يا نجمة الليل العزيز

P18

طلع ابو سيف لعبدالعزيز ووقف عند باب الغرفة
ابو سيف: عبدالعزيز
عبدالعزيز يمثل انه نايم
ابو سيف : خلاص راح اخطب لك نجمة
عبدالعزيز فز وعدل جلسته : من جدك يبه !
ابو سيف ضحك وراح يضمه : ايه يا ابوي ايه
عبدالعزيز بادله الحضن : تكفى يبه متى بنخطب
ابو سيف : وراك خفيف انت ، اثقل وبعدها نخطب لك
عبدالعزيز ضحك : ماعليك الثقل يجي مع الوقت بس متى بنخطب ؟
ابو سيف : خلاص بكرة ان شاء الله دامك بخير
ومافيك شي

نزل عبدالعزيز لاهله والابتسامة شاقة وجهه
: ابشركم خلاص باخذ غاية قلبي
سديم وهي تحضنه : صارت حرب قبل شوي الله لا يعيدها
عبدالعزيز جلس : وش صار
بسمه : ابد يا طويل العمر امك قالت لابوك لو ما زوجته نجمة طلقني وابوك مايقدر على فرقى امي
عبدالعزيز وعيونه شويه وتطلع : وش ذا يالام البطلة ، ليه المخاطرة ذي
ام سيف : والله يا عبدالعزيز مايطاوعني قلبي اشوفكم ضايقين
عبدالعزيز وقف وباس راس امه : يارب لا تحرمني منها يارب حلوة اللبن
لف عبدالعزيز على نور الي كانت في الزاوية وتفكر : وش تفكر فيه العروسه
نور بخجل : ولا شي
عبدالعزيز : ترا مصعب رجال وكفو لا تخافين انتي استخيري و قولي لنا ردك
كان يوم جميل على بيت ابو سيف وخصوصاً عبدالعزيز
اليوم الثاني صحى عبدالعزيز
نزل الصالة وأبتسامته شاقه وجهه
بسمة : الله يديم الضحكه
عبدالعزيز وهو يبوس راسه : ياعيوني انتي
سديم : والله النجمة بتاخذ الدلع مننا
عبدالعزيز باسها على خدها : ارتاحي محد ياخذ مكانكم
سيف : وينها نور
نور جاته وهي مستحيه : هلا
سيف : موافقة على مصعب ؟
نور بإحراج : ايه
عبدالعزيز : تصدق اول مرا اشوفها مستحية وهادئة
سديم : هههههه يزينها وهي مستحيه بس بدال ما تهاوش وتتضارب
سيف : اجل الله يتمم لك ياخيتي
طلع عبدالعزيز وتجهز وحركو هو واهله لبيت مصعب
وصلو ورحب فيهم وسيم : ياهلا بأبو سيف واولاده اقلطو يلا حيهم
عبدالعزيز: الله يسلمك
جلسو في المجلس ودخلو الحريم عند نجمة في الصالة
في المجلس عند الرجال وسيم كان يصب لهم القهوة
ابو سيف : يا ولدي يا مصعب جايك وانا عندي لك بشارة وطلب
مصعب : سم يا عم
ابو سيف: سم الله عدوك ، البشارة نور وافقت عليك والله يكتب الي فيه الخير ويتمم لكم يارب
الكل : امين يارب
مصعب : امين يارب ، والطلب
ابو سيف: جايك وطامع بنسبكم ونبي اختك نجمة لولدي عبدالعزيز
مصعب بأبتسامه : والله هذي الساعه المباركة وعبدالعزيز عارف باخلاقه ورجال قد الثقه ، انا ماعندي مشكله بس اشوف راي نجمة
ابو سيف: خذ راحتك
عبدالعزيز بهمس لمصعب : موافقه مو لازم تسأل
مصعب وهو يقرصه : ترا بنهون يولد
عبدالعزيز : لا تنسى انك نسيبنا ، تهون انت نحنا بنهون
مصعب : كذا نظامك يالوصخ هههههه
راح وسيم يشاور نجمة : عبدالعزيز متقدم لك
نجمة تمثل الصدمة: عبدالعزيز ماغيره الي نعرفه المحامي!
وسيم : ايه يعني كم عبدالعزيز نعرف
نجمة بأبتسامه : موافقه
وسيم ضربها على راسها : اثقلي و استحي شوي
نجمة : وش اسوي ؟ قلت موافقه
وسيم باس راسها : ربي يتمم لك يارب
راح وسيم ودخل المجلس : اجل البشارة الثانيه نجمة موافقة
الكل : مبروك مبرووك
عبدالعزيز : اجل كتب الكتاب و الزواج بيوم واحد
ابو سيف اعطى عبدالعزيز النظرة وعبدالعزيز قمط
سيف بهمس : اثقل لا يكفخك ابوي
ابو سيف: زي ماقال عبدالعزيز الزواج و كتب الكتاب في يوم واحد و بعد شهر ان شاء الله
مصعب: اجل مرة وحده زواجي وزواج عبدالعزيز مع بعض
عبدالعزيز: والله فكرة حلوة
ابو سيف: اجل الله يتمم على خير