يا نجمة الليل العزيز

P25

بعد ثلاث شهور

بتول ولدت وجابت ولد سمته عزام على ابوها
والكل كان فرحان فيه

في المطبخ عند نجمة و ليلى وسديم

سديم : نجمة وش فيك وجهك اصفر اليوم؟
نجمة جلست على الكرسي بتعب : ما ادري صار لي كم يوم احس بغثيان وتعب مو طبيعي
ليلى : سويتي تحليل حمل ؟
نجمة : لا ، اخاف اسوي وتطلع زي المرة الي راحت
سديم : روحي للمستشفى
نجمة : بس مابغا عبدالعزيز يعرف الا بعد ما اتأكد
ليلى جلست : الموضوع سهالات ، قولي لاخوك يوديك
نجمة وقفت : والله انك صادقة !
طلعت نجمة جوالها و اتصلت على وسيم :
وسيم: الو
نجمة : وسيم انت وين
وسيم : عند لفة بيتكم
نجمة : تمام تكفى توصلني المستشفى
وسيم : ليه فيك شي ؟
نجمة : لا بس ..... ( قالت له السالفة )
وسيم : تمام اطلعي بسرعة
طلعت نجمة وقابلت عبدالعزيز في وجهها
عبدالعزيز: خير حبيبتي على وين ؟
نجمة وهي مرتبكه : لا بس بروح مشوار مع وسيم
عبدالعزيز: ليه وسيم انا موجود اوديك
نجمة : لا انا اروح مع وسيم أبّعد
عبدالعزيز : وش أبّعد ! انا اوديك
نجمة: عبدالعزيز خلاص بروح مع وسيم ليه العناد!
دفت نجمة عبدالعزيز وراحت بسرعة لسيارة وسيم

وصلو للمستشفى و سوت التحليل
بعد ساعة نادت اسمها الدكتورة ودخلت نجمة
الدكتورة : مبروك انتي حامل في الشهر الاول
نجمة بفرح : جد يا دكتورة!
الدكتورة بابتسامة : ايه ، وبكتب لك فيتامينات تاخديها مرتين في اليوم
خرجت نجمة وراحت عند وسيم السيارة
وسيم: مابغيتي ، وش صار ؟
نجمة بابتسامة: بتصير خال
وسيم لف لها بفرحه : والله ؟!
نجمة حضنته : اي والله ههههههه

راجعو لبيت ابو سيف وهم فرحانين
و عبدالعزيز كان ينتظرهم عند الباب وهو زعلان من نجمة
نزلت نجمة وراحت عند عبدالعزيز وهي مبتسمة : عبدالعزييز
بس هو سحب عليها وراح سلم على وسيم
عبدالعزيز: هلا والله بوسيم يلا حيه اقلط
وسيم: الله يحييك يا بعد قلبي
دخل وسيم المجلس وسلم على ابو سيف و سيف ومحمد
نجمة : عبدالعزيز! وش فيك
مارد عليها عبدالعزيز وراح لجناحه وراحت نجمة وراه وهي تناديه
نجمة بغضب : عبدالعزيز وش فيك ؟! رد علي
عبدالعزيز جلس وهو مطنشها
نجمة وعيونها مليانة دموع : جايه اقول لك خبر حلو وانت مطنشني !
عبدالعزيز ناظرها ببرود : وش
نجمة بضيق : خلاص ولا شي
عبدالعزيز مسك وجهها وابتسم : امزح معك انتِ وش فيك ؟ ووش الخبر الحلو ؟
نجمة ابتسمت : عبدالعزيز انت تحب الاطفال صح ؟
عبدالعزيز باستغراب: ايه !
نجمة حضنته : بتصير اب بعد 8 شهوور
عبدالعزيز: صدق الي تقولينه ؟
نجمة : ايه عشان كذا خرجت
عبدالعزيز مسك يدها ونزلو يبشرو اهله
عبدالعزيز : في احد في الصالة
سديم : ايه في ليلى و بتول
عبدالعزيز وهو مبتسم : خليهم يغطون عندنا بشارة لامي
سديم لبتول و ليلى : معليش بس غطو عبدالعزيز بيدخل
غطو البنات ودخل عبدالعزيز
عبدالعزيز: يمه عندنا لك بشارة
ام سيف : وش
عبدالعزيز والابتسامة شاقه وجهه : نجمة حامل
ام سيف وقفت تحضن نجمة : مبروك نجومة مبروووك
نجمة : الله يبارك فيكِ
عبدالعزيز لسديم : لا اشوفك تتعبيها انتي
سديم مسكت خصرها : لا والله شوف مين يتكلم ؟ البنت وجهها تعبان صار لها كم يوم ما دريت عنها
عبدالعزيز تورط ومسك شعره: وش تبين انتي الحين ؟
سديم : سلامتك حبيبي

طلع عبدالعزيز عند اخوانه ومصعب ووسيم في المجلس
عبدالعزيز: ابشركم بصير اب
الكل : ماشاءالله ماشاءالله
محمد : اذا بنت سميها ليال تكفى
سيف : اذا ولد نبيه سيف
عبدالعزيز: تبشرو والله
مصعب : اجل ان شاء الله الطفل الثاني خواله يسموه
عبدالعزيز وهو يضحك : وانا وزوجتي نسمي من ؟
مصعب : نور حامل سمو طفلنا
عبدالعزيز: والله ! ليه توك تتكلم
مصعب : اي والله ، كنت انتظر نجتمع كلنا
الكل : مبروك مبروووك
عبدالعزيز: اذا ولد سميه زايد على المرحوم واذا بنت شوف وش تقول نجمة
ابو سيف : هي لعبه هي ؟ كل واحد يسمي ولد الثاني
عبدالعزيز: لا تكفى يبه والله كذا احلى
ابو سيف : مغسل يدي منكم مافيكم طب بالذات انت
عبدالعزيز بضحك : الله يهديك يبه
.
.
.
.
مرت فترة الحمل جداً صعبة على عبدالعزيز
نجمة كانت تبكي على كل شي و ماترضى تاكل الا بعد معاناة او انها تشتهي اشياء غريبة وطول وقتها تبكي او تعصب على عبدالعزيز
بس عبدالعزيز كان مستمتع وكان يحبها وزاد حبه لها وهو يشوف كل مراحل حمل نجمة