يا نجمة الليل العزيز

P17

باقي 8 بارتات😢

اليوم الثاني محمد خرّج عبدالعزيز من المستشفى وركبو السيارة
محمد : اسمع ، لا تكلم ابوي الحين اصبر الاوضاع تهدء لاتزيد الطين بله
عبدالعزيز بضيق : هو رافض لان البنت متقدم لها واحد وهي ماتبيه
محمد : يولد هونها تهون و اكيد اذا يوم ابوي شاف مصعب بيسأله اذا وافقت ذالنجمة او لا
عبدالعزيز: الله يسامحه ابوي
دخلو البيت ومحمد ساند عبدالعزيز
ابو سيف : خير ؟ وش خرجك من المستشفى انت!
عبدالعزيز وهو ضايق من ابوه : مافيني شي
طلع عبدالعزيز لغرفته بضيق بعد ما سلم على اهله
وانسدح على السرير وهو يفكر كيف يقنع ابوه
ام سيف دخلت عليه وجلست جنبه وهي ضايقة: عبدالعزيز يمه لاتسوي بنفسك كذا
لف عليها عبدالعزيز وعيونه مليانة دموع : وش اسوي يمه وش اسوي وابوي رافض الي ابيها
ام سيف حضنته : لا تخاف ابوك مع الوقت بيعرف غلطه و يوافق
عبدالعزيز الي كان في حرب مع دموعه عشان ما تطيح : اخخ يارب سهلها
ماهي الا دقايق ومصعب ونجمة ووسيم جو لبيت ابو سيف
محمد دخّل مصعب ووسيم للمجلس : يلا حيهم
مصعب : الله يرفع قدرك
وسيم : الله يسلمك
مصعب : يولد عبدالعزيز ليه خرج من المستشفى ؟
محمد : يقول انه بخير
وسيم : الحمدلله على سلامته
محمد : الله يسلمك ياحبيبي
دخل ابو سيف وسيف للمجلس وسلمو عليهم
عند الحريم نجمة سلمت عليهم وجلست
نجمة مسكت بطن ليلى : واااه ليلى يزينهااا ، متى تولدين
ليلى : توي داخله الشهر التاسع
نجمة : ماشاءالله ربي يتمم لك يارب وتجيبيلنا احلى بيبي
الكل : امييين
في المجلس عند الرجال
وسيم : ياعمي جايك اليوم وانا طالبك وان شاءالله ماتردنا
ابو سيف : سم
وسيم : جاينك اليوم طامعين بنسبكم و ابي اطلب يد بنتكم نور لاخوي مصعب
سيف ضرب مصعب على فخذه : ليه ماقلت لي اخطب لك بدال ذا الاهبل
مصعب : اقول اهجد بس
ابو سيف : والله الشرف لنا ومصعب نعرفه وشهادتي فيه مجروحه بس ناخذ راي البنت ، قم ياسيف شاور اختك
راح سيف عند الباب وصوت لنور : نوورر
سديم جات له : وش تبي
سيف : اقول ابي نور وش جابك
جات نور : هلا
سيف : مصعب اخو نجمة خطبك
سديم : اخسسس نوارة بتتزوج
سيف : عقبال اشوفك مع زوجك يااارب
سديم بنبرة دلع : انا عندي اهداف اعلى من الزواج حبيبي
سيف : امحق اهداف والله ، المهم نور وش تقولين
نور نزلت راسها وحمر وجهها
سيف : الرأي رأيك استخيري وردي لنا
نور : تمام
راح سيف المجلس : تقول تستخير وترد ان شالله
ابو سيف : الله يكتب الي فيه الخير
الكل : امين
ابو سيف : اختك وافقت على مازن يا مصعب؟
مصعب : لا والله
ابو سيف : ليه ؟
مصعب : اقول ما تبيه
ابو سيف : الله يكتب لها الي فيه الخير
الكل : امين
مصعب : اجل نحنا نستأذنكم
سيف : توكل الباب وتدله
مصعب : يولد تطرد نسيبك
سيف : مسرع يالحبيب صرت نسيب ؟
ابو سيف : الله معكم ، سيف اقصر لسانك ووصلهم الباب
سيف : ابشر يبه
روحو مصعب واخوانه وسيف ومحمد طلعو لعبدالعزيز
سيف : يولد وش فيك انت من يوم جيت جالس هنا
عبدالعزيز بغصه : ضايق من ابووي
سيف : عندي لك خبر حلو طيب
عبدالعزيز: وش
سيف : مصعب تقدم لنور
عبدالعزيز بنفس وضعيته : مبروك
سيف عند اذنه : يولد نوور نووووور اختك وانت تقول مبروك ؟
عبدالعزيز وهو يبعده : وش اسوي طيب ؟ هي موافقة ؟
سيف : بتستخير
عبدالعزيز : طيب اذلفو ابي اجلس لوحدي
محمد : والله مو منك من الي جالسين معك
لف عليه محمد قبل يقفل الباب : اوه صح عندي لك خبر ثاني
عبدالعزيز: محمد انقلع وقفل الباب
محمد : نجمتك رافضة الي تقدم لها
عبدالعزيز لف على محمد : محمد اعرف الله يخليك اخرج وقفل الباب
خرجو سيف و محمد من الغرفة وراحو عند ابوهم الصالة
سيف : يبه مايصير كذا عبدالعزيز يبي يتزوج البنت ويحبها ليه تحرمه يا يبه ، وانت سمعت بنفسك اخوها يقول ما وافقت على مازن !
ابو سيف : ياسيف لا...... قاطعته ام سيف
: يابوسيف والله لو ما وفقت ما اجلس في ذا البيت دقيقة وحدة ، انت مو شايف كيف الولد نفسيته تعبت ؟!، وانا ما استحمل اشوف ولدي بذي الحاله هو يحب البنت و يبيها بالحلال وعبدالعزيز كلنا نعرف انه قد كلمته
ابو سيف تنهد وهو مايقدر على فرقى ام سيف : خلاص موافق موافق ، خلوني اروح اشوفه