يا نجمة الليل العزيز

P13

مافي تفاعل حطو نجمة 🥹

بعد خمس ساعات وصلو مصعب ووسيم لرياض واتصل مصعب على عبدالعزيز
عبدالعزيز: وصلت ؟
مصعب : ايه
عبدالعزيز: تعال بيتنا
اتجه مصعب ووسيم لبيت ابو سيف ووصلو ودقو الباب وفتح لهم عبدالعزيز
سلم عليهم ودخلهم المجلس
مصعب : ياولد خوفتني وش فيه ؟ صاير لنجمة شي
عبدالعزيز بغضب : اصبر يا مصعب الحين بتعرف كل شي
خرج عبدالعزيز وراح ونادى نور
دخل عبدالعزيز المجلس ووقف عند الباب ونور وقفت برا
وسيم : عبدالعزيز اتكلم وش فيها نجمة
عبدالعزيز: اختي نور بتقول لكم
مصعب فز اول ما سمع صوت نور
نور وهي تبكي : نجمة تحتاج مساعدتكم تكفون ( قالت لهم الي صار )
عبدالعزيز بغضب وهو يصرخ : انتم كيف ما تسألون عنها وتجون تشوفوها كيف!!
مصعب بنبرة حادة : عبدالعزيز قلت لك قبل كان عندنا ضغط صح او لا؟ وبعدين لا ترفع صوتك
عبدالعزيز وهو يحاول مايرفع صوته : خلينا نروح نجيبها الحين ونسمع منها
وسيم بغضب : والله لو ان صاير لها شي او انهم مسكو شعره وحده فيها والله لا انهي حياتهم كلهم
خرجو مصعب ووسيم وعبدالعزيز وهم متجهين لبيت ابو حمد وكل واحد يتوعد فيه
وصلو ونزل مصعب ووسيم ودقو الجرس
فتحت عبير الباب : مصعب ! وسيم ! وش جابكم ؟
مصعب ووسيم دفو الباب ودخلو البيت وعبدالعزيز واقف عند باب البيت
مصعب بصراخ : يا عمم
خرج ابو حمد وهو خايف : ياهلا ياهلا بأولاد المرحوم
نجمة اول ماسمعت صوت مصعب خرجت من غرفتها وهي تبكي وتشاهق وركضت له : مصعبببب خذني معك تكفى تكفىىى
عبدالعزيز سمع بكاها و شهقاتها وضرب الجدار بقهر
ابو حمد بخوف : يابنيتي يا نجمة لا تبالغين
مصعب وهو يحضن نجمة : وش فيك يا عين اخوك بس قولي لي وش سوو لك والله ما اتركهم والله
نجمة قالت لهم الي صار من اول يوم الين لما جاتها نور وهي تبكي وابو حمد يحاول ينكر كلامها
وسيم حاول يهدي نجمة .
مصعب اتجهه لابو حمد بغضب وعطاه كف : والله لا تندم انت وولدك الوصخ يا كلب والله ،امنتك على اختي الوحيدة وذا كله يصير لها والله لا تندم والفلوس بترجعها زي الكلب يا كلب
عبدالعزيز ماقدر يمسك نفسه و عيونه مليانة دموع وقف عند الباب و هو يصرخ : والله انك لاتندم يا ابو حمد انت وولدك والله وبيننا المحكمة
راحت نجمة واخذت ملابسها وخرجت هي واخوانها وركبو السيارة
عبدالعزيز يسوق وجنبه مصعب ووسيم و نجمة في الخلف
مصعب وهو شاد على يده من القهر : والله ما اسيبه هو والكلب ولده والله
عبدالعزيز بغضب : بنروح المستشفى ونسوي لها تقرير عن الكدمات عشان نقدر نمسك عليهم شي وبعدها اوصلكم للبيت ومن بكرة انا الي ما بتركه الكلب
نجمة وهي تبكي: تكفى يامصعب لا عاد تتركني تكفى
عبدالعزيز ماقدر يستحمل بكاها وقال : لاتخافي يا نجمة انا الي ما بتركك بس انتي لاتبكين
نجمة استحت و انحرجت من كلام عبدالعزيز
مصعب لعبدالعزيز : خير يا خوي !
عبدالعزيز استوعب انه جاب العيد : اقصد بنتقم لها من عمكم وش تبي انت
وسيم ماقدر يستحمل و انفجر ضحك على قمطة عبدالعزيز : ههههههههههههههه والله يا عبدالعزيز العيد الي جبته ما يترقع هههههههههه
