يا نجمة الليل العزيز

P12

بعد مرور اسبوع
عند نجمة الي دخلت في حالة اكتئاب من تحرش حمد فيها وعمها الي منعها من الجامعة وكانت حالتها صعبة كل يومها يروح وهي داخل الغرفة تبكي وتصارخ
وابو حمد الي فرحان بفلوسه وهو نيته ما يرجعها لنجمة

في الليل الساعة 12 في بيت ابو حمد
كل البيت نايم ونجمة في غرفتها تبكي على حالها
جاء حمد البيت وهو سكران ودخل غرفة نجمة
نجمة شافته وصرخت : وش تبي انت هنااا ها؟ مايكفي الي صارلي بسببك
حمد وهو متجهه لنجمة يبي يتحرش فيها بس وقفه دخول هند وعبير الي صحو على صراخ نجمة
نجمة ركضت وحضنت هند وهي تبكي : تكفين ساعديني ابعديه عني تكفييين
هند وهي تبعدها وتروح لحمد وتعطيه كف : انت وش ذا العقل الي عندك ها؟؟؟ تتحرش ببنت عمك!!
حمد وهو يضحك ويغني ولا همه
دخل ابو حمد عليهم : وش صاير
عبير راحت لابوها : يبه نجمة تحاول تتقرب من حمد
ابو حمد بصدمه وهو يعطي نجمة كف ويسحب اذنها : وشووو؟ ماتتوبين انتي ؟
هند بعدت ابوها عن نجمه : لا يا يبه عبير تكذب نحنا جينا على صوت صراخ نجمة وحمد كان قريب منها ، وانت شوف حالة حمد اول كيف وتعرف الموضوع بدون شرح
ابو حمد توجهه واعطى حمد كف : حسبي الله عليك
اخذ ابو حمد حمد و وداه للحمام وهو يفتح الماء عليه
حمد وهو يصرخ : هيييي وقفففف
ابو حمد وهو يضربه : انت تبي تجيب لي مشاكل مع اخوانها ها ؟؟؟ انا بالقوه مقفل فمها عن فعلتك الاولى
حمد : يا يبه ماكنت بعقلي
ابو حمد وهو يخاصمه : ان سمعت انك مقرب لها ثاني ماراح يصير لك طيب
خرج ابو حمد وراح لغرفته
عند نجمة وهند وعبير
نجمه كانت منهارة في حضن هند
عبير : انتي ما تستحين في بيت فيه رجال مو محرم لك ماتقفلين الباب؟
هند بصراخ لعبير : اخرجي برا مو ناقصتك
عبير خرجت وهي تضحك
نجمة : هند ابغا اكلم اخوي مصعب تكفين
هند بضيق : والله اسفة لاكن ابوي مانعني اعطيك جوال ، والله اسفة

عند مصعب في حايل
مصعب لوسيم : ياولد انا مو مرتاح احس نجمة مو بخير صار لها يومين ما تتصل
وسيم : يولد دق على اخو خويك سيف وقول له يخلي خواته يروحو لنجمة
مصعب حضن وسيم : والله جبتها
اخذ مصعب جواله واتصل على سيف
سيف : الو
مصعب : هلا والله اسمع يولد ابي رقم عزوز اخوك
سيف : وش عندك انت
مصعب : ابيه بكلام بيننا انت وش تبي
سيف بضحك : لا واضح بياخذ مكاني من العشير
مصعب : يولد اسرع
سيف : تمام ، يلا سلام
ارسل سيف له رقم عبدالعزيز و اتصل له
عبدالعزيز: الو
مصعب: السلام عليكم
عبدالعزيز: مين معي ؟
مصعب: مصعب
عبدالعزيز : هلاااا والله مصعب ، كيفك وكيف اهلك
مصعب : الحمدلله انا ووسيم بخير بس اختي والله مو متأكد
عبدالعزيز عدل جلسته بخوف : ليه وش فيها ؟
مصعب : والله انا ووسيم مشغولين ذا الشهر مرا و ماقدرنا نجي للرياض وصوت اختي على الجوال مو عاجبني
عبدالعزيز بخوف عليها: ليه تعبانه
مصعب : والله مدري بس يولد ابيك بطلب
عبدالعزيز : امرني
مصعب : مايامر عليك عدو ، ابيك توصل اختك لبيت عمي وتطمنوني على نجمة
عبدالعزيز: ابشررر ما طلبت شي بس ارسل لي الموقع وبكرة ان شاءالله
مصعب : يا حبيبي والله
قفل مصعب ورسل لي عبدالعزيز

