يشبهني ولكن

دموع والدي

أبطال القصه اني جيهان واختي اسمها أيهان أصغر مني وفرقان اخونه المدلل بابا اسمه حسن وماما اسمها نور
اني واخوتي كلنه نشبه عيون وشكار بابا لان بابا عيونه زرك واشكر واحمراني وعدنه غمازات مثل غمازات ماما وشعرنه ثخين وطويل واشكر ماما وبابا اثنينهم شعرهم يجنن
ماما طويله وجسمها متناسق وعيونها صفر وشعرها اسود وطويل وهي بيضه كلش وعدها غمازات
مثل مكلتلكم ساكنين بالريف بس ما لنه علاقه بالزرع وتربية الحيوانات ولا عدنه اختلاط بالناس اليمنه بابا وماما محذرينه من الاختلاط
كل البيوت ناس اطب على ناس وقريبين من بعض بس احنه ساكنين بطرف كاع بيت حجي شجاع
بيتنه زغير عباره عن تلث غرف زغار وهول وحديقه مسيجه بسيم وبيها باب دومه مقفول بقفل حلوه مرتبها بابا نباتات زينه أورد ومرجوحه زغيره ولو قديمه وميز وكراسي على كد الحال
وحده من الغرف بابا مسويلها باب خارجيه لان هو وماما خياطين ماما تخيط للنسوان وبابا للرجال ومسوين حاجز سندويج بين كعدة بابا وبين كعدة ماما وبي باب حتى الزباين من يجون ياخذون راحتهم
دائما اشوف بابا عينه على بيت الحجي وعلى العرب اليمنه ودموعه تنزل اكله باباتي شبيك
يكلي ماكو شي حساسيه
كنت زغيره بصف الرابع وتذكر كل شي
كانو اغلب البيوت يجون يخيطون يمنه إلا بيت الحجي ولو بالكوه ينطون فلوس الخياط عبالك جابريهم يخيطون يم بابا وماما
مرات اسمع النسوان يسألون ماما بعده وضعكم نفسه
ماما تأشر النه تكول روحي جيهان انتي وإيهان درسو فرقان
بابا وماما حيل متفاهمين ومربينه تربيه حلوه صوم وصلاة واحترام
روتين صباحي بابا يكعدنه للصلاة يكعدني ويرجع يكعد ايهان يلكاني رجعت نمت
ويظل هيج الحد منكعد اما فرقان بحثا اخر
يشيله شيول ويوضيه
نصلي ونرجع نمدد شويه نكعد نتريك بابا يسوي جو من ناكل يظل يخلي اكل بحلكنه وبحلك ماما ويكول الماما نور سويلهم لفات ياخذون وياهم
وهنا تبدي المأسات طين ومطر وبابا الوحيد ماعنده سياره من دون كل العرب كتله بابا
بطلنه من المدرسه كلي لا بابا بعد لتعيدين هذا الحجي

الكاتبه ضحى القيسي
فديتكم اريد تعليقات حلوه مثلكم ونجمه حلوه مثل ذوقكم الراقي كولو استمر حتى انزل البارت الثاني