يا نجمة الليل العزيز

P9

في سيارة مطلق طلعو البنات و راحو القاعه يتجهزو
و في سيارة عبدالعزيز ام سيف و العمة هنادي و ام مطلق
وفي سيارة راشد سعود وابو سيف و ابو مطلق
وفي سيارة سيف بتول و ملك
والكل توجهه للقاعه

عند باب قاعة الحريم
عبدالعزيز : يا نور اخلصي علينا عطيني الكاميرا
نور وهي تعانده : قول عمه نور
وعلى ذا الموال استمر عناد نور لعبدالعزيز وقاطعهم نجمة الي واقفه عند الباب : السلام عليكم
نور وهي تحضنها : وعليكم السلام، نجمه عاش من شافك رحتي لحايل ونستينا
نجمة وهي مستحيه من عبدالعزيز : تعيش ايامك حبيبتي
عبدالعزيز وهو صاد ويسمع كلامهم ( اخخ من حايل الي اخذت هالنجمة )
مصعب : هلااا بعبدالعزيز ، ايش عندك واقف هنا
عبدالعزيز: هلا بأهل حايل
نور  وهي طالعه من الباب: خلاص خذ الكاميرا واذل.......
مصعب كان يناظر نور بذهول من جمالها ( وهي لابسة فستانها الاحمر على بشرتها الفاتحة و شعرها الي عند اكتافها و لونه اسود و مكياجها الخفيف و ملامح وجهها الهادئة )
استوعب على نفسه وصد وعبدالعزيز راح يغطي نور بشماغه ويدخلها
وقف عند الباب وهو يهاوشها : نور وش ذا هبله انت...... قطع كلامه لما ناظر للمرايا الي كانت فيها نجمة (وعرفها لانه شافها في العيد وما قدر ينسى شكلها ) ما انتبه لنفسه وهو يتأملها  ( بفستانها الكحلي الطويل من ورا وقصير شوي من قدام و شعرها البني الغامق الي واصل لخصرها و ملامح وجهها الجميله وهي تبتسم للمراية )
نور وهي ترجف وجهها احمر : اسفه ولله احسبه سيف ماكنت اقصد
عبدالعزيز بتوتر : خ خلاص تمام
عند مصعب الي كان يسمع كلام نور وعبدالعزيز ويحس قلبه شوي ويطلع من مكانه من شكلها
عبدالعزيز : معليش يالخوي
مصعب وهو مستحي : لا حصل خير ، امشي نروح للرجال
عند قاعة الرجال بعد ما سلمو المعازيم على العريس محمد جاء وقت العرضة
عبدالعزيز: سعود تكفى خذ صور ابغا ارقص تكفى
سعود : تقلع بس انا بعد ابي ارقص
وسيم وهو ياخذ الكاميرا : ارقصو انا بصور
عبدالعزيز وهو يبوس راسه : مشكور حبيبي
بدءت العرضة و الكل قام يعرض ويرقص
بعد ما خلصت العرضة وتعشو الرجال
ابو سيف: عبدالعزيز دخل ذا الصحن لقسم الحريم من الباب الخلفي
عبدالعزيز: ابشر يبه
عند الحريم :
سديم و دينا ما خلو اغنيه الا ورقصو عليها
وبسمه بس تمشي وراء امها
ونور الي جالسة بجنب نجمه وهي شوي وتتقطع من الفشله على الموقف
ونجمة الي كل شوي تجيها وحده وتسألها :
وين امك ، ابي رقم امك ، ماشاءالله عليك وديني لامك
ونجمة ردها الوحيد الله يرحمها
ما قدرت تكتم دموعها اكثر وراحت لصالة العشاء و هي تبكي
دخل عبدالعزيز وفي يده صحن الرز وهو يغني :
" كل يوم نجمتين تغيب لا أنوم ولا جروحي تطيب"
وقف طربه صوت البنت الي تبكي وتقول :
ليه رحتي يا أمي وتركتيني ليه
عبدالعزيز وهو يتنحنح : احم احم
نجمة بصراخ : بسم الله
عبدالعزيز عرف بشك : نجمة ؟
نجمة بخوف : مين ؟
عبدالعزيز وهو صاد : عبدالعزيز
نجمة عرفته بس قررت تتعابط : مين عبدالعزيز
عبدالعزيز : اخو سيف صديق مصعب
نجمة وهي تمسح دموعها : وش تبي ووش عرفك بإسمي
عبدالعزيز: ملك قالت لي اسمك ، وش فيك تبكين ؟
نجمة : وش دخلك انت
عبدالعزيز وهو عارف السبب : نجمة انتي كذا تتعبي نفسك اكثر تكفين لا عاد تبكين هم راحو عند الي ارحم منا وانتي تبكين راح تتعبي اكثر ماراح تستفيدي شي
نجمة وهي تشاهق : ما اقدر ما اقدر
عبدالعزيز بدون مايحس على نفسه : تقدرين يانجمه تقدرين يا حبيبتي بس اصبري على قضاء الله
نجمة انصدمت وخرجت من صاله الطعام وراحت الحمام وهي قلبها شوي ويطلع من مكانه (لا لا اكيد سمعت غلط مستحيل يقولي حبيبتي)
عبدالعزيز الي أستوعب وش قال وجاء يبي يبرر بس سمع خطواتها وهي تخرج وصقع راسه ( غبي انت غبي تقولها حبيبتي)
حط الصحن و خرج جلس متكتف عند سيارته يفكر في نجمة
سيف وهو يصقع كتفه : وش تسوي هنا ؟
عبدالعزيز وهو يمسح عيونه : ولا شي
سيف : تعال تعال ندخل عند العيال بس