اليوم الثاني الساعة 4 العصر
عبدالعزيز: نوررر
نور وهي تركض : هلا
عبدالعزيز: البسي عباتك وتعالي
سديم وهي تتكي على كتفه: على وييين
عبدالعزيز: سر بيني وبين نور وش تبين انتي
نور وهي تحضن عبدالعزيز: ايه سر بيننا وش تبين يالطرف الثالث
سديم وهي تدفهم : يععع كريهين
خرج عبدالعزيز و نور وركبو للسيارة
عبدالعزيز: نور بنروح بيت عم نجمة
نور : نجمة ؟
عبدالعزيز: ايه ، حاولي تسحبي كلام منها وشوفي وضعها كيف لان اخوها يقول ان صوتها مو طبيعي
نور بخوف على نجمة : يا حبيبتي يا نجمة
وصلو لبيت ابو حمد و نزلت نجمة ودقت الجرس
فتحت عبير الباب: مين انتي ؟
نور : صديقة نجمة
عبير وهي تبي تقفل الباب : ماعندنا بنت اسمها نجمة
نور وهي تدف الباب وتبعد عبير : اقول ابعدي بس
هند وهي جايه : مين انتي
نور : صديقة نجمة ، وينها نجمة ؟
هند : في غرفتها ارتاحي دحين اناديها
جلست نور في الصالة وراحت هند تنادي نجمة
وعبير راحت لابوها وامها
عبير : يبه الحق الحق صديقة نجمة في بيتنا
ركض ابو حمد لغرفة نجمة ومسك يدها : ان نطقتي بحرف واحد والله لا ادفنك حية فاهمة !!!
نجمة بخوف : اي اي سامعة
نور سمعت تهديد ابو حمد لنجمة وخافت
دخلت نجمة وهي ترجف وسلمت على نور وهند وعبير جلسو عندهم
نور كانت مستغربه من شكل نجمة وتغيرها واثار الكدمات الي في يدها: كيفك يا نجمة وينك مختفية
نجمة وهي خايفة : بخير وانتي
نور : تمام الحمدلله
مسكت نور جوالها ودخلت للملاحظات وكتبت
( نجمة انتي بخير ؟)
نور : تعالي اوريك صور فرح اخوي محمد
جلست نور جنب نجمة و ورتها الكلام
اخذت نجمة الجوال وكتبت :
( نور تكفين ساعديني والله اني مو بخير )
نجمة وهي تضحك على اساس انها تشوف الفيديوهات : ههههه يازين ملك تجنن
كتبت نور (لا تخافي اخوك ارسلني اشوفك)
نجمه (والله ! تكفين قولي له يجي بسرعه تكفين )
نور (تمام ولا يهمك)
نور : يلا استئذنكم ، وان شاء الله اجيك ثاني يانجمة
حضنت نجمة نور وقالت لها نور بهمس : حاولي ما يصير لك شي تكفين
نجمة بنفس الهمس : تمام
خرجت نور وراحت السيارة
عبدالعزيز : ها بشري ان شاء الله بخير ؟
نور ودموعها تنزل : والله يا عبدالعزيز انها مو بخير والله حالتها سيئة مرا
عبدالعزيز بغضب : ابن ال*** والله اني لا انهي حياتهم والله
اتصل عبدالعزيز على مصعب وهو شوي وينفجر من القهر والغضب
مصعب رد بسرعه : بشر؟
عبدالعزيز : تعال الرياض بسرعه
مصعب وهو مفجوع : وش فيه وش صاير
عبدالعزيز: تعال وتعرف
قفل عبدالعزيز و مصعب اخذ وسيم وحركو على الرياض