My Dearest Swe (Completed)

အခန်း (၁)

ဤဇာတ်လမ်းနှင့် ဇာတ်ကောင်များမှာ စိတ်ကူးယဥ် များသာ ဖြစ်ပြီး စာရေးသူနှင့်သာ သက်ဆိုင်ပါသည်  ။

"Ah-ha-ha
Ah-ha-ha-ha-ha
Ah-ha-ha" ဟု Abba ​၏ angle eyes သီချင်းလေးကို ညည်းညူနေသူမှာ ဒေါက်တာ ဆွေနုရည် ။ ထိုအမျိုးသမီးဟာ သိပ်ကို ယဥ်သည်။ လေးဆယ်ကျော် အမျိုးသမီးတစ်ယောက်ရဲ့ အလှများနှင့်လည်း ပြီးပြည်စုံလို့နေသည့်ထို အမျိုးသမီးကလှ၏။

"ဆွေရေ ..မကြီးဝင်လာပြီနော်"

အစ်မဖြစ်သူ တင်နုရည် အသံကြောင့် ကုတင်ပေါ်တွင်ထိုင်လျှက် အဝတ်များခေါက်နေသည့် ဆွေလည်း အသံပြန်ပြုတော့သည်။

"မမ ဝင်လာ ..ဆွေရှိတယ်" ဟု ပြုံးလျှက်ပြောရင်း အခန်းအတွင်းဝင်လာသည့် အစ်မဖြစ်သူကို ပြုံးပြတော့သည်။

"ဟယ် ငါ့ညီမအဆင်သင့်မဖြစ်သေးဘူးလား"ဟု အဝတ်များထိုင်ခေါက်နေသည့် ညီမဖြစ်သူအားကြည့်ကာပြောတော့​၏။

"ဟင် ..မမ ကို ညက ဆွေပြောတယ်လေ ၊မလိုက်တော့ဘူးလို့"  

ဆွေ က စကားပြောလျှင် မျက်နှာဟန်ပန်လေးတွေနှင့်ပါပြောလေ့ရှိသည် ။ မျက်ခုံးလေးပင့်လျှက် ပြောသည့် အချက်ကတော့ သူမ ၏ ထူးခြားချက်လေးသာ ။

"အာဟုတ်သားပဲ"

"ဟားဟားဟား. ငါ့အစ်မလည်း အသက်ကြီးလာလို့လားမသိ မေ့တတ်လိုက်ပုံများ"

"ဟုတ်ပါ့ ..ဒါဆို အစ်မတို့သွားတော့မယ် တော်ကြာ လဲ့လဲ့က သိတဲ့အတိုင်း သူစောင့်နေတာကြာရင် တို့တွေကို ဆူနေဦးမယ်"

ဆွေနုရည်တွင် မွေးချင်းညီအစ်မ (၃)ယောက်တိတိရှိသည်။ အကြီးဆုံးအစ်မဖြစ်သူ တင်နုရည် ၊ တင်နုရည်မှာ ညီအစ်မများကြားတွင် အချောဆုံးပင်ဖြစ်ပြီး အသားညိုညို ကိုယ်လုံး လှလှနှင့် ပါးချိုင့်တစ်ဖက် ပါဝင်​၏။ ဆွေနုရည်  ၊  ဆွေ့မှာပင် အစ်မဖြစ်သူလောက်မချောပေမဲ့ ယဉ်ကာ သူမအလှမှာ အကြည့်ခံပြီး တစ်ခါကြည့်ပြီးလျှင်လည်း ထပ်ခါတလဲလဲ ကြည့်ချင်လောက်အောင်ဆွဲဆောင်နိုင်သည့် အလှတရားပိုင်ရှင်ဖြစ်ပြီး  မညိုလွန်း မဖြူလွန်းသည့် အသားအရေ ပိုင်ရှင်တစ်ဦးဖြစ်ကာ ဆရာဝန်ကြီးတစ်ဦးလည်းဖြစ်သည်။    ရယ်လိုက်လျှင်လည်း ညီညာလှသည့် သွားလေးများမှာ  ဖွေးကာ ထွက်လာသူပင်။သို့သော် ညီအစ်မ (၃) ယောက်မှာ ရုပ်ချင်းလည်း ဆင်သည်။