رجعو مصعب ووسيم ونجمة لحايل عشان يجهزو للفرح ، وسيف وبتول وملك رجعو لحايل عشان الدوامات
بعد اربع اسابيع كانت جميله على الكل
محمد وليلى الي جاهم ولد وسموه عز و الكل كان مبسوط بأول حفيد ولد بالذات عبدالعزيز لانه سماه ومحمد كان طاااير في ولده
و نور كانت تجهز للزواج هي وسديم وام سيف وكل يوم رايحين للسوق
وبسمة تتصل تساعد نجمة في تجهيزاتها
و عبدالعزيز الي كان يجهز جناحه في بيت ابوه بكل حب وهو شوي ويطير من الفرحة
وعند مصعب الي كان حايس في موضوع البيت مع سيف
و وسيم طول وقته في السوق مع نجمة
ونجمة من يوم خطبها عبدالعزيز والابتسامه ما فارقت وجهها وكانت تجهز لحياتها الجديدة مع عبدالعزيز بكل حب وحماس
واخيراً بقى ثلاث ايام على العرس
في بيت ابو سيف :
عبدالعزيز كان جالس عند عز و يلعبه
محمد اخذ عز من عنده : اتركه يا ولد طفشته
عبدالعزيز وقف وسحب عز : اقول لا تنسى اني عمه
محمد : وانا ولد الجيران ؟
قرب محمد عند اذن عبدالعزيز وصرخ : انا ابوووه ابووووه يالفاهي
عبدالعزيز ضرب محمد على راسه واخذ عز : اقول بعد وعطني الولد
بكى عز و محمد وعبدالعزيز يتهاوشون عليه
جات سديم وهي تركض واخذت عز من عندهم : حسبي الله على ابليسكم يالمبزره بكيتو الولد وامه نايمه
محمد وهو يضرب عبدالعزيز على راسه : شفت يا ثور قلت لك عطني ياه
عبدالعزيز رجع له الضربه : كان ساكت عندي لين شاف وجهك يا معفن
ام سيف : بس انت وياه اعقلو واحد صار اب والثاني زواجه بعد بكرا و عقولهم عقول بزران
عبدالعزيز: انا الحمدلله عقلت بس ما اقول الا الله يخلف على عز
قاطع الهواش دخول سيف واهله
ملك راحت تحضن عبدالعزيز: عموو عزوز العريسسس
عبدالعزيز وهو يرفعها لفوق : هذي حبيبة القلب والله حبيبة عمها
سلمو البنات على بتول و جلسو كلهم في الصالة مع سيف ومحمد و عبدالعزيز
بتول : ابشركم انا حامل
الكل : ماشاءالله ماشاءالله الله يتمم لك يارب
عبدالعزيز لسيف : اذا ولد سميه ن.....
قاطعه محمد : اقول اسكت بس انت سميت عز دوري اسمي ولد سيف
سيف : لا انت ولا هو امه بتسميه ان شاء لله
عبدالعزيز: افا يا سيف انا اخوك
سيف: تسمي ولدك ان شاء الله
جو بيت العم ابو مطلق والكل قام يسلم عليهم ويستقبلهم
في مجلس الرجال عبدالعزيز كان يصب القهوه :
ابو مطلق : يا اخوي ابو سيف جايك اليوم طالبك وان شاء الله ما تردني
ابو سيف : اذا اقدر عليه ابشر بعزك
ابو مطلق : ابي بنتنا بسمة لولدك مطلق على سنة الله ورسوله
ابو سيف: هذي الساعة المباركة والله و مطلق ولدنا ونعرف اخلاقه ، قم عبدالعزيز شاور اختك
عبدالعزيز عند الباب : بسمة تعالي مع امي
بسمه مع امها : هلا
عبدالعزيز: ابشرك بتذلفين من البيت
ام سيف وهي تضرب كتفه : وش تقول انت
عبدالعزيز: مطلق متقدم لها
بسمه نزلت وجهها وهي مستحيه
عبدالعزيز: ها وش تقولين
ام سيف لبسمة : والله مطلق رجال و محترم انا اشوف وافقي
بسمه : الي تبوه ، انتم ادرى بمصلحتي
عبدالعزيز وهو يضرب راسها : القرار قرارك وش دخلنا ؟ ايه ولا لا القرار بسرعه
ام سيف وهي تضرب يد عبدالعزيز: لا تمد يدك على اختك
عبدالعزيز باس راسها : ابشري يالغالية
بسمه تكلمت بخجل : ايه
عبدالعزيز حضنها : اجل الله يتمم لك على خير
راح عبدالعزيز يبشر الي بالمجلس : ابشركم وبسمة موافقة
الكل : الله يتمم على خير يارب
ابو سيف : اجل خلاص ان شاء لله يكتب كتابه مع مصعب وعبدالعزيز بعد بكرا و الفرح اليوم الي تبونه
مطلق : ان شاء لله
وصل مصعب بيت ابو سيف وسلم على الموجودين
مصعب : يلا يولد انت وياه قومو
ابو سيف : وين توك داخل
مصعب: والله رايحين نكمل التجهيزات
ابو سيف: الله معكم
خرجو سيف و عبدالعزيز ومصعب وتوجهو لسوق البشوت
عبدالعزيز: تصدقون ما ابي بشت اسود
سيف ؛ وش الي ماتبي بشت اسود معروف ان العريس مميز بالبشت الاسود
مصعب: اقول خذ الاسود وانت ساكت
عبدالعزيز بعناد : اجل بأخذ البيج ووووه يا زينه
سيف رمى عليه البشت الاسود: اعقل بس وخذ الاسود
عبدالعزيز رجعه لسيف : اقول خله معك وتقلع مالك دخل ابي البيج
مصعب: الله يعين مزوجين اكثر اثنين عنيدين
عبدالعزيز وهو يضحك : يازين العناد بس
سيف بغمزه لعبدالعزيز: يازين العناد ولا يا زين نجمة
عبدالعزيز ضربه : وش تبي انت ! اعقل بس
كملو سوالفهم و طقطقتهم وهم يقيسو البشت و عبدالعزيز مصر و صامل ما ياخذ بشت اسود
أنت تقرأ
يا نجمة الليل العزيز
Romanceتحكي القصة عن بطلتنا نجمة التي تواجه احداث محزنة في حياتها بعد ان كانت حياتها مليئة بالفرح وتذهب بها الحياة لتتعرف على بطلنا عبدالعزيز الكاتبة : فاطمة . اول رواية لي❤️
