يشبهني ولكن

انه الربيت والغيري يصيرون

چاا وڜبيدي هو اَلكاتبه الله يصير
بس مليت
اَي مليت مامڜ واَدم آلتدري برواَزيني
مامڜ وآلنجوم ابعاد
كون اَگدر اسامرها وٱبچيها وتبچيني
يسبحانكٰ اخذ عبدكَ
  تراه الموت مو صعبهِ
اليموت آحسله هم يرتاح
هم يتگرب لربه
#اوجاع💔

فتنه : عيني مالتها من نور ومن دز عمي خبر كال يطلعن البنات يتفضن كلبي وجعني وظليت اراقبها ومن شفت ابن عمها اجه وهي تتهامس وياه ويدحجون صوب المكان اليكعد بي حسن جسمي صار يرجف مثل السعفه ظني طلع بمكانه وكلت هاي عدها غايه شفتهم مشو واني ظليت امشي وراهم ماخليت هم يحسون الحد ماوصلو للغالي ختلت وره الأشجار قريبه حيل منهم وسمعت كل الكلام وخليت ايدي على حلكي ماردت يسمعون صوت البيجي بس ماكدر كلبي طك وبجيت بصوت عالي سمع حسن صوتي وركض وراي بس بعديش ساعتها ايست من رفيج عمري من عشك روحي وخليت وانهزمت رجعت وتلكتني إخلاص وحجيت الصار والجره وهي هم طكت بجي وكالت هذ حظج من الدنيا شبيدج على أمر الله
حسن: حظرت نفسي وزينت شعري ولحيتي ورجعت اسولف واضحك وكمت ما اروح الذاك المكان والكل انتبه على التغيير وتولوني هاا شرجعك ذاك حسن الاولاني طلبت من إخلاص تحظرلي جنطتي كلتلها تسويلي معجنات كالت كل مره فتنه تساعدني بالمعجنات وتسويلي واهس هسه شلون راح ادبرها وحدي كلتلها والله مشتاقلها ليش كطعت بيه جاوبتني إخلاص بعد شعدها يمنه خليها الها الله اليصبرها صار سنين تبني آمال تالي عمت عيني تفلش حلمها وصار حدر التراب كلتلها وشبيدي اني هم ما مرتاح لان اذييتها بدون قصد😔

رجعت الشغل وليل ونهار عيب هواي أخرت خياط الناس وحسن لزم الشغل ويه إخوته ومرات يجي يمنه ونظل نتناقش عالفصالات وطريقة الخياط لان جديد عالشغل بس الحجي كام ميدزني للبيت مالتهم صارت بي خوفه ونور من يوم الجتي العربنه بعد ماشفتها مرت ايام وراحت ايام وماشوف غير اسم نور طلع على شاشة الجهاز استغربت لان اني محذرها متتصل بيه احتراما والاهلها والسمعتها المهم فتحت خط حجيت بعصبيه خير شعندج متصله كلتلي على كيفك اظطريت واتصلت احجي اسمع اختصري اكلك اجوني خطابه وخوش قسمه اهلي يكولون متتفوت هاي القسمه والولد قبل اكمل دراسه بعد الزواج واتعيين لكن بالخارج لان هو مقيم بره واني كمت انشال وانطب بالكاع كلتلها كافي تعددين مميزات الولد حركتي كلبي باجر احاجي ابوج وخلي شيصير يصير مانمت الليل كله انتظر شوكت يصير الصبح وبس كشف الجو رحت فتحت المعمل لان المفاتيح عندي وبدو العمال يجون واني انتظر الحجي شوكت يجي وكفت بالباب الوب رايح راد اجه الحجي هو اولده كالو شبيك حسن انت مو تمام اليوم كلتلهم لا مابيه شي اكو حسبه ابالي الحجي كال خير حسن تعال خل نسولف كلي فوت للمكتب وسد الباب فتت كعدت كال خيرك عمو شبيك محتاج شي عندك مشكله وتحتاج احلها بس كول كلتله عمي الحجي من الاخير اني ريد بنتك نور واتشرف اناسبكم وكف على حيله وفتح ايده اثنينهن كال تعال ولك صدك تحجي وحظني وكال اسعد ايام حياتي هذا اليوم كلتله عمي بس الحد ما اكمل دراسه مايخالف كلي مايخالف ولا يهمك هنه تلث سنوات  والسنين يركضن ركض
نور :ابويه بلغ اخوتي وعمامي بس الكل اعترض لان حسن بس حجزني عود وره ميتخرج يالله يجيب اهلي بابا كللهم شوكت متشوفون حسن تصرف تصرف غلط ساعتها من يمكم اتصرفو براحتكم مالومكم شمتسوون
حسن : راتبي الاخذه من شغلي ابويه الحجي ميقبل ياخذ منه لان اهلي خير من الله بس انطي مصرف للحجيه وآل اختي واشتري هديا كل شهر الامي والاختي والبت عمي والولد اخويه والباقي اكلي وشربي وايجار فندق ومصاريف دراسه واضم شي قليل منه
نور نجحت وقدمت على نفس جامعتي كلية اللغات لغه انكليزي مرات اشوفها بالكليه واحد يباوع للثاني من بعيد لان نطيت كلمه والاهلها يوم من الايام صارحت إخلاص كلتلها خطبت نور وره ما اتخرج اخذكم تمشوون عليها كالتالي شلون تتصرف من كيفك هاي ابد مامقبوله يخوي عندك اهل وعشيره شتكول علينه ألناس مايحترم اهله وكرايبه كلتلها يولي يمدهوره افتهمي ليش هيج تصرفت اجوها خطابه وتقريبا أهلها وافقوا واني ردت بس تصير الي اني ما أكدر اعيش بدونها كالت والله شمتحجي محد يقتنع ياخوفي من الايام الجايه اكظب لسانك يخوي خل نشوف شلون تنحل وانتي هم اكظبي لسانج لتحجين البشر بس الفتنه راح اكول أريدها تأيس منك وتشوف حياتها يوميه خطابه نجيها وكلهم أحوال اوظايف بالدوله كلهم صماخات خوش لعد خبريها لاتحجي البشر والله يكون بعونها