عند نجمه
نور : نجمة وينك ادور عليك من اول ، يمه شفيه وجهك
نجمة وهي وجهها احمررر : ل لا مافيني شي
نور وهي تمسك وجهها : وش مافيك شي ليه وجهك احمر كذا
نجمة بتوتر : مافيني شي تعالي نروح نجلس

وقت الزفة :
دخلو ابو مطلق و مطلق و سعود وابو سيف مع محمد يسلمو على ليلى
توجه محمد يسلم على امه و ام مطلق وبعدها راح ليلى و باس راسها
خرجو الرجال الي في الغرفة وام مطلق وسيف راحو تحت يحترون الزفة وبدأت ليلة عمر محمد وليلى وهم ينزفون للناس
بعد ما وصلو للمسرح واشتغلت اغنية : " ليلة لو باقي ليلة بعمري ابيك الليلة واسهر في ليل عيونك في ليلة عمر" محمد ( اي والله ابيك الليله) واجتمعو خوات محمد وام مطلق و ام سيف يرقصون حولهم وبعد رقصهم رجعو محمد و ليلى للغرفة
محمد وهو يمسك يدها : واخيراً تحقق حلمي و  صرتي لي يا ليلى ، ربي يتمم لنا على خير ياعيوني
ليلى وهي ترجف بهمس : امين
محمد حاول يفتح سالفه بس ماقدر يتكلم من جمال ليلى واكتفى انه يتأملها بعد دقايق
محمد : نمشي ؟
ليلى بخوف : وين ؟
محمد بضحك :ههه وش وين! للفندق
ليلى بفشلة : براحتك
محمد وقف و ساعد ليلى تلبس عبايتها وتوجهو للفندق
في الفندق
محمد : ادخلي بدلي انا بطلب العشاء
ليلى بتوتر : تمام
دخلت بدلت ومحمد جاب العشاء و تعشو وكان الجو هدووووء كل واحد مستحي من الثاني
محمد : واضح عليك تعبتي روحي ارتاحي
ليلى الي كانت ميتة من النوم وراحت على طول ونامت
في بيت ابو سيف رجع الكل من القاعه و اهل ابو مطلق رجعو للدمام
وبدأت فقرة تحليل العرس عند سديم و بسمة ونور
دخل عليهم عبدالعزيز: ايه عاد الفقرة الاساسيه الاستديو التحليلي
سديم : ايه لازم
نور تذكرت الموقف و استحت من عبدالعزيز وحمر وجهها
عبدالعزيز وهو يرقد على رجل بسمة : وش عندها نور وجهها قلب طماط
نور : ولا شي
بسمة وهي تلعب بشعر عبدالعزيز: والله وصرت الولد الوحيد في البيت يعزووو
عبدالعزيز بضحك : ههههههه الله يعيني مالي الا اسمع سوالفكم النايمة
نور : والله يبنات نجمة اخت صديق سيف مرا
تحزنن
عبدالعزيز عدل جلسته : وش فيها
نور : كل شوي تجيها حرمة تبي رقم امها او تسأل عن امها
سديم : عاد يحق لهم البنت لا اله الا الله قمر يمشي عالارض ماشاءالله
بسمه وهي تقرص سديم وهمست لها : اسكتي عبدالعزيز بغضب : وهم الحريم مايعرفون ان امها متوفية
نور : وش دراهم هم
عبدالعزيز بضيق : والله انها تكسر القلب ، المهم انا استئذنكم
راح عبدالعزيز لغرفته وانسدح على السرير وهو يتذكر شكل نجمة عند المرايا وصوت ركضها لما قال لها بالغلط حبيبتي
سديم : خير بسمة ليه تقرصيني
بسمة : غبية انتي تمدحين بنت و اخوك موجود
سديم : يع وهو ليه قاط وجهه معنا

انتهى الفرح وانتهت الليلة الجميله لاهل ابو سيف وابو مطلق