يا نجمة الليل العزيز

P1

اخر يوم في رمضان العصر و تحديدا في الرياض في بيت ابو سيف بسمة و نور يساعدو امهم في المطبخ
نور: وينها السلقة سديم ماتجي تساعدنا ؟؟؟
بسمة : اللهم اني صائم يابنت استغفر ربك واتركيها في حالها
ام سيف : لا اله الا الله يانور كملي شغلك وانتي ساكته قرب المغرب خلينا نخلص
نور: بسم الله وش فيكم علي وانا صادقه ليه ماتجي تساعدنا
عبدالعزيز الي داخل المطبخ و في يده مقاضي :
مين مزعل نوارة قلبي الحلوة
نور : شوفهم علي بس عشان قلت وينها سديم ماتساعدنا
عبدالعزيز : وهي صادقه وينها سديم
عبدالعزيز بصوت عالي ؛ سدييم سديموووه
سديم وهي تركض : هلااا هلا بمحامي قلبي
عبدالعزيز وهو يحضنها : لااا دام الوضع فيه محامي قلبك مابهاوشك
سديم : ماعرفتك خفيف عزو ههههههههه
نور بمزح: لا والله عبدالعزيز من الظهر نحنا في المطبخ وعشان قالت لك محامي قلبي خقيت ؟
سديم بمزح وهي تناظرها بطرف عين: ايه اخوي حبيب قلبي وش تبين فيه
عبدالعزيز : اقول سديموه عطيناك وجه ساعديهم بس
سديم وهي تبوس خده : ابشر كم عبدالعزيز عندنا
عبدالعزيز : يلا انا طالع اريح شوي بغيتو شي
الكل : سلامتك
دخل عبدالعزيز الغرفة : اوهه محمدي هني
محمد : ايه يعني وين
عبدالعزيز : مدري امس ما شفتك هنا
محمد : ايه رحت عند واحد من اخوياي اسلم عليه سوى حادث
عبدالعزيز : زين ، المهم قوم تقلع ابي انام
محمد رمى عليه المخدة : نام نومة اهل الكهف
عبدالعزيز بضحك : اقول لا اعلم ليلى بس
محمد وهو عند الباب : صح على طاريها ماقال لك مطلق متى بيجونا
عبدالعزيز وهو يغمز : ليه مشتاق للحب هههههههه
محمد وهو متوتر: تقلع بس نام ماعاد بسألك

في جهه ثانية في الرياض في بيت ابو مصعب في المطبخ دخل عليهم ابو مصعب
ابو مصعب : نجومه حبيبتي
نجمة وهي تبوس راسه: هلا ب أبويي هلا
مصعب داخل ومعه حلويات العيد : وهذي هي حلويات العيد يمه جبتها لك بدري
ام مصعب : ياحبيبي يامصعب ربي يوفقك ولا يحرمني منك قول امين
مصعب وهو يبوس راسها: امين يا ميمتي ، ابك وينه وسيم
ابو مصعب : وينه غير دشره مع اخوياه
نجمة : لا يا يبه تراه نايم فوق
مصعب : اجل استأذنكم بروح اصحيه و اقرء وردي قبل الفطور
راح مصعب غرفة وسيم و هو يطق الباب :
وسيم يا ولد
وسيم : ادخل
مصعب : ابك انت بلاك مانشوفك الا في الفطور
وسيم : و الله يولد ان نفسيتي تعبانة
مصعب وهو يجلس قدامه: وش فيك بسم الله عليك
وسيم : ادور شغل وماني محصل
مصعب : كان قلت لي يولد عندنا في الشركة يطلبون وظايف
وسيم عدل جلسته : تتكلم جد يولد !
مصعب وهو يضربه على راسه بمزح : ذا كبري وامزح معك يورع
وسيم: وتكفى قدم لي
مصعب : خلاص ابشر بعد العيد نروح انا وانت لحايل وتقدم واضمن لك القبول 90٪ بواسطة مني
وسيم : والله احسد نفسي انك اخوي يولد
مصعب وهو خارج بضحك : انزل سلم على ابوي لا يهبدك بس
وسيم : تمام