يشبهني ولكن

بلايا وداع

عريان السيد خلف يكول

بلايا وداع
مثل العود من يذبل بلايا وداع
ومثل الماي من ينشف بلايا وداع
تدريني هرش وأوجرت بيه الكاع
يارخص العشك من ينشره وينباع

فديت متابعيني يمه فدوه إلاالله والعطيته
طبعا أصعب شي الفراق والأصعب منه الوداع
بس هنا بقصتنه كل شي محبوس بين الضلوع الفراق الضيم والوداع
يوميه الصبح اذا الجو صحو نكعد نراجع دروسنه وماما تكول احسن هم أتهيئون جسمكم للبرد لان وراكم طريق ودوام
كالعاده يوميه تجينه حجيه فرحه زوجة حجي شجاع ياعمري ياحجيه حلوه ومرتبه
بس من تجي من بعيد تأشر نظل نتعارك
اني واخوتي نروح ناخذ الجايبته
حل للمشاكل يوميه واحد من عدنه يتلكاها
اني البارحه تلكيتها وخذت منها العلاكه
كان بيها خبز حار وبيض عرب وجبن
اليوم سره ايهان اجتي الحجيه تتعثر وديره بوجهها يمنه ويسره عبالك خايفه لا أحد يشوفها اشرت من بعيد طلعت إيهان تركض
حظنت ايهان حيل وتبجي وتكول شبديدي الظالم 
اجتي ايهان تسحل العلاكه سحل ومقهوره
كلتلها ماما شبيج كلتلها اكلج ماما خطيه الحجيه حظنتني حيل وتبجي وتكول شبديدي الظالم ماما يعني شنو هذا الكلام كلتلها ماما يالله تعالي نكمل مراجعه بسرعه حتى نتريك فتحت اني العلاكه لكيت بطل حليب وخبز حار وجبن وبيض وفرقان يبحوش بالعلاكه
صاح ماما الله خبز حار ماما اريد بسرعه اتريك جعت
اي ماما خلص بس هاي الصفحه اقري ايهان لان شلعت كلبي تريد إلا عشره تاخذ اليوم
وإنتي جوجو اذا كملتي روحي اثرمي الجبن وثرمي طماطا وطلعي شويه زيتون بس الحليب ضمي اريد اسويلكم كيكه وحلويات
كلتلها نعم ماما تدللين
وآني وصيت ابوكم يراقب القوري خليته عالتهدير اني مثل بابا نموت على بيض العرب
كال بابا هيا بنا ياست جوو نعمل بيض عيون
واني اصيح هيا بنا
والجاي من ست الحبايب مهيل تمنيكم ويانه
كملنه ريوك ولبسنه بس الكاع بعدها طين
قبل يومين مطرت ومايبست الكاع
وماكلتلكم من نطلع نمشي الجلاب تلحكنه واحنه نخاف بس كل مايسون بس يمشون ويانه من نوصل الشارع العام يرجعن
يوم من الايام فرقان كله بابا شنو الجلاب يفتهمن من نوصل الشارع العام يرجعن
كله بابا هذني رابيات هنا ويخلفن هنا يعرفن ريحة البشر مايأذنه كله هاا بابا يعني يحرسن البشر كله اي بابا متشوفهن يوصلونه للشارع العام ويرجعن
بهذا اليوم احنه ونمشي تلكتنه بنيه شابه منقبه بالريف مثل ماتعرفون يضمن وجههن كله النسوان يطلعن بس عيونهن يخافون على وجههن من الشمس والبرد وهم للستر هيج
فهمونه بابا وماما من سألناهم ليش النسوان هنا من يطلعن بره بس عيونهن تبين
اجتي شابه بتجاهنه تمشي سريع وتتلفت ساعتها مادري ليش صارت الحجيه فرحه ابالي
المهم جتي وحظنتنه اني واخوتي واحد واحد وتكول افيش ياريحة الغالي ورجعة حظنت ابويه وحظنها وخرها بسرعه كاللها إخلاص
احجي بسرعه شعدج واكفه بدربي كالتله الخميس تجي المشايه عليه وادري مابيدك شي بس كلت من الواجب ابلغنك
كاللها بس كون برضاتج مو حابريج كالتله لا والله برضاتي بس شلون راح افارك طولك الاشوفه من بعيد قسمتي اروح البغداد وأبعد عنك يسباح كلبي ويارفيج صباي
عوفج مني ودحكي على مصلحتج وراحتج ومدام راح تطلعين من هينه راح أكدر اشوفج من غير حسيب ورقيب
اي يبعد روحي والحمد لله بيت الوحدي ماوياي عيال امه ابوه رايحين الرحمة الله من جان زغير وخوته حالتهم جثير زينه عندهم بيوت وأشكال وألوان
بابا كلها بسج عاد وروحي للبيت لاتجيج حجايه من وراي حدري بسرعه يمن فدوه رحتلج