يا نجمة الليل العزيز

P21

في القاعة

راح وسيم لجهة العروس من الباب الخلفي وهو متوجه لغرفة نجمة وماسك جواله و هو مو منتبه
و دينا خرجت من غرفة نجمة وسكرت الباب و لفت تبي تمشي بس صدمت في صدر وسيم الي ما كان منتبه
ناظرها وسيم وكان يبي يهاوش بس اكتفى بانه يتأمل ملامحهما الحادة و الجميلة
دينا خافت وركضت لعند الحريم جلست جنب سديم وهي تتنفس بالقوه ووجها احمر
سديم : أعوذ بالله وش فيك انتي
دينا بتوتر : لا ولا شي بس طحت
سديم بضحك : ههههه والله ما اتوقع انها طيحة
عند وسيم الي كان عند الباب يحاول يستوعب الموقف وصحى على نفسه اخيراً ودخل لنجمة
نجمة : هلا بالوحيد هلا بوسيم
وسيم وهو معرق من التوتر : هلا بالنجمة
نجمة بخوف : بسم الله وش فيه وجهك
وسيم : ابد مافي شي بس تعبت من الرقص
وسيم بفضول : ، مين الي كانت عندك؟
نجمة ؛ دينا بنت عم عبدالعزيز
قاطع كلامهم دخول ابو سيف وعبدالعزيز
سلم ابو سيف على نجمة وخرج هو ووسيم وبقى نجمة وعبدالعزيز
عبدالعزيز تأملها و باسها على راسها وقال :
"صعدَ الجمالُ لنجمتي وتعلّى .. مستوحشاً ببريقها يتحلّى .. يانجمتي لله درُّ محاسن سرقت فؤاداً في هواكِ تجلّى. "
نجمة خجلت ونزلت راسها وهي مبتسمه
عبدالعزيز: يازين الابتسامة والله
نجمة كانت مرا مستحية واكتفت بانها تبتسم وهي منزله راسها
عبدالعزيز بمزح : كنت بكمل مدح بس لو زدت اكثر من كذا بتختفي من الخجل هههههه ، المهم الله يتمم لنا على خير يا نجمة قلب عبدالعزيز
نجمة واخيراً تجرأت تتكلم ؛ امين
عبدالعزيز: كنت اعرف انك جميلة بس ما توقعت لذي الدرجة
قاطع كلامهم صوت دق الباب دخلت سديم ومعها الكاميرا: يلا نصور معاريس قلبيي
عبدالعزيز: صوري يا عمري سدومه عقبالك يروحي
سديم وهي تصورهم : تو بدري اتزوج
صورتهم سديم وقالت : يلا الزفة
مسك عبدالعزيز يد نجمة وباسها وخرجو
وانزفو
الكل كان منبهر بجمال نجمة بالفستان الابيض و مكياجها الخفيف وملامحها البريئة.

خلصو من الزفة وراحت نجمة تبدل فستانها وبسمه راحت معها تساعدها

عبدالعزيز خرج وقف عند باب القاعة مع سيف و وسعود ومحمد و وسيم
سيف : هلااا معرسنا ، متى ناوي تذلف للفندق
عبدالعزيز ؛ بعد شوي بذلف
وسيم : عاد لا اوصيك على نجمة
عبدالعزيز اشر على عينه : ولا يهمك نجمتكم في عيوني
فجأة تفاجئو كلهم بالرصاصه الي جات على بطن عبدالعزيز من واحد متلثم
طاح عبدالعزيز و مسكه محمد وهو يصرخ : عبدالعزيييييز عبدالعزيز
طلعو ابو سيف وابو مطلق وهم خايفين
هرب الي طلق النار ولحقوه وسيم و سيف
مسكه سيف وطيحه على الارض ونزّل وسيم الشماغ الي كان متلثم فيه
وسيم بصدمة : وش جابك انت
سيف : مين ذا
وسيم ناظر سيف : عمي
مسك سيف ابو حمد وضربه وعيونه مليانه دموع : والله لو يصير شي لعبدالعزيز والله لذبحك انت واهلك والله
سحبوه سيف و وسيم و رجعوه عند القاعة
وانصدم سيف من منظر عبدالعزيز وهو طايح على الارض والدم مغطي ثوبه الابيض
ركض سيف لعبدالعزيز الي كان طايح عالارض وابوسيف حاط راسه في حضنه و محمد ضاغط على جرحه عشان يوقف النزيف وهو يبكي
سيف راح لعبدالعزيز ومسك يده : عبدالعزيز يا اخوي لا تروح تكفى لا تروح
عبدالعزيز بألم وعيونه مليانه دموع : نجمة يا سيف لا تنزل دمعتها تكفى خلك عندها
سيف بخوف وصوته يرجف : لا تتركنا يا عبدالعزيز تقدر تتحمل تقدر
عبدالعزيز قبل يغمى عليه : لاتترك امي وخواتي سي.... ( اغمى عليه )
الكل كان منهار
سيف كان يضرب عبدالعزيز على وجهه عشان يصحى وهو في حرب مع دموعه عشان ما تنزل : عبدالعزيز قم افتح عيونك تكلممم لا تسكتتتت
ومحمد ضاغط على جرح عبدالعزيز ودموعه على خده
وصل الاسعاف و الشرطة واخذو عبدالعزيز للمستشفى وراح معه سيف و ابو حمد راح مع الشرطة

عند الحريم مع الاغاني ما سمعو صوت طلق النار
نجمة : اف يا بسمة عبدالعزيز مرا طول
بسمة : صبر اروح اشوفه برا
خرجة بسمه عند الباب وهي تنادي عبدالعزيز
وجاها مطلق الي عرفها من صوتها
مطلق: هلا يا بسمه
بسمه بخجل من ورا الباب: وين عبدالعزيز
مطلق وبصوته غصه : بسمة عبدالعزيز تصاوب وراح المستشفى
بسمه خرجت له وعيونها مليانه دموع : وش تقول انت اكيد تكذب
مطلق : ياريت اقدر اكذب يا بسمه
بسمه انهارت قدامه : مين طلق عليه مين ؟ لايكون مات تكفى لا تقول مات
مطلق حضنها وهو يهديها : لا يعيوني بأذن الله انه بخير بس اخذوه للمستشفى وان شاء لله انه بخير
بسمه : تكفى وصلني له تكفى يا مطلق
مطلق وهو يمسح دموعها : يابنت الناس خليك هنا مع زوجته ووصلي لها الخبر وانا بجلس عند الباب اذا احتجتوا شي
بسمه وهي تبكي : تمام