"ဘာများလဲမေမေ..နာမည်က ဘာတဲ့လဲ "
ထိုကဲ့သို့ မေးရင်း အယ်မလီလည်းပြတင်းပေါက်နား ပြန်သွားရင်း စီးကရက် ဆက်သောက်နေမိသည် ။
"မျက်လုံးချင်းစကားပြောနေပြီတဲ့ ...ဘာဖြစ်လို့လဲသမီး"
ထိုအချိန် အယ်မလီ ဆေးလိပ်တစ်ချက်ဖွာလိုက်တော့သည်။
"ကြိုက်မိနေလို့ ..." ဟု ခပ်ပြတ်ပြတ် ပြန်ဖြေသည့် အယ်မလီ။ အယ်မလီ ဆေးလိပ်သောက်နေပုံကို မိခင်ဖြစ်သူလည်း သေချာကြည့်နေမိတော့၏။
"ဟူး ငါ့သမီး ချစ်တဲ့သူ မြန်မြန်ပေါ်လာစေချင်ပါပြီ"
မိခင် ဖြစ်သူ စကားကြောင့် အယ်မလီ လည်း မိခင်ဖြစ်သူကို ကြည့်လိုက်သည် ။
"ဘာလို့လဲဟင် .."
"မေမေတို့ မြန်မာစကား တစ်ခုရှိတယ်။ အမေပြောတော့ တစ်သက် မယားပြောတော့တမနက် တဲ့ ။ ဆိုလိုရင်းကတော့ ကိုယ့်ချစ်တဲ့သူ ပြောရင် ခဏပဲလို့ ဆိုတာ အဲ့ဒါကြောင့် သမီးကို ဒီအကျင့်လေးတွေမလုပ်ပါနဲ့တော့ ပြောမဲ့ သမီးချစ်လာတဲ့သူကို မေမေဖြင့် တွေ့စေချင်နေပြီ "
အမေလုပ်သူပြောသည့် စကားကြောင့် အယ်မလီလည်း ဟက်ဟက်ပက်ပက်ကို ရယ်တော့သည် ။
"ဟားဟားဟား...ငါ့အမေကတော့ လုပ်ပြီး ။ ဘယ်သူကများ သမီးကို အဲ့လို ထိန်းချုပ်နိုင်မှာမို့လဲ ။ သိရဲ့နဲ့ ....."
အယ်မလီလည်း စီးကရက်ဖွာလိုက်ရင်း ပြောသည် ။
"အပြောမကြီးနဲ့ သမီး ။ ထမင်းသာ ကုန်အောင်စား စကားကို ကုန်အောင်မပြောနဲ့တဲ့ ။ ကိုယ် ချစ်တဲ့ သူ စကားဆို ငါ့သမီးက မြေဝယ်မကျ နားထောင်နေမှာ သိပြီးသား ငါ့သမီးအကြောင်းကို "
"မေမေ....သူများ အမေတွေက သူတို့သားသမီး ချစ်သူရမှာ အိမ်ထောင်ကျသွားမှာကို စိတ်ဘယ်လိုပြောရမလဲ ၊ ဟိုလေ "
မြန်မာစကားအား သေချာပြန်စဉ်းစားနေရသည့် အယ်မလီ ပုံမှာ တမျိုးချစ်စရာပင်။
"စိတ်ပူတာ" ဟု မိခင် ဖြစ်သူလည်း စကားထောက်ပေးတော့၏။
"ဟုတ်တယ် ဟုတ်တယ် စိတ်ပူပန်ကြတယ်လေ ၊ ဘာဖြစ်လို့ မေမေ့ကျမှ"
ESTÁS LEYENDO
My Dearest Swe (Completed)
Romanceတော်တော့်ကိုချစ်ဖို့ကောင်းတဲ့အမျိုးသမီးကြီးပဲ ကြာရင်ဖက်နမ်းမိတော့မယ်
