يشبهني ولكن

أسيرة قلبي

الحچي يوجع بالوجه خله بگفاي
خاف لايلچمني جرح المستحه
ريحة معزب اعله بابك من افوت
وصوت حنيتك صعب من اشرحه
كسرة الخاطر ترد كسره بخطاي
زحمة من الشوگ لو ردت امسحه
تالي عمري وياك اصفه بتالي ليل
الفرگه ذيج مبينه كلش واضحه
لملمت روحي بصباهة الضاع بيك
يالخيالك بعد ما گمت المحه
روحي خضره بلهفه جابتني عليك
رغم ما شالت حزنهة مفرفحه
بين ملگاك وحسرتي هوايه ناس
الصحه يمك چان هسه ما صحه
المحب لو ما محب ما شم هواك
صوابه حار الگلب بسك تجرحه

معقوله يبن عمي لهنا وانسدت البيبان بوجهي بعد ما أحلم وافز ودور عليك والكاك بين ضلوعي شكل للناس لو عنك يسألوني اكلهم طلع عاشك غيري وانه مكظيتها نذوره كلما تصير زفه بعربنه تكلي الوادم يوم زفتج انتي وحسن وافرح واطير من الفرح واكول من حلككم الباب السما وك احجي لزمته من جتفه وهز بي شكول للناس شكول الكلبي شكول الاهلي يافشلتي كدام روحي وياحسرتي وهو يبجي ويمسح بدموعي يكلي كافي يبعد روحي ياريت اموت قبل لا تتفشلين كدام عربنه كتله اطلع وما اريد أشوفك بعد روح من وجهي روح للتحبها المصيبه ماينطيني كلبي ادعي عليك روح وشايف الخير بس وصيها لاتأذيك وصيها كلوللها آنه مدلل دللتني فتنه ولايوم غثتني خليها تحطك بين عيوناها وتغطيك برموشها كوللها انه ترف وذا رادت تعرف شتكره وشتحب وماعرفت طبعك خلها تتصل بيه لو تجيني انه افهمها شلون اتدللك بسج يبت كلبي محد يعرفني ولا يدللني بكدج رايح انه وأمانه انسيني انه مااستاهل تضحيتج عيشي حياتج
اني ظليت بين اهلي وبين الشغل ويه اهل نور وبين دراستي جبتها تعب بتعب الخاطر حبي النور وأهلي خطيه مشبعو مني اجازتي زغيره ركض ركض تخلص امي واخلاص يتلكوني بالبجي ويودعوني بالبجي فتنه من انزل الاهلي متشوفني وجهها احاول اشوفها بره هم متطلع حتى لاتشوفني مره شفت وحده كاعده على النهر ركظت لزمت جتفه كلتلها فتنه اندارت طلعت بنت كرايبي كالت لا يخوي انه مو فتنه هنيالها بيك هالكثر عاشكها كلتلها ليروح بالج بعيد لا عشك ولا ضيم هي بت عمي وبس كالت كول يا الله ترا انه ما احسد شنو تطرد عيون العرب كلها تدري انتو وحد للثاني النوب  شحاوبها اني ردت امهد الموضوع الكل العرب لان ماظل شي وتصير خطوبتي النور علني ردت اشيل الحمل عن فتنه حتى ماتظل بالفشله
حجيت الإخلاص على رنين كالت لا تبرر بعد لا الرنين ولا الغيرها سالفتكم انت وفتنه من يوم الاجت فتنه للدنيا كال عمي الأبويه فتنه الحسن ومشت عليكم ما اكول غير الله اليعين فتنه ويعينه على هاي البلوه صرت عصبي وشبيت نار على اختي كلتلها ياستار شنو بلوه تره الكلب وميريد كالت إخلاص اي عود من يجي وكتها عود  اوكف بنصهم وكول الكلب وميريد💔
اني جنت اشوف نور من بعيد المحها احاجيها لكن من خله ابوها شرط ما اندك بيها الحد متصير الشغله رسمي نفسيتي تعبت لا اني الشايف نور لا الشبعان من اهلي لا ساد الحلوك عن بت عمي شسوي يربي شلون اختبار صعب خايف لا أضعف واروح اشوف نور اشتاقيتلها طك كلبي عليها ماعندي حل بس كمت انتظرها من تفوت للجامعه واشبع شوف منها من بعيد وهي تشيل راسها وتباوعلي ودنك كلت خلص لازم اتحداه روحي واصبر لان شافت ضيم نور من ورايه وتحملت أشكال وممجبوره تظل تنتظرني لوما حبها الي انسانه وفيه ومن عائله محترمه هي هاي الراح تكون ام صالحه الأطفالي وارفع راسي كدام الناس كلها وما اخاف اكول هاي ام بيتي خلصت الكليه بالضيم والتعب ورجعت العربنه تلكوني اهلي وكرايبي بالهلال والجكليت
ابويه  كال هاي المره لازم تظل هينه بعربنه هواي بلغ بيت الحجي خلي يحيرون بشغلك لان نريد نسوي حفله جبيره وراح تجي الوادم تهني وتبارك عيب يجون ومايلكونك هينه وعدنه دكه شغل وترتيبات بست راس الحجي وراس الحجيه وحظنتهم كلتلهم الفخر الكم وصلتوني الهيج مرحله والفخر البخيتي إخلاص وبنت عمي فتنه يدللني دلال  كال ابويه والفخر الك ظليت على اخلاقك وتربيتك ماتغيرت ولا ماشيت واحد ردي 😍