يشبهني ولكن

أسيرة الظروف

يا عازف الناي

يا عازف الناي ان الناي ابكاها
ذكرتها بالذي قد كان يرعاها

ذكرتها بحبيب غاب من زمن
واليوم جئت لتشعل نار ذكراها

اقصر فقد هاج ذكراه بخاطرها
فاصفر من حزنها منها محياها

ماحالها وهي طول الليل باكية
لو كنت تحضرها تبكي لمبكاها

ويح التي بات ثقل الهم يوجعها
والحزن بعد سرور قد تغشاها

ينتابها الم من فرط محنتها
ليت الذي فارقت يدري ببلواها

كانت نست زمنا فيه سعادتها
اذ كان دوما حبيب القلب يرعاها

لكن دهر الاسى ماكان يتركها
وانه بعد طول السعد اشقاها

لي
عباس كاطع الحسون/العراق

نور: اخذو حسن من حظني واحذو كل شي حلو وياه اخذو روحي وكلبي واحلامي وعشق السنين اخذو تضحيته تارك اهله وأقاربه ومكابلني واخذو وحبه وحنانه واني قفلت باب غرفتي ومكضيتها بجي النوم فارك عيوني لا آكل لا اشرب ابويه واخوتي رايحين رادين للمستشفى الحد ماصار زين واخذه ابوه البيتهم اني بين الفرحت لان طلع سالم وبين النقهرت لان مادري شوكت بعد اشوفه بعد يومين من طلعت حسن من المستشفى اجتني ماما كالت كومي اشربي العصير وصحصحي عدنه حجي وياج من الخوف والقلق شربت كلاص العصير كله كلت الماما خير شقررتو
كالت ركزي ويايه انتي بنتي الغاليه ومو هين عليه اجبرج على الزواج لان ادري الظلم حرام
بس ماكو غير حل لازم نحقن الدماء لان راح تصير ثارات وقتل ومقتول من وره ابن اختي الأرعن انتي عاقله ومنهون عليج واني صافنه ودموعي تجري جمدت بمكاني حسيت اني والميته سوه امي من شافتني هيج كامت تشهك وتبجي وتدعي على خالتي وابنها وحظنتني وكامت تصيح معقوله بنتي تصير ضحيه معقوله اطيح حظها بيدي يربي شلون حلها من يمك هدأت ماما وكالت لا عبالج مادري بعلاقتج بحسن صار سنين ملاحظتكم وساكته لان فرحانه بيكم واعرف حسن شنو وتمنيت حسن يصير روج البتي بس الفرحه ماتمت اسمعي ماما قررنه الخميس خطوبتكم انتي وهذا الأرعن اريد تتصلين بحسن وتنهين كل شي هو من حقه يختار شريكة حياته لازم تصيرون أمام الامر الواقع وخلتني بنص النار وسدة باب الغرفه وطلعت قدمتني كبش فداء واني مدا استوعب شنو ازوج غير حسن شنو شخص يلمسني غيره وشنو آكل واشرب وانام وامارس حياتي ويه إنسان حقير دمر حياتي كمت أصيح ليش ولكم اني بتكم مو كبش فداء اني عزيزتكم بسرعه صرت رخيصه وتريدون تشمروني هيج شمره بابا سمع اجه يركض شافني اكسر بالغراض ماخليت شي ماكسرته كال لا بابا لا انتي روحي وعيوني الاشوف بيها بس هذا قدرج والله مو سهله عليه انطيج الهيج واحد بس شسوي لعد احسن لو هو يقتل احد من اخوتج لو اخوتج يقتلوه ونظل واحد يقتل الثاني واحنه كرايب بلكي يعقل ويتغير من تتزوجون هذا الكلام خبلني اكثر كمت اكطع بشعري كتله بابا شدتحجي انت متعرف كل شي اقتلني وماازوج هذا المخبل كال بابا فهميني اكو شي اكو شخص ابالج ظليت ساكته شحجي كال بابا خلص اعتبري كلامي أمر افتهمتي احترمي قرارنه وخلي نطفي نار الفتنه خليت ابويه يطلع واتصلت بحسن فتح خط واني احجي وابجي وهو خطيه مابي حيل بالكوه يحجي
كال شبيج يروحي ليش تبجين اني صرت زين كلها ايام وارجعلج بس اصير زين احاجي اهلي واجي اخطبج كلتله شلون تخطبني واني انخطبت راح يزوجوني غصب حتى ميصير قاتل  ومقتول حسن حبيبي هاي آخر مره تسمع صوتي انت من حقك تختار شريكة حياتك الحياة لازم تستمر وهو يكول شبيج شنو مد استوعب هاي انتي تحجين هيج شلون نطاج كلبج وبكل وكاحه تحجين كلتله والله موبيدي اعتبرني ميته وسديت الخط بوجه حياتي بوجه أغلى الغوالي
مابقه شي للخميس اليوم ثنين وخالتي فايته طالعه تهلهل وتجيب أشكال الهدايا الي واحنه كلنه بالبيت مطايقيها نباوعلها بالعين الزغيره امي كل ماتطلع خالتي من تجينه تكول ساعة السوده الصرتي انتي اختي الله يشيلج انتي وابنج
اتصل عمو على بابا كله باجر نجي ناخذ نور نشتري النيشان كله بابا يصير خير ان شاء الله راح الماما كلها حظرو نفسكم باجر تروحون وياهم تشترون النيشان اجتني ماما كالت نور لتصعبين الأمور فدوه ماما باجر حظري روحج يردون بيت عمج تختارين النيشان كلتلها اسمعي ماما الباب البيت ما اطلع تره اقتل روحي وشتسوون سوو صار الصبح اجتي خالتي تلعلع وين عروسته الهسه ما جهزت روحها ماما كالت مصخنه نور فد مره اليل كله تون وتلوب من الصخونه وجسمها كله يوجعها خالتي عاطت خلي تجبر روحها وتجي ويانه مناك اني أخذها الاخصائي على حسابي ماما كالت شبيج مريم دا اكلج فلاونزه قويه انتي ممجربه الفلاونزه لو نسيتي روحج من تمرضين شيصير بيج كالت وهسه شنو الحل كلتلها عادي اني اختار الذهب والحلقه والمحابس على قياسي لان اني ونور نفس القياس كالت هاي هي يالله نتوكل
وماما رادت تنتقم من خالتي مشتريه ذهب ثكيل حتى حزام ذهب ماخذتلي وخاله خالتي تكمز بس متكدر تحجي
أوس: اني صارت بيه حاله نفسه خاتل بالغرفه وارجف وآكل بروحي شلون هيج سويت شلون وصلت الهيج مرحله صرت اشوف الدم بكل مكان بالغرفه اجتي امي كالت اشترينه النيشان وعكب باجر الكعده ونجيب السيد يعقدلكم وتبوس بيه يمه فدوه يمه ابني صار عريس كلتلها وانتي منو كلج تصرفين بكيفج اني غيرت رأيي ما اتزوج نور جان تخرمش خدودها وتكول عزه العزاك اذا صدك  وراحت جابت ابويه عليه كال لك ابن القندره شكايل الامك كلتله اي بابا هذا قراري كال ولك اكسرك تكسر احنه مو لعبه تلعب بينه يوم اريد نور يوم ما أريدها خلص صير عاقل الخميس العقد مالتكم