သူငယ်ချင်းဖြစ်သူ ပို့လာသောပုံ နှင့် ပြောလိုက်တဲ့စကားတွေကြောင့် ဒေါ်သီရိခက်မှာ နွေခေါင်ခေါင် မိုးကြိုးပစ်ခံလိုက်ရသလို ရင်ထဲဝယ်အကြိမ်ကြိမ် ငိုကြွေးနေမိသည် ။ မယုံကြည်နိုင်ခြင်းများစွာနဲ့လည်း အတွင်တွင် ငြင်းဆန်နေခဲ့မိပြန်သည် ။ သို့ပေမဲ့ သား ပါးစပ်ကသာ ဟုတ်ပါတယ်မာမီလို့ ဖြေခဲ့လို့ရှိရင် သူမ ဘယ်လိုရင်ဆိုင်ရမလဲ ။
" မာမီ ..... ဒေါ်သီရိခက်ခင်ဗျ ..... မာမီ !!! "
" ဟင် ..... အင်း ပြန်ရောက်ပီလား သား "
" သားရောက်တာ နည်းနည်းတောင်ကြာပီ ။ မာမီက မလှုပ်မယှက်နဲ့ အတွေးလွန်နေတာ သားခေါ်တာတောင် မကြားဘူး ။ ဘာတွေအတွေးများ နေရလို့လဲ မာမီ သားဘာကူညီပေးရမလဲ "
" ရပါတယ်သားရယ် ။ သား သွားနားလိုက်တော့လေ ။ မာမီလဲ နည်းနည်းပင်ပန်းနေသလိုကြီးမို့ သွား... သွားနားလိုက်ဦးမယ် "
" ဟုတ်ကဲ့မာမီ နေလို့မကောင်းရင် သားကိုချက်ချင်း ပြောရမယ်နော် "
" အေး.... အေးပါ သားလေးရယ် "
အရင်နဲ့မတူဘဲ ခဏခဏပြုံးရယ်တတ်လာတဲ့ သူမရဲ့သားလေး ။ အရင်လို night out တွေမထွက်တော့လို့ သူမအရမ်းကျေနပ်ခဲ့ရတာ သားလေး အခုလိုပြောင်းလဲ လိမ်မာလာတာတွေက သားဘေးက ကောင်လေးကြောင့်များလား ။ မာမီဘယ်လို လုပ်ရမလဲသားရယ် မာမီ့သားလေးရဲ့ အပြုံးတွေ တည်မြဲအောင်ပဲ မျက်စိမှိတ်လက်ခံလိုက်ရမလား ။ သားတို့ချစ်ခြင်းကို မဖြစ်နိုင်ဘူးလို့တားဆီးခဲ့ရင် မာမီ့ကိုရက်စက်လိုက်တာလို့ ဆိုလေမလားကွယ် ။
" သီရိ မျက်နှာလဲမကောင်းပါလား ဘယ်လိုကြီးနေလို့လဲ ။ ဖုန်းမပြောခင်ကထိ အကောင်းပါ တစ်ဖက်က ဘာတွေပြောလိုက်လို့လဲ ။ ကိုယ့်ကိုပြောပြချင်လား "
" အဟင့် ...... ကျွန် .... ကျွန်မ ဘယ်လိုပြောရမလဲ မသိတော့ပါဘူး အကိုရယ် အဟင့် ..... ကျွန်မဘာမကောင်းမှုတွေများ လုပ်ခဲ့မိလို့ ကျွန်မတို့သားလေးက အင့် ... "
" ကိုယ်တို့သားက ဘာဖြစ်နေလို့ မင်းကဒီလောက်ငိုနေရတာလဲကွာ ။ ကိုယ်တို့သားက အမျိုသားချင်း မေတ္တာမျှနေတယ်လို့ ပြောလိုက်လို့လား "
YOU ARE READING
Mg'Lugi
Romanceချစ်ခြင်းတွေစတင်ကြမဲ့နေ့ရက်လေးတွေဆီကိုတဆင့်ခြင်းသွားကြည့်ရအောင်မောင့်လူကြီးရေ Start date - 12.11.2022 End date - 18.6.2023 Both U+Z ( completed )
