يا نجمة الليل العزيز

P14

وصلو الثلاثي لمركز الشرطة دخلو وشافو حمد وابو حمد
عبدالعزيز ماقدر يمسك نفسه يوم شاف حمد تذكر انه تحرش في نجمة وراح وهو مسرع وعطاه كف وبدأ يضربه
مصعب بالقوه بعد عبدالعزيز عن حمد : خلاص ياخوي ابعد لا تدخل في مشكلة
عبدالعزيز وهو يتنفس بسرعه وبقهر : اهخ يا مصعب مو قادرررر مو قادر والله لو تركتني بنهي حياته
مصعب بضحك : ههههه انا اخوها وما سويت الي انت سويته
نجمة كانت واقفه في مكانها ومفتخرة من عبدالعزيز الي طلع حرته في حمد

بعد يومين جاء موعد المحكمة
وبعد اسبوع
و انحكم على ابو حمد سجن ثلاث شهور وغرامة 250 الف
و حمد انحكم عليه سجن 5 سنوات
خرجو عبدالعزيز و مصعب و وسيم و نجمة ومحمد وسيف من المحكمة
مصعب وهو يحضن عبدالعزيز : شكراً يا اخوي والله ماقصرت و جزاك الله خيررررر
عبدالعزيز وهو يبادله الحضن : لا ياخوي ما بيننا وانا سويت الي علي
جاء وسيم وهو يحضنه و يضحك : والله على الانفعالات الي صار حسيت انها اختك، بس والله
ماقصرت يا حب وربي يوفقك
عبدالعزيز : لاتحس تأكد وذا واجبنا يولد
نجمة بصوتها الناعم : شكرا يا عبدالعزيز ماراح انسى وقفتك معي
عبدالعزيز وهو صاد وقلبه شوي ويطير من الفرحة : العفو
مصعب ووسيم ونجمة راحو لسيارتهم
و عبدالعزيز و محمد و سيف راحو لسيارتهم
وعبدالعزيز من سمع صوت نجمه وهو مبتسم
محمد : عبدالعزيز عرفنا ان عندك سنون اعقل بس
سيف : وش فيك انت سنونك طالعه
عبدالعزيز يسمعهم بس عقله وقلبه مع نجمة وكلامها معه
محمد وهو يضرب رقبته : الخفيف يحب نجمة
سيف لف على عبدالعزيز: صدق الي يقوله ؟
عبدالعزيز وهو بنفس ابتسامته من دخل السياره :ايه
سيف وهو يضربه على كتفه : حركات والله ابو العزززز
بعد اسبوع  عبدالعزيز عزم مصعب واهله للمزرعة
الظهر في بيت ابو سيف
عبدالعزيز عند باب البيت بصراخ : يلااا ابطيتو
سديم وهي تركض ومعها ملك
عبدالعزيز: والله انا اعذر ملك صغيره لاكن الشقى و البقى على الكبير
سديم بطرف عين : وش تبي انت بس
عبدالعزيز بهمس : طيب كلي تبن واركبي السيارة
ركبو توجهو للمزرعه وبدؤ يجهزو
و عبدالعزيز كان راكب خيله سهم مع ملك
وبعد شوي وصل مصعب واهله
دخل مصعب وشاف عبدالعزيز ؛ خيااال
نجمة كانت تتأمل عبدالعزيز وهو حاضن ملك  وكان شكله يفتح النفس وهو راكب الخيل
نجمة بهمس لمصعب : تكفى يا مصعب ودي اركب فيه
مصعب: وش تركبين فيه اعقلي بس
نجمة وهي تتمسك في ذراعه : الله يخليك اركب معك
مصعب: تمام ، اقول عبدالعزيز نجمة ودها تركب فيه
عبدالعزيز وقفل الخيل ناظر فيها : تبشر النجمة
ركب مصعب سهم و ركبت معه نجمة وبدء يمشي بشويش
نور جات عند الباب : الله نجمة خيالة
عبدالعزيز اشر لسهم يجري و جري سهم ونجمة بدأت تصرخ : مصععببب وقف يا مصعببب
مصعب بضحك وهو يشد على نجمة : مالي دخل ذا عبدالعزيز
نجمة وهي تصرخ : تكفى يا عبدالعزيز وفقه
تكفىى
عبدالعزيز ماقدر يقاوم وهي تقول تكفى واشر لسهم يوقف
وقف سهم ونجمة دموعها كانت على خدها
نزلت وقالت : الله يسامحك ياعبدالعزيز طيرت قلبي
عبدالعزيز قلبه شوي ويطير : ههههه اسف والله وش نسوي  اذا انتي خوافة ، المفروض تكوني قد كلمتك
وسيم لعبدالعزيز : ماشاءالله وش ذي الميانة
نجمة لنور : والله يا نور انخرشت  هههههههههه
مصعب ناظر نور وتذكر الموقف الي صار بينهم وصد بهمس :وش يرجع ينسيني شكلها الحين
نجمة و نور توجهو للقسم الثاني وكانو يضحكو وقفت ام سيف ترحب وتسلم على نجمة
وبدات السوالف والوناسة