يا نجمة الليل العزيز

P3

في بيت ابو سيف وصل سيف و دخل البيت :
يا أهل البيت
بسمه وهي رايحة تحضنه: يا هلا بالسيف والله تو مانور البيت
سيف : هلا ببسمة هلا
ملك وهي تنطط : عمة بسمة اشتقت لك
سديم وهي تركض وتحضن بتول : يا هلا ببتول ياهلا ويا مرحبا
بتول : اهلين فيكي يروحي
سيف بمزح: الحين انتي ما تستحين اخوك الكبير واقف قدامك ما تسلمين عليه
سديم وهي تتكلم بغرور : والله يحبيبي مشتاقة لبتول اكثر
سيف وهو يضربها بالمسبحه بخفة : والله قايل مافيك طب
ام سيف : يا هلا ياهلا بولدي ومرته
ملك وهي تجري لام سيف : جدهههه اشتقت لك
ام سيف وهي تحضنها : يروح جده وانا اكثر
نور جات تركض و هي تحضن سيف : هلااا بأهل حايل الي لهم وحشه
سيف : هلا بدكتورة المستقبل هلا
نور وهي تحضن بتول : والله بتول منورة البيت بس بحجزك تسوين شعري ويفي ولا وحده من السلقات تعرف
سديم : يا معفنه يا نور والله ما عاد اسوي لك شي
بتول بضحك : ههههه ابشري يا روحي من عيوني
واخيراً وصلو محمد وعبدالعزيز
عبدالعزيز وهو يركض يحضن سيف : هلااا بالسند هلااا بالحبيب هلااااا والله
سيف وهو يبادله الحضن واقوى : هلا بعزو القلب هلا
محمد وهو يسحب عبدالعزيز ويحضن سيف : ماعندكم اخ اسمه محمد انتم ؟
سيف وهو يبادله الحضن واقوى: لا ما نسيناك بس الحضن بالدور
سديم غارت منهم وجات وهي تحضن سيف :
سيف وهو يبعدها : ايه يا معفنه قبل شوي تتغلى علي ما تبي تحضن
سديم وهي تروح لعبدالعزيز : مع نفسك اروح لحبيب قلبي عبدالعزيز
عبدالعزيز وهو يبعدها : ماتبين سيف اجل ها
ملك وهي تركض لعبدالعزيز: عمو عزوز اشتقت لك
عبدالعزيز: ايه هذي حبيبة القلب
ملك : عمو نبي نروح للخيل سنود
عبدالعزيز وهو يبوس خدها : حركات والله مين قد سند ملوكه تدلع اسمه ، بس ابشري الصباح نروح
ملك وهي تروح لمحمد : عمو محمد تكفى وديني
محمد وهو يشيلها: وااااه تقول تكفى انا وش اسوي بنفسي ، اوعدك نروح الصباح
ملك : يااااايييي شكراً عمو
عبدالعزيز: شوف المعفنه الخيل خيلي و تتركني تروح لمحمد !
محمد وهو يبوس ملك : ايش عرفك انت عشان تعرف عمها المفضل

وبعدها بدقايق و صل العم ابومطلق و العمه هنادي
عبدالعزيز لمحمد بضحك: حبيب القلب وصل
محمد وهو يهبده على راسه : لا تفضح ياثور
دخلو العمه هنادي و دينا وليلى وام مطلق
عبدالعزيز ومحمد وسيف راحو يرحبو بعمتهم و يسلمو بعد ما دخلو
عبدالعزيز همس لمحمد : ترا راعي الهواء مفضوووووح
محمد استحى وطلع نعاله وبدا يلحق عبدالعزيز فيه
في الحوش وسيف يضحك على هبالهم ما وقفهم الا ابوهم وهو يقول : بس يا ولد انت وياه انا مربي بزران !
محمد : اسف يبه
سيف : الله يخلف عليك ابو سيف

بعدها الكل راح يكمل اشغاله الي يبي ينام والي ينظف والي يسولف الين جاء الفجر وصلو الفجر و صلاة العيد

في بيت ابو مصعب :
نجمة وهي تحط الروج وتسمع لأغاني محمد عبده دخلت عليها امها : ماشاءالله ماشاءالله نجومتي وش هالجمال ماشاءالله تبارك الرحمن
(نجمه كانت فعلاً جميلة بفستانها الاسود و شعرها بني غامق مسويته ويفي و شوية ميكب وعيونها الوسيعة العسلية)
نجمة : يروحي ياميمتي وانتي بعد وش هالجمااال يا ام مصعب لا اله الا الله ماشاءالله
دخل عليهم مصعب : أقعد ماشاءالله نجومه وش هالكشخة ماشاءالله
نجمة استحت ونزلت راسها
دخل وسيم : ذي نجمه ؟ ماشاءالله اجل مين الي كانت قبل الفجر بالبجامة والشعر المخرب
مصعب : اقول اترك عنك الكذب والله انها حلوه ماشاءالله حتى بدون الخرابيط ذي كلها
نجمة وهي تسحب خدود مصعب : شوف ياوسيم الناس الزينه شوووووف
ام مصعب : يلا يعيال روحو عند ابوكم لا تتركوه لوحده مع الضيوف وانتي تعالي سلمي على بنات عمك
وسيم ومصعب ونجمه : ابشري