اكتبو رأيكم في الرواية اكملها او لا ؟
مر أسبوع على عبدالعزيز في المستشفى
وكان اسبوع كئيب على بيت ابو سيف
في بيت مصعب في الصالة
مصعب : دام كلنا مجتمعين هنا عندي لكم خبر
نجمة : وش
مصعب: قررت اتزوج ولقيت العروسة
وسيم ونجمة : مبروووك ماشاءالله
نجمة : مين المحظوظة ؟
مصعب: نور
نجمة بفرحة : اخت عبدالعزيز !
مصعب : ايه
نجمة وهي تضربه بمزح : والله وتعرف تختار يامصعووب
وسيم : زين اجل متى نخطب لك ؟
مصعب: نستنى لين تهدء الاوضاع عندهم ، لان نفسيتهم تعبانه بعد مادخل عبدالعزيز غيبوبة
نجمة بصدمة وخوف : دخل غيبوبة؟ ليه وش فيه وش صار
مصعب : صار له حادث و اثر على راسه شوي
نجمة وعيونها مليانة دموع : طيب قم وصلني لبيتهم
وسيم: خير ؟ اجلسي بس الناس مو فايقين لك
مصعب: لا احسن تروح لهم وانا بروح اسلم على سيف ، قومي اجهزي
لبست نجمة بسرعه وخرجو لبيت ابو سيف
وصلو و دخلت نجمة عليهم
نجمة : السلام عليكم
الكل: عليكم السلام
سلمو على نجمة وجلست
ام سيف : كيفك يا بنيتي وكيف اخوانك
نجمة : الحمدلله كلنا بخير ، وانتي كيفك يا خالة وكيف عبدالعزيز
ام سيف وهي تتنهد : الحمدلله على كل حال يابنيتي
في المستشفى واخيرا عبدالعزيز صحى من الغيبوبة وكان محمد عنده
فز محمد وهو يسمع عبدالعزيز يتألم
محمد بفرحة : عبدالعزيز اخيرا
عبدالعزيز بصوت تعبان: نجمة لاتروح تكفى
محمد وهو يحضنه : مابتروح والله لا اوقف بوجه الكل واحاربهم بس لا اشوف تعبك يا عضيدي
عبدالعزيز : وش صار لي انا
محمد وهو يقول له وش صار
عبدالعزيز : اخخ يا ابوي اخخخ
محمد : خليني اتصل ابلغ امي
اتصل محمد على امه : الو يوليدي
محمد بفرحة: ابشرك يمه عبدالعزيز قام يامي
ام سيف من الفرحة وقفت: احلفك بالله يمحمد!
محمد : ايه والله
ام سيف وهي تبكي : يلا يلا الحين نجيكم
قفلت ام سيف وهي تبكي: يبنات ابشركم ابشركم قام عبدالعزيز قام
نجمة الي وقفت بفرحه : صدق يا خاله !!!
نور اكتفت بأنها تبكي وتحضن سديم
سديم : الحمدلله الحمدلله
بسمه الي حضنت امها وهي تبكي : الحمدلله يمه الحمدلله
وقف سيف عند الباب على صراخهم : وش فيه
سديم وهي تركض له وعيونها مليانه دموع :
قام عبدالعزيز
سيف وهو يمسك وجهها بصدمة : حلفتك بالله
سديم وهي تحضنه وتبكي : ايه والله قااام قاام
سيف : يلا يلا ببلغ ابوي وانتم اجهزو بنروح له
بلغ سيف ابوه و مصعب الي كانو في المجلس و الكل فرح و توجهو للمستشفى
دخل ابو سيف وام سيف وسيف و البنات لغرفة عبدالعزيز ونجمة ومصعب ينتظرون برا
ام سيف وهي تركض لعبدالعزيز: كيفك يامي
عبدالعزيز بصوت تعبان : الحمدلله بخير
سديم حضنت عبدالعزيز وهي تبكي : تكفى لا عاد يصير لك شي والله ماقدر على بعدك
عبدالعزيز وهو يضحك : افاا وانا الي اقول سديم هي القويه في النهايه تبكين افااا
بسمة ونور حضنوه وهم يتحمدون له بالسلامه
سيف تقدم وهو يحضنه بالقوة وصوته فيه غصه: اخخ يا عضيدي والله خوفتني عليك خفت افقدك يولد
عبدالعزيز : حبيبي والله يالسند الله لايذوقك فقدي يارب
ابو سيف كان واقف عند الباب
لف عليه عبدالعزيز بضيق : يبه مابتجي تسلم علي؟
ابو سيف جاء سلم له واتحمد له بالسلامة
عبدالعزيز وهو يعدل جلسته : يبه طالبك يا يبه ابي..... قاطعه ابو سيف : عبدالعزيز مو وقت الموضوع
صد عبدالعزيز للجهة الثانية وهو مقطب حواجبه
وخرج الكل وبقي سيف ومحمد
دخل مصعب يسلم على عبدالعزيز ونور واقفة عند باب الغرفة
تغيرت ملامح عبدالعزيز اول ماشافها و ابتسم
نجمة : الحمدلله على سلامتك عبدالعزيز ماتشوف شر
عبدالعزيز وهو يناظرها ويشوف دموعها المتجمعة في عيونها: الله يسلمك يارب والشر مايجيك ان شاء الله
بعد شوي رجع الكل لبيته و جلس سيف مرافق مع عبدالعزيز
عبدالعزيز بضيق : وش اسوي الحين مع ابوي ؟
سيف : قول له وبيقتنع ان شاء الله
عبدالعزيز : خايف نجمة توافق على الي تقدم لها
سيف : انت اهبل مو تقول اعترفت لها ؟
عبدالعزيز: ايه بس خايف
سيف وهو يضرب راسة : اقول اهجد بس
عبدالعزيز وهو يعدل جلسته : يا ولد ابي اخرج
سيف وهو يهبده ثاني : لا صدق مهبول وين تروح وانت كذا
عبدالعزيز : وين يعني البيت
سيف : اقول بس ارقد
عبدالعزيز مسك جواله واتصل على محمد
محمد : هلا عزوز
عبدالعزيز: يولد ابي اخرج تساعدني ؟
محمد : اهجد بس
عبدالعزيز: تكفى يابو عز
محمد : والله انك تبشرررر
عبدالعزيز: كفووو والله اني داري انك كفوو
أنت تقرأ
يا نجمة الليل العزيز
Romanceتحكي القصة عن بطلتنا نجمة التي تواجه احداث محزنة في حياتها بعد ان كانت حياتها مليئة بالفرح وتذهب بها الحياة لتتعرف على بطلنا عبدالعزيز الكاتبة : فاطمة . اول رواية لي❤️
