملتها ..وسمعت صووت
صوت الهزني هززز بذيج اللحظه
احمد صااح رزاااان
اني صفنت ..أخاف ادور وجهي واشوفه ويطلع احمد ..
صااح بصوت أعلى لج رزااان
باوعت عليه ..صفنت بوجهه احمد شعنده هنا
صار لي شكثر انتضر هاي اللحظه بس مو بهاي الطريقه
احمد لابس بنطرون اسود وقميص نيلي وحذاءه نيلي ..لحيته طولانه وشكله تعباان
احمد :رزان شعندج هنا
رزان :اني ارتبكت ..ماعرف شجاوبه
اجه عليه لزم ايدي حيييل وصاح شعندج هنااا
شخذتي منه هاا اگول ليش متردين على اتصالاتي
جر ألچيس من ايدي حيييل وفتحه شاف الموبايل
صفن بوجهي شعنده موبايلج عنده هاا
المقدم علي :وانته شعليك
رزان :احمد مو مثل ممفكر حبيبي ..بس اسمعني
احمد اتقرب على المقدم وگله اني سألتك ..هاا
شعندك ويه خطيبتي انته گوووول
اني بعد ماعرف اتصررف احمد كولش عصبي وادري بالمقدم طگه ونص
اجيت كمشته احمد حبي ..دفعني لهناااك
احمد :اتقرب على علي وگله
گتلك شعندك ويه خطيبتي
المقدم:هههه تريد تعرف ليش تليفونها عندي
اني متت خوووف هذه شراح يگول
احمد :اي
المقدم: امس چانت عدي بغرفه 208ونسته
تعرف من الونسه وغمز لاحمد
اني تخبلت ...
رزان :احمد ...احمد باوعلي ولله چذب بچذب
احمد باوعلي ...حسيت عيونه مدمعه ..گلي كوولشي انتهه بينه
اني انصدمت من حچايته مستحيل
مشه احمد بسررعه واني ارركض ورى .. احمد بس اسمعني ولله جذب
احمد حبيبي گمت ابچي واصيح بصووت عاالي الناس كلها انتبهت علينه
احمد باوعلي وصااح بسسسسس
كلشي انتهه وصفگ ايده بوجهي ..اني ماعدي شغل ويه الگح...
مثلج فهمتتتتي
رزان :من گلي هيچ كسرر گلبي نصين ..هاي اني احمد اني ضحيت بكوولشي حتى مااخونك
گتله احمد اسمعنننننننني
وكمشته من ايده ..دفعني دفعه وگعت علگاع
تكسررت
ركب احمد سيارته ورااح ..گمت ابچي حييل صدگ چذب
كله من ورى عليييي
رجعت دخلت للفندق علي واگف يحچي ويه واحد
ررركضت حييل وضربته على صدره
لييييش ..هااا حررام عليك
تدري كلش زيييين شصار بيه هسه هيج تسووي ليييييش لواگف يمه گلي هييي ايدج إجه يريد يلزمني
كمش ايده المقدم ..
اني باوعتله گتله انته ولله بلا إحساس وضاالم
الله يااااخذك
صدگ احتررگت اعصابي ... بعد ماگدر گوه گمت امشي رأسي گام يوجعني ووجع فضيع
اخذت الطريق كوله ابچي ..جزززعت ياناس ولله جزززعت هذه الشخص الي علحسابه ضحييت
هذه الشخص الي اعشگه
وصلت للبيت گبل دخلت الغرفه فتحت جهازي شفت اتصالات احمد عشره
دازلي رساله
رزان وين رايحه اني ورراج ليش متردين
ياا ربي يعني شايفني من طالعه ولحگني
ضليت اتصل عليييه وميررد
صار ثاني يووم وروحي طالعه احسب الدقايق عبالك ساعات
گمت ماگدر اتحرك بعد من الدووخه اشوف الدنيا ضلمه
بدلت شلون وماچان وطلعت بيومها گوه امشي اجر برؤحي جرر
دخلت الكليه دورت على احمد لمن الله گاال بس ومالگيته
صار ساعه 11تقريبا
دز عليه رئيس القسم ..عندي انذارين مال فصل
رئيس القسم :بابا ميصير هيج ابد ما ملتزمه بالدوام
العام انتي الأولى علقسم وهالسنه انذار واحد بعد وتنفصلين
اني گوه واگفه جاي أخسر شي بعد شي
بعد مااتحمل ..حچيت شويه ويه الاستاذ وطلعت
رحت گعدت بالحديقه وحدي ..اجو البنات تدخلين المحاضرة گتلهم لا مالي خلگ..بقيت وحدي والحديقة مابيها أحد تصفرر
ورى شويه تقريبا ب12..اسمعت
السلام عليكم
رزان :باوعت ياا انته شعندك هناا تخبلت انته ،بلكي واحد شافك
المقدم :-اجيت اقدم اعتذاري على الصار امس ..
رزان :گمت على رجليه ..أريد ارد ..ما اشوف بس،ضلام ..ورجليه متشيلني
نفس گوه اسحبه ..اول ماگمت وگعت من طوولي فقدت وماحسيت بشي،
تقريبا 5دقايق
صحيت ..المقدم علي مبلني تبلل بالماي ..وصايره بين اديه
المقدم :..شووو اصحي خوو مابيج شي
رزان :ماشوف غير سواد ..گوه دنيت نفسي عنه
گتله لا ما بيه شي،
ابتعد عني ..
رزان :رجائي ..روح لحد يشوفك اترجاك
اني واحچي سمعنه صووت ..رفع راسه المقدم
واني هم گوه گمت ..اباوع چني مخبله منوو شافنه منووو
المقدم راح باوع ..إجه وگال ماكوو شي،ماكوو أحد
رزان :متأكد
المقدم :ايي.. اني رايح..
دار وجهه وراح ..اني گمت غسلت وجهي ورجعت للبيت ..گوه وصلت اول مارجعت للبيت ..بعدني توني فتحت الباب وگعت
بابا إجه يركض وامي ..فقدت وماحسيت بشي غير اني بالمستشفى
الكانوله بيدي
ابوي وامي على راسي وامي تبچي
رزان:بويه شكوو
بابا:من قله اكلچ شفتي وين وصلتي التهااب حاد عدج ..
ضغطج مصفرر ..صدگ تحچين انتي
اني سكتت ..امي الطريق كله تحچي عليه
وصلنه للبيت دخلوني لغرفتي
صدگ متأذيه وگلبي يوجعني أكثر
ضليت بفراشي ..أكلت شوربه وفيتامينات وإبر صرت شويه احسن ..
لليل نزلوني حتى اتعشه وياهم محسيت غير ابوي
إجه من الباب يصيح رزاااااان
لج رزاااان كلبه اشعدج بأدين الزلم
إجه يرركض عليه امي گامت اني صافنه شكوو...
وللحكاية بقية 💗
رد مع اقتباس