مصعب حس بتوتر عبدالعزيز وضحك عشان يخفف توتره : ههههههههههههههه اهم شي يرقع لغلطه
عبدالعزيز و نجمة انحرجو
وصلو للمستشفى ونزل مصعب و نجمة وراحو كشفو و جابو التقرير ورجعو وتوجهو لبيت ابو سيف
مصعب : وين رايح انت
عبدالعزيز: بيتنا بتريحو هناك
مصعب : لا يرجال روح لبيتنا
عبدالعزيز : لا والله بتجلسو عندنا ومرة وحده تاخذ سيارتك
مصعب : تمام
وصلى لبيت ابو سيف و نامو مصعب واخوانه عندهم
صباح اليوم الثاني عند نور وسديم و نجمة في المطبخ
نور وسديم كانو يتهاوشون ونجمه تضحك
صحى عبدالعزيز ودخل للمطبخ وهو يقول : من صباح الله خير هواش يا بزر انتي و...... انتبه لنجمة الي كانت تضحك على هواشهم وجمدت اول ما شافته
صد وخرج وهو قلبه شوي ويطير من مكانه
سديم خرجت له : خير يالحبيب داخل غرفتك انت ؟
عبدالعزيز بأحراج : والله اني نسيت انها موجوده
سديم وهي تضحك : هههه نفس رد محمد يوم دخل على ليلى وش فيكم انتم؟ والله ماصار مطبخ
عبدالعزيز وهو يدق راسها : اقول اعقلي بس ها لسانك طايل هالفترة
عند نجمة الي وجهها حمر وهي تقول في نفسها ( اف يالموقف )
نور وهي تضحك : هههههههه والله وجهك يضحك وش عندك استحيتي ههههههههههههه
نجمة خرجت وجلست مع ام سيف
بعد الظهر عبدالعزيز ومصعب ونجمة
مصعب : اخخ بروح ادور على اقوى محامي في الرياض
عبدالعزيز : افا تدور على محامي قوي وانا موجود
نجمة بصدمه ( لا تكفى لا ما ابيك )
مصعب : اوه صح انت محامي اجل كويس اختصرت الوقت هههههههه
عبدالعزيز : اجل خلنا نروح لمكتبي ونبداء
راحو للمكتب
عبدالعزيز لمصعب : يا خوي معليش بس لازم هي لوحدها
مصعب : ياولد لا تلف وتدور قول اني مطرود وبس
عبدالعزيز: اجل قفل الباب وراك
مصعب بضحك : الله يعين بس
خرج مصعب
وبقى عبدالعزيز و نجمة في المكتب
عبدالعزيز وهو متوتر : اسف على الي صار اليوم الصباح نسيت انك وموجودة
ماردت نجمة
عبدالعزيز وهو يتأمل عينها حس على نفسه وتنحنح : المهم ذا مو موضوعنا ابيك تقولينلي الي صار من اول ما دخلتي لبيت الوصخ لين ما نور جاتك
نجمة كانت متوترة من عبدالعزيز بس تشجعت وقالت له كل الي صارت
عبدالعزيز بغضب : شهرين لا بارك الله فيه وهو يسوي كل ذا شهريننن
عبدالعزيز وهو يناظر في عيون نجمة : ابو حمد نقدر نتهمه بالضرب و الحبس والتهديد و الصرقة وحمد نقدر نتهمه بالتحرش وانه يسكريعني وحمد تقريباً ينسجن 6 سنوات
و ابو حمد يتغرم و ينسجن شهرين
نجمة وهي مستحية : شكرا عبدالعزيز
عبدالعزيز وهو يناظرها بحب ويتأمل عيونها الي حتى بالنقاب جميلة : اسمعي يا نجمة ابيك في موضوع بعيد عن كل هالمواضيع
نجمة وهي خايفة : تفضل
عبدالعزيز وهو متوتر : اعرف ان مو وقته ابد بس يانجمة انا..... قاطع كلامه دخول مصعب
مصعب : ساعه كامله عشان تتكلم !!
نجمة تبي تسمع كلام عبدالعزيز: ماخلصنا
عبدالعزيز: اعطينا عشر دقايق بس نبي نتأكد من كل شي
مصعب : لا دقيقه ولا دقيقتين بسرعه اتصلو مركز الشرطه
عبدالعزيز وقف : وش يقولو
مصعب : نروح ونفهم