#Unicode
"စိတ်ပျက်လိုက်တာကွာ .. ငါအများကြီး မျှော်လင့်ထားတာတွေအကုန်လုံး သဲထဲရေသွန်ဖြစ်ကုန်ပြီ"
ဆိုဖာပေါ် စိတ်ပျက်လက်ပျက်မှီချ၍ ငြီးတွားနေသည့် အဖေ..
တစ်လျှောက်လုံး အဆင်ပြေလာခဲ့ပြီး ဆေးစစ်ချက် ရလဒ်အရ သူဟာ Omega ဖြစ်နေရုံလေးနှင့် အဖေက စိတ်ပျက်နေသည်တဲ့ ။
"ကျွန်တော် Omega ဖြစ်ရုံလေးနဲ့ ဘာမှ ပြောင်းလဲမသွားဘူး အဖေ ။ ကျွန်တော်က အဖေ့သား Kim Taehyung ဖြစ်နေတုန်းပဲ"
"ပျော့ညံ့တဲ့ Omega တွေက ငါ့လုပ်ငန်းတွေကို ဦးဆောင်နိုင်မယ်လို့ မင်းထင်နေလား Kim Taehyung ! ရှိတဲ့ တစ်ဦးတည်းသောသားက Omega ဖြစ်နေတော့ အားလုံး အလကားပဲ!"
Taehyung လက်သီးကိုတင်းနေအောင်ဆုပ်လိုက်မိသည် ။
သူက Omega ဆိုပေမယ့် အဖေပြောသလို ပျော့ညံ့နေတာမျိုးတော့မဟုတ် ။
"Omega ဖြစ်နေပေမယ့် ကျွန်တော် မပျော့ညံ့ဘူး အဖေ"
"ဘာလုပ်မှာလဲ .. Omega ဆိုတာ ကလေးမွေးဖွားဖို့သက်သက်ပဲ ။ ကုန်ကုန်ပြောရရင် သားထုတ်စက်တစ်ခုလိုပဲ .. အဲ့ဒီထက် ပိုပြီးသာတာ ဘာမှမရှိဘူး!"
အဖေဖြစ်သူရဲ့ စကားတွေကြောင့် Taehyung နာကျင်ရသည် ။
Omega ဆိုတဲ့ သူ့ဖြစ်တည်မှုကို အဖေက လုံးဝ တန်ဖိုးမထားဘဲ နှိမ်သည် ။
Omega ဖြစ်သွားရုံနဲ့ သူက လူထဲမတိုးတော့ဘဲ ကလေးထိုင်မွေးနေရတော့မှာလား ...
"အဖေ လွန်လိုက်တာ .. ကျွန်တော့်ကို အထင်သေးလွန်းတယ်"
"Omega ဆိုတာ အထင်ကြီးစရာ ဘာတစ်ခုမှရှိမနေဘူး!"
Alpha tone သုံး၍ ပြောလိုက်တာမို့ Taehyung အားနည်းသလိုဖြစ်ကာ ဖြူဖျော့သွားသည် ။
တကယ်ပဲ သူက အဖေပြောသလိုမျိုး ပျော့ညံ့တဲ့ ယောက်ျားတစ်ယောက်ဖြစ်နေခဲ့ပြီလား။
Omega ဆိုတဲ့ ဖြစ်တည်မှုကြီးက အဲ့ဒီလောက်အထိ ဆိုးရွားနေတာလား ။
ဆေးစစ်ချက်သိပြီးသည့်နေ့မှစ၍ Taehyung ကို အဖေဖြစ်သူက ချုပ်ချယ်ကာ ထိန်းသိမ်းတော့သည် ။
Omega ဆိုတဲ့ အကြောင်းပြချက်နှင့် Taehyung ၏ လွတ်လပ်မှုတွေကို ဆုံးရှုံးလိုက်ရသည် ။
"ကျွန်တော် လက်မခံဘူး အဖေ! ဘယ်ကမှန်းမသိတဲ့ Alpha ကို Mate အဖြစ်လက်ခံဖို့ဆိုတာ လုံးဝ မဖြစ်နိုင်ဘူး!"
ВЫ ЧИТАЕТЕ
More And More(Completed)
Фанфик"Alpha , more and more" #Warning - male pregnancy !! Start =28.12.2022 End=20.6.2023
