#Unicode
"ဒါက Yeontan.. ဘယ်လိုလဲ .. ချစ်ဖို့ကောင်းလား"
Taehyung မျက်ခုံးပင့်ပြ၍ Jungkook အားမေးလိုက်သည် ။
သူ့ရဲ့ ချစ်မဝလေး Yeontan နှင့် မိတ်ဆက်ပေးမိတာက Jungkook တစ်ယောက်တည်းသာရှိသေးသည် ။
"Yeontan တဲ့လား .. ချစ်ဖို့ကောင်းတယ်"
Yeontan ကိုကိုင်ဖို့ကြိုးစားလိုက်ပေမယ့် မအောင်မြင်...
Yeontan က တဂီးဂီးလုပ်ကာ ရှောင်ဖယ်သွားသည် ။
Jungkook ကို သဘောမကျဘူးဆိုသည့်သဘောပင် ။
Yeontan ရဲ့ ထိုအပြုအမူလေးကြောင့် Taehyung နှစ်ခြိုက်စွာပြုံးလိုက်သည် ။
"Yeontanကမင်းကို သဘောမကျဘူး .. အဟင်း.. သူက Alpha တွေကို သဘောမကျတာဆိုရင်ပိုမှန်လိမ့်မယ်"
Jungkook မျက်မှောင်ကြုတ်လိုက်သည်။
ခွေးပိစိသည်လဲ သခင်ပိစိလေးလိုပဲ မာနကြီးသည် ။
Alpha တွေကို သဘောမကျဘူးတဲ့လေ။
"Yeontanက ငါ့ဘဝထဲက တစ်စိတ်တစ်ဒေသပဲ ။ သူက သာမန် ခွေးတစ်ကောင်မဟုတ်ဘဲ ငါ့မိသားစုဝင်လေ"
Taehyung က Yeontan ၏ ခေါင်းလေးကို ပွတ်သပ်ရင်းပြောလိုက်သည် ။
"Taehyung .. ကိုယ်သူနဲ့ ရင်းနှီးအောင်ဘယ်လိုလုပ်ရမလဲ"
Omega လေးကို အပိုင်သိမ်းချင်သည့် Alphaက Omega နှင့် နှလုံးသားချင်း နီးစပ်ရုံမကဘဲ ခွေးလေးနှင့်ပါ ရင်းနှီးအောင်ကြိုးစားချင်နေသည်။
Omega အတွက်အရေးပါသည့် အရာတိုင်းနှင့် အကျွမ်းတဝင် ရှိထားချင်သည့်သဘောပင်ဖြစ်၏။
"Yeontan က နည်းနည်းတော့ခက်ခဲတယ်။ သူက အချော့ကြိုက်ပြီး သူ့ကို အလိုလိုက်တာကြိုက်တယ်... "
Jungkook ပြုံးလိုက်သည် ။ ထို့နောက် ကြည့်မဝအောင်လှနေတဲ့ Taehyung ကို မြတ်နိုးစွာကြည့်၍
"ဒါဆိုရင် Yeontan ရဲ့ သခင်ကရော အချော့ကြိုက်လားဟင်.. သူ့ကို အလိုလိုက်ပေးတာမျိုး သဘောကျလား"
Alpha ရဲ့ ကလေးဆန်ဆန်စကားကြောင့် Omega က သဘောကျစွာပြုံးလာသည် ။ ထို့နောက် Alphaကို ခပ်ထေ့ထေ့ကြည့်၍
"Yeontan ရဲ့သခင်က အမြဲတမ်း သူအသာစီးရနေမှ သဘောကျတာ ..ပြီးတော့ နည်းနည်းဆိုးတယ် ၊ နည်းနည်းလဲ မာနကြီးတယ်"
DU LIEST GERADE
More And More(Completed)
Fanfiction"Alpha , more and more" #Warning - male pregnancy !! Start =28.12.2022 End=20.6.2023
