يا نجمة الليل العزيز

P23

اليوم الثاني طلع عبدالعزيز من المستشفى

وراح لبيتهم
ام سيف حضنت عبدالعزيز : ياهلا بعبدالعزيز يا هلا
سديم : الحمدلله على سلامتك
سيف : الحمدلله على سلامتك يا عضيدي
عبدالعزيز: الله يسلمكم
ملك جات لعبدالعزيز وهي تركض وحضنته : عمو وش فيك
عبدالعزيز باسها على خدها : يروح عمو بس تعبان شوي
ملك بهمس: بابا امس بكي عشان انت تعبان
عبدالعزيز ضحك
محمد : امس بداية اليوم كل شي حلو بس نهاية اليوم الله لا يعيدها
الكل : امين
محمد قال لهم الي صار في المستشفى
سديم قامت وحضنت عبدالعزيز وهي تبكي : عبدالعزيز حضنها وهو يضحك : ههههههه انا قدامك ليه تبكين ؟
سديم : خفت انك تروح
عبدالعزيز: لا تخافين بنشب بحلقك
بعد ما خلصو من السوالف
عبدالعزيز: يلا انا استأذنكم بروح اريح
الكل : الله معك
نجمة قامت وساعدت عبدالعزيز لين وصلو جناحهم وجلسو
عبدالعزيز: اعتذر خربت ليلة عمرنا
نجمة وهي تعدل له المخدة : خل كل شي يخرب اهم شي تكون انت بخير
جلست وحطت راسها على صدره : خفت انك تروح مني مثل امي و ابوي
عبدالعزيز وهو يلعب بوصله من شعرها : الله يرحمهم
نجمة : ، مين الي طلق عليك؟
عبدالعزيز: واحد بس مسكوه الشرطة
نجمة : مين هو تعرفه؟
عبدالعزيز: بيننا عداوه
نجمة : وش سبب العداوة؟
عبدالعزيز توتر : نجمة تحقيق ؟ هذاني قدامك بخير خلاص حبيبتي
( ماكان عبدالعزيز يبي يقولها ان عمها طلق عليه عشان لا تضيق اكثر )
رفعت نجمة راسها من صدره وجلست بضيق : تمام
عبدالعزيز عدل جلسته ومسك وجهها : لا يكون نجمتي زعلت مني ؟
نجمة لفت وجها للجهة الثانيه : شوي
باسها عبدالعزيز على جبينها : حتى لو قلتلك وش بتستفيدي الي صار صار وانتهى ، وبعدين وش ذا حتى وانتي زعلانه حلوه !
نجمة نزلت راسها بخجل
عبدالعزيز : يازينك وانتي خجلانه هههههههه

اليوم الثاني راح عبدالعزيز و سيف لمركز الشرطة ورفعو قضية محاولة قتل على العم ابوحمد

بعد اربع ايام
في بيت ابو سيف بعد ما الكل تطمن على عبدالعزيز رجعو لمدنهم وبقى ابو سيف و ام سيف و سديم وبسمة وعبدالعزيز ونجمة
بسمة : يمه متى بجّهز لعرسي؟
عبدالعزيز: وش فيك مستعجلة انتي ؟
بسمة بإنحراج : مو مستعجلة بس في اشياء كثيرة نجهزها و باقي شهر على العرس
عبدالعزيز وقف يبي يطلع: الله يعينكم انا تعبان شوفو محمد يوصلكم
سديم: انا قايلة ما منك فايده
طلع عبدالعزيز لجناحه و رقد على الكنبة
وطلعت بعده نجمة : حبيبي فيك شي ؟
عبدالعزيز: لا بس افكر في سهم
نجمة جلست جنبه : ايه يازينه ، خلنا نروح له تكفى
عبدالعزيز ضحك : هههه تكفى مضيعه علومي من يوم قلتي تكفى عبدالعزيز
نجمة : وانت ليه تخليه يركض ولله قلبي طاح
عبدالعزيز وهو يبوس خدها : بسم الله على قلبك ، قومي البسي نروح المزرعة
لبست نجمة و توجهو للمزرعة
في المزرعة :
عبدالعزيز كان يلعب بشعر سهم ويحضنه: ولله اشتقت لك يووووه ابطيت عنك مرا
نجمة وقفت عنده ومسكت ذراعه : واضح انك تحبه مرا
عبدالعزيز ناظرها وابتسم : كان معي من يوم عمره ثلاث سنوات اخذته و كبرته ودربته لين صار عمره 14 سنة وتعلقت فيه و تعلق فيني لدرجه بعض احيان انام في المزرعه عشانه
نجمة : عاد يحق لك ماشاءالله سهم جميل ( سهم كان خيل عربي لونه بني و شعره اسود وعيونه وسيعه وفي جبهته بقعه بيضة)
نجمه ناظرت عبدالعزيز: ابي اركبه بس تكفى لا تخليه يركض
عبدالعزيز حضنها بقوة وهو يبوس راسها: لاتقولين تكفى قلبي مايتحمل
نجمة بعناد : تكفى تكفى تكفى تكفى تك....
عبدالعزيز حط يده على فمها وقرب وجهه لوجها: نجمة ليه العناد ؟ ، تمام يلا تعالي
عبدالعزيز ساعد نجمة عشان تركب الخيل
ومسك حبله وبدأ يمشيه بشويش
نجمة تبي تقهر عبدالعزيز: هههه تحزن ماتقدر تركبه
عبدالعزيز بطرف عين : عشاني متصاوب كلها اسبوع اسبوعين يتعافى الجرح وماتشوفيني عندك
نجمة : والله ما اتركك رجلي على رجلك ، وخلاص اشيائك اشيائي و سهم صار لي
عبدالعزيز ابتسم : كل اشيائي لك حتى قلبي بس سهم لااا
نجمة : ليه ؟
عبدالعزيز مسك وجه سهم : سهم غير عن كل اشيائي
نجمة قربت عند اذن سهم : والله يسهم انه يكذب مايحبك
عبدالعزيز وقف و ترك الحبل : اخليه يركض ؟
نجمة بخوف : لا عبدالعزيز الله يخليك
عبدالعزيز مسك يدها ونزلها : لازم اعلمك تصيرين شجاعه زيي