بعد شهر " زواج مطلق و بسمة "
توجهو عائلة ابو سيف للقصيم عند بيت ابو مطلق
والبنات كلهم راحو الصالون و الاولاد الحلاق
كالعادة عند الاولاد راشد يغني ويطبل
وعبدالعزيز و محمد يرقصو ويستهبلو ويغنو مع راشد
و سيف ينرفز مطلق و يرقص قدامه
ومطلق يهاوش الكل من توتره حتى الحلاق ما سلم منه
وسعود كان يصور استهبالهم ويغني مع راشد
بعد العشاء في الفندق
غرفة مصعب و نور :
نور كانت عند المراية تتعطر وتغني وكانت جداً جميله
مصعب : حبيبتي اعطيني عقالي من عندك
نور اخذت العقال و بدأت تسويه لمصعب و مصعب يتأملها وهي تغني و شاركها الغناء في مقطعه المفضل : " كان هاليله بهاكي ماهو عادي ..
كنتي انتي ... وانتي لما تكوني انتي ماهو عادي ..
كنتي اعجاز وسحر .. كنتي دنيا من طهر "
نور : الله الله
مصعب باسها : للحظة قلت محمد عبده كتبها لك
نور ابتسمت و راحت تعطره
في غرفة ليلى و محمد
ليلى كانت تلبس عز و تضحك وتلعب معه ومحمد وراها يلبسها سلسالها : يا ليلى ياعيوني اثبتي شوي خلينا نخلص
ليلى ثبتت : تمام
محمد قفل سلسالها : خلصناااا
لفت ليلى لمحمد وهي تعدل عقاله
محمد : وش ذا يا ليلى وش ذا الجمال
ليلى ابتسمت بخجل : انت الجمال كله
محمد جلس يحصنها هي و ولده عز
وليلى كانت تتامله وهو يحصنهم
محمد : يلا ننزل ؟
ليلى : ايه يلا
في غرفة نجمة و عبدالعزيز:
عند نجمة الي كانت واقفة عند المراية وتلبس اكسسواراتها
عبدالعزيز وقف وراها وباسها على خدها : ماشاءالله ماشاءالله وش ذا الجمال يا نجمت عبدالعزيز ؟
لفت له نجمة بخجل وهي تعطره بعطره المفضل
عبدالعزيز اخذ المبخره وحط اطراف شماغه على كتف نجمة وقرب لها والمبخره في النص بينهم
عبدالعزيز بهمس : ياحظي فيك والله يالنجمة
نجمة وهي تبوس خده وردت بنفس الهمس: مو كثر حظي فيك !
عبدالعزيز بعد المبخرة وحضنها : بشويش على قلبي المره المليون اقول لك ترا قلبي رهيييف ما يستحمل جمالك وكلامك الحلو
نجمة : لاحقين على الكلام الحلو بس خلنا نمشي ابطينا
عبدالعزيز: يلا
وصلو الكل القاعة
عند الحريم الكل كان مستانس و يرقص
بالذات سديم الي تحلييي الجووو
بسمة كانت متوترة و نور ونجمة عندها يهدوها
وعند الرجال الكل كان مكروف الي يصب القهوه والي يسلم و الي يساعد ومطلق واقف يسلم مع ابوه وعمه وخواله
واخيراً جاء وقت الزفة
دخل مطلق مع ابو سيف واولاده لبسمة باس راسها ووقف جنبها وجو اخوانها و سلمو عليها و
ابو سيف : عاد مااوصيك عليها يا مطلق ، ذي بسمة البيت بسمة ابوها ، مابي اعرف انك مزعلها
مطلق ابتسم : ولا يهمك ياعم بسمتكم في عيوني ودامها معي لا تخافون
سيف ضربه على كتفه : رجال
خرجو كلهم وبقى مطلق
مطلق باس يد بسمة : مبروك يا بسمتي ، ربي يتمم لنا على خير
بسمه بخجل : امين
مطلق ؛ نخرج ؟
بسمه: تمام
خرجو بسمه ومطلق للفندق
و بيت ابو سيف رجعو الرياض بعد الفرح
اليوم الثاني عند نجمة و سديم في المطبخ وهم يجهزو الفطور
سديم : اخخخ البيت صار فاضي الحمدلله ان انتي وعبدالعزيز موجودين ولا بندخل في حالة اكتئاب
نجمة وهي تضحك : ههههه اجل كان قرار صائب الحمدلله
دخل عبدالعزيز المطبخ : صباح الخير
توجه لنجمة وباس راسها
نجمة بأبتسامة : صباح النور يقلبي
سديم : وانا جدار ؟
عبدالعزيز توجه لها وباس راسها : انتي عيوني ولله ، وش كنتو تسولفو فيه
نجمة: ولا شي سوالف عاديه
عبدالعزيز كان ياكل من الاشياء الي يسووها
نجمة دفته : خير عبدالعزيز ! اصبر الحين نحط الفطور
عبدالعزيز: جوعان حبيبتي جو عا ااااااان
نجمه بمزح وهي تسوي ساندوتش: خليه حبيبي ياكل براحته
سديم : يععع يا نجمة انتي وحبيبك ،عبدالعزيز اخرج ترا تعبنا ونحنا نطبخ
عبدالعزيز بطرف عين : الي شاف طابخة ذبيحة ترا كله بيض و جبن وطماط وش تعبتي فيه ؟
دخلت ام سيف وشافته ياكل ضربته على ظهره : البنات يطبخون وانت تاكل ؟! اخرج بسرعه
عبدالعزيز وهو يحك مكان الضربه : وش اسوي يمه مستعجل بروح للدوام
ام سيف اعطته الساندوتش : خذ ذا واذلف
عبدالعزيز باس راسها : تمونين يالوالدة تمونين
خرج عبدالعزيز وشاف محمد وعز عند الباب
عبدالعزيز اخذ عز وباسه: يااا هلااا بعز عمه يالله حيه
محمد أشر لعبدالعزيز : هييي ابوه هنا يالطيب
عبدالعزيز: وش نبي في ابوه 26 سنه وهو في وجهي ماصدقت ذلف
محمد اخذ عز : والله انك معفن ، جيب ولدي بس
عبدالعزيز باس راسه : يلا مع السلامة
محمد: مع السلامه
أنت تقرأ
يا نجمة الليل العزيز
Romanceتحكي القصة عن بطلتنا نجمة التي تواجه احداث محزنة في حياتها بعد ان كانت حياتها مليئة بالفرح وتذهب بها الحياة لتتعرف على بطلنا عبدالعزيز الكاتبة : فاطمة . اول رواية لي❤️
