အိမ်ပြန်ရောက်တော့ အဝတ်အစားလဲကာ ဦးက ညနေစာ ချက်ကျွေးမယ်ဆိုလို့ စားဖို့ထွက်လာတော့ မီးဖိုခန်းမှာလည်း မတွေ့..အိမ်ပြန်သွားတာတော့မဟုတ်လောက်ပါဘူး..
" ဦး ဘယ်ရောက်နေတာလည်း ဦးရေ "
...
အသားလှီးနေရင်း အပေါ့သွားချင်တာကြောင့် Toilet ခဏဝင်နေတဲ့ အချိန် ချာတိတ်ထွက်လာပြီး ကျွန်တော်ကို ရှာနေတာ ထင်တယ်.. ချာတိတ် မီးဖိုခန်းကို သွားလို့မဖြစ်ဘူး ...
" ချာတိတ် မီးဖိုခန်းမသွားနဲ့!!! "
ကျွန်တော် အထဲက လှန်းအော်ပေမယ့် ကြားမကြားမသိနိုင် ကျွန်တော်မြန်မြန်ထွက်လာခဲ့ပေ
မယ့်...
"အားးး "
မီးဖိုချောင်ထောင့်လေးမှာ နံရံကို ကပ်ကာ လက်လေးတွေနဲ့ မျက်နှာကို ကာပြီး တုန်ရီစွာ ငိုကြွေးနေတဲ့ ချာတိတ်.. ကျွန်တော် ချာတိတ်နားအပြေးသွားလိုက်ပြီး
" ချာတိတ် "
" ဟင့်အင်း မလာနဲ့ မလာနဲ့ ထွက်သွား... "
ကျွန်တော်ဆွဲဖတ်ဖို့ ကြိုးစားပေမယ့် အတင်းရုန်းကန်ကာ အနားလုံးဝအကပ်မခံ ခန္တာကိုယ်လေးက ကျုံ့သထက်ကျုံ့ကာ နံရံထဲတောင်တိုးဝင်တော့မလို ကပ်ကာ. ပါးစပ်ကလည်း အနားမလာဖို့သာ တတွတ်တွတ်ပြောနေတယ်.
" မလာပါနဲ့ ကြောက်တယ် မလာပါနဲ့ ဟင့် ဟင့် "
" ချာတိတ် ဦးလေ သေချာကြည့်ပါအုံး ချာတိတ်ရဲ့ "
" သွား အသားလာမထိနဲ့ သွားထွက်သွား ဟင့် တောင်းပန်ပါတယ် မရိုက်ပါနဲ့တော့ ဟင့် "
ကျွန်တော်အမှား ခုဏအသားတုံးကို ရေဆေးထားခဲ့ရမှာ ချာတိတ်မထွက်လာလောက်သေးဘူးထင်ခဲ့လို့.ခုတော့..
yuri မင်းကို ငါ သက်ပြစ်ချင်လောက်အောင်ကို မုန်းတယ်သိလား..
ဒီတိုင်းထားလို့မဖြစ်တော့တဲ့ အခြေအနေမို့ ချာတိတ်ရဲ့ ပါးနှစ်ဖက်ကို အုပ်ကိုင်ကာ ကျွန်တော်ကို ကြည့်ဖို့ပြောပေမယ့် အတင်းရုန်းကန်နေတဲ့ ချာတိတ်.. မျက်လုံးကို စုံမှိတ်ထားကာ ကြောက်အားလန့်အားအော်နေတဲ့ ချာတိတ်...
