يا نجمة الليل العزيز

P15

عند العيال
مصعب : يا عمي ابو سيف
ابو سيف: هلا يا وليدي
مصعب : فيه واحد اسمه مازن ال***** متقدم لاختي نجمة و.....
قاطعه عبدالعزيز الي فز وعدل جلسته : وشو !
محمد بهمس : لاتفضح نفسك اهجد يولد
مصعب بأستغراب : وش قلت ياعبد العزيز واحد متقدم لاختي نجمة
لف مصعب لابو سيف وكمل كلامه : ونبي نسأل عنه وعن اخلاقه
ابو سيف كمل كلامه مع مصعب
وعبدالعزيز الي وجهه تغير و قفلت الدنيا بوجهه بعد كلام مصعب قام عبدالعزيز من الجلسه و راح لسهم وهو ضايق يلعب بشع سهم
دخل عليه سيف : توقعت انك بتكون هنا
عبدالعزيز بضيق: وش السوات يا سيف
سيف : والله وانا اخوك قدامك خيارين
عبدالعزيز وهو يتنهد : قول
سيف : الاول تتقدم لها وتشوف نصيبك الثاني انك تنساها ، وانا اعرفك بتسوي الخيار الاول
فأحذرك شوف وش جوابها اول عشان ما تخرب علاقتنا مع مصعب
عبدالعزيز يحاول يضيع دموعه : وحتى لو ابي اعترف لها كيف
سيف : سديم
عبدالعزيز : لااا تكفى فكني منها والله لو اقولها كل الرياض تدري ، انا بعترف لها بنفسي
سيف وهو يضرب راسه : اقول اعقل بس
عبدالعزيز : بقول لبسمة تساعدني
سيف : يولد اعقل
عبدالعزيز طلع جواله واتصل على بسمة : الو عزوز
عبدالعزيز: بسمة خذي نجمة للمطبخ تكفين
بسمة : ليه ان شاء الله ؟
عبدالعزيز : اقول لك بعدين بس لاحد يدري
بسمه : اففف تمام
عند البنات :
بسمة : نجمة تعالي معي شوي
نجمة : تمام
بسمة اخذت نجمة المطبخ : خليك شوي هنا
خرجت بسمة وراح عبدالعزيز ودق باب المطبخ
نجمة فزت : بسم الله
عبدالعزيز من ورا الباب: انا عبدالعزيز يا نجمة
نجمة بخوف : وش تبي
عبدالعزيز: يا نجمة تذكرين يوم قلت لك بعترف لك بشي وما كملت كلامي ؟
نجمة : ايه
عبدالعزيز: يا نجمة انا احبك و ابيك لي ، وخفت اخطبك وترفضيني وتخرب علاقتنا مع مصعب
نجمة انصدمت وماردت هي شوي وتطير من الفرحة
عبدالعزيز بضيق من سكوتها : اذا تبين الي تقدم لك ذا مازن بكيفك في النهايه حياتك وانتي حرة
نجمة بعناد : دامك تبيني تقدم لي وانا اختار الي ابيه
عبدالعزيز : هو حلا و لا عصير ؟ وش تختارين الي تبيه ؟!
نجمة تبيه يغار : تمام اجل مازن احسه احلى
عبدالعزيز تنرفز : نجمه انا اتكلم منجد
نجمة بعناد : وانا اكذب يعني ولا وش ؟
عبدالعزيز ضاق اكثر : تمام اجل الله يوفقكم
قبل يمشي عبدالعزيز ضحكت نجمة وهي تناديه
: هههه عبدالعزيز امزح ههههههههههههههه
عبدالعزيز مارد وهو يعاندها
نجمة : امزح معك رد
عبدالعزيز بعناد : خلاص هونت الله يوفقك معاه
نجمة : عبدالعزيز وش فيك امزح
عبدالعزيز عشان يقهرها : يا بنت الناس قلت لك الله يوفقك معاه و خلاص
رجع عبدالعزيز للجلسة والبسمة شاقة وجهه
سيف : وش صار
عبدالعزيز وهو مبتسم : موعد مع الحب
سيف : انهبلت انت
عبدالعزيز: مالك دخل بس قريب بترك العزوبيه
سيف لابوه : يبه عبدالعزيز ناوي يخطب
الكل : ماشاءالله ماشاءالله
ابو سيف : خلاص نشوف امك تدور لك
عبدالعزيز: تمام
محمد : اجل انا عندي بشاره لكم
ابو سيف : وش هي
محمد : بتصير جد للمرة الثانيه يبه
الكل : ماشالله مبروووك
عبدالعزيز : تكفى اذا ولد نبيه عز
محمد : والله انك تبشرررر
عند نجمة الي رجعت للجلسة وهي ضايقه وتفكر إذا عبدالعزيز صادق في كلامه او يمزح

انتهى اليوم الي كان جميل على الكل و الكل رجع لبيته

في الظهر على الغداء في بيت ابو سيف
عبدالعزيز: قررت اتزوج
ابو سيف : ماشاءالله
ام سيف : ماشاءالله بدور لك احلى البنات
عبدالعزيز: لا يمه لا تتعبي نفسك البنت موجودة
سديم : اووووه مين تعيسة الحظ
عبدالعزيز وهو يهبدها : كلي تبن بس
ام سيف : مين هي البنت
عبدالعزيز: نجمة
نور غصت : نجمة !!!!
عبدالعزيز: ايه ليه مو عاجبتك
نور : لا بس ما توقعت
ابو سيف بغضب : اقول اعقل بس ، امس سامع اخوها يقول واحد متقدم لها
عبدالعزيز : يا يبه هو تقدم لها ما كتبو الكتاب
والبنت يمكن مو موافقة
ابو سيف بغضب : اقول شيل الفكرة من راسك واعقل.
قام عبدالعزيز وركب سيارته وهو ضايق ومعصب
سيف : يا يبه الله يهديك وش فيها يعني ؟
ابو سيف : انت لا تتدخل

عند نجمة الي ما نامت وهي تفكر بكلام عبدالعزيز  دخل عليها مصعب
مصعب : نجمة
نجمة : هلا
مصعب : سألت امس عن مازن وابو سيف يقول انه كويس واخلاق و وظيفته حلوه ، وش قررتي؟
نجمه : ما ابيه يا مصعب
مصعب: ليه ان شاء الله ؟
نجمة بغضب : ما ابي اتزوجه
مصعب : وش فيه يا نجمة وش قلت عشان تعصبي
نجمة : ولا شي بس ما افكر اتزوج وبس
مصعب: تمام براحتك

عبدالعزيز كان يسوق السيارة ومسرع وهو معصب وجات شاحنة و صدمت في سيارته والسيارة انقلبت

في بيت ابو سيف جاء اتصال لابو سيف :
المتصل : الو السلام عليكم
ابو سيف : وعليكم السلام
المتصل : معاك مستشفى ******
ابو سيف : خير ان شاء لله
المتصل : ولدك عبدالعزيز صار له حادث
ابو سيف بصدمه : وش ؟وش تقول انت ؟ وكيف وضعه الحين
المتصل : تعال وشوف بنفسك
قفل الاتصال
ابو سيف بصراخ : يا ولد سيف قم قم خلنا نشوف اخوك بالمستشفى
سيف فز :وش فيه يبه؟
ابو سيف : صار له حادث