يا نجمة الليل العزيز

P22

رجعت بسمة لنجمه ووجهها ما يطمن
نجمة وهي خايفة: وش فيه وجهك
بسمه جلست ومسكت يد نجمة : حبيبتي نجمة اهدئي شوي
نجمه فزت بخوف : عبدالعزيز ! عبدالعزيز فيه شي؟
بسمه : في رجال طلق على عبدالعزيز واخذوه للمستشفى
نجمة وهي تبكي.: لا تكفين لا
بسمه حضنتها وهي تبكي
نجمة : الله يخليك خلينا نروح له تكفين
بسمة :تمام استني اجيب عبايتي
خرجو بسمة و نجمة لمطلق الي كان جالس عند الباب
بسمه : مطلق تكفى وصلنا للمستشفى
مطلق : تمام انتظرو اقرب السيارة

وصل محمد و وسيم وابو سيف للمستشفى
وينتظرو عند غرفه العمليات
خرج الدكتور بعد نص ساعه
محمد : بشر وش صار له يا دكتور
الدكتور: المريض فقد دم مرا كثير نحتاج دم فصيلة o-
محمد مسك راسه : من وين نلاقي احد فصيلة دمهo-

وصلو بسمة و نجمة ومطلق
نجمة ركضت للدكتور وهي تبكي: وش صار له يا دكتور
الدكتور : المريض فقد دم مرا كثير نحتاج دم فصيلة o-
نجمة : انا انا دمي o-
الدكتور : تعالي معي طيب
راحت نجمه مع الدكتور وسحبو منها دم ومن خوفها على عبدالعزيز ماحست بالألم
الدكتوره بعد ما خلصت : خذي ذا العصير واشربيه
اخذت العصير نجمة وخرجت عند بسمه
وبعد ساعة خرج الدكتور والكل تجمع عنده
ابو سيف : ها بشر
الدكتور : عضم الله اجركم
نجمة وهي منهارة : لا لا مستحيل مستحيل
محمد مسك راسه وانهار في الزاوية
ومطلق كان يبكي ويهدء بسمة الي كانت منهارة
وابو سيف كان يبكي ويقول : راح ولدي رااااح
وسيم وقف مكانه والدموع تنزل من عينه وهو يتذكر موقف فقد اهله ومايبي نجمه تمر فيه مرتين كانت الصدمة عليهم صعبة جداً بالذات نجمة
الي ماقدرت تستحمل واغمى عليها
الدكتور : مين يبي يشوفه
محمد استجمع نفسه ومسح دموعه : انا
اخذ الدكتور محمد وراحو لثلاجة الموتى
دخل محمد والدكتور شال الغطى عن الميت
محمد : ذا مو عبدالعزيز
الدكتور : كيف مو ذا؟
محمد : مريضنا عبدالعزيز بن عبدالله
الدكتور اكتشف انه جاب العيد : عبدالعزيز بن عبدالله بخير الحمدلله عدى مرحلة الخطر
محمد سجد يشكر الله : الحمدلله ياااربببب الحمدلله
خرج محمد وهو منهار : عبدالعزيز عايش ما مات عااايش
ابو سيف : وش تقول انت
الدكتور : اعتذر منكم بس صارت لخبطة بين اسمين و ولدكم بخير الحمدلله تقدرو تشوفوه في الغرفة الثانيه ، وارجع اعتذر على الغلط
نجمة حضنت بسمة وانهارو
نجمة: الحمدلله يارب الحمدلله
وسيم جلس وشكر ربه ان عبدالعزيز ما مات
راحو عند عبدالعزيز الي كان صاحي ويتألم
دخلو ابو سيف و نجمة وبسمة
ومطلق و محمد و وسيم برا ينتظروهم
ركضت نجمة لعبدالعزيز وحضنته وهي تبكي والكحل ذايب على وجهها : كنت خايفة تروح منييي ياعبدالعزيز واعيش فقدي مرة ثانية والله كنت خايفة
عبدالعزيز ابتسم وشد عليها : لا تبكين يعيون عبدالعزيز الحمدلله مافيني شي هذا انا قدامك يروحي ومافيني الا العافية
بعدت نجمة تمسح دموعها و بسمه حضنت عبدالعزيز وتحمدة له بالسلامه
ابو سيف : الحمدلله على سلامتك يا ولدي خوفتنا عليك
عبدالعزيز: الله يسلمك يبه
خرجو البنات ودخلو العيال
محمد حضن عبدالعزيز وانهار : اخخ عبدالعزيز لو تدري وش صار بس اخخخ
عبدالعزيز : وش صار
محمد : (قال له الي صار في المستشفى)
عبدالعزيز : يوووه عاد نجمة اكيد انهارت
وسيم : شايل هم نجمة واحنا بالطقاق
عبدالعزيز : مين الي طلق النار ؟
وسيم نزل راسه : ابو حمد
عبدالعزيز فز بغضب : وشو ؟ وش جابه ذا !
مطلق رجع عبدالعزيز ومسكه : والله ما ادري بس لحقوه سيف ووسيم وجو الشرطة اخذوه للمركز
عبدالعزيز بغضب : والله اني ما اتركه والله لا يندم
محمد : انا بخرج اكلم سيف وابشره وانت اهدء
مطلق : مين بيرافق معك ؟
عبدالعزيز: زوجتي
وسيم: اقول اثقل بس وخلها ترتاح تعبت اليوم
عبدالعزيز: اصلاً ماني مطول بكرا ان شاء لله بطلع
مطلق ضربه على راسه : انت غبي انت ؟ اقول اعقل واجلس
عبدالعزيز : يولد وش اسوي هنا ؟ الجرح كذا ولا كذا بيتعافى ان شاءالله
دخل محمد وقال : يعيال سيف يقول لكم ارجعو عشان ترجعو الاهل ، وخذو معكم زوجة عبدالعزيز و بسمة
عبدالعزيز : لا نجمة ترافق معي
محمد : اقول تقلع بس لاحق عليها خلها تريح تعبت اليوم
خرجو العيال وجلس محمد عند عبدالعزيز

في بيت ابو سيف
دخلو نجمة و بسمه للبيت
ام سيف: نجومه امي ليه جايه ؟مو المفروض انكم بالفندق
نجمة جلست ومسكت يد ام سيف : ياخاله بقولك شي بس لاتخافي
ام سيف بخوف وهي تشد على يد نجمة: لاتقولي عبدالعزيز فيه شي !
نجمة : عبدالعزيز تصاوب بس هو بخير الحمدلله
ام سيف وهي تبكي : يمه ولدي ودوني له
سديم بخوف : تكفين ماصار له شي
نجمة وهي تحضن ام سيف : لا مافيه شي الحمدلله بخير و محمد مرافق معه
ام سيف : اتصلي عليه يا نجمة ابي اتطمن عليه
طلعت نجمة جوالها واتصلت على عبدالعزيز
عبدالعزيز: الو نجمت قلبي
نجمة : هلا فيك ، عبدالعزيز امك تبي تكلمك
ام سيف وهي تبكي : عبدالعزيز فيك شي يا امي؟
عبدالعزيز : لا الحمدلله مافيني شي يمه انا بخير
ام سيف : مين الي طلق عليك مين
عبدالعزيز : واحد ، بس مسكوه الشرطة
ام سيف : حسبي الله عليه حسبي الله عليه
عبدالعزيز: يلا امي انتي ريحي نفسك وانا ان شاءالله بكره اجيك