يشبهني ولكن

انت انا وانا انت

الحچي يوجع بالوجه خله بگفاي
خاف لايلچمني جرح المستحه
ريحة معزب اعله بابك من افوت
وصوت حنيتك صعب من اشرحه
كسرة الخاطر ترد كسره بخطاي
زحمة من الشوگ لو ردت امسحه
تالي عمري وياك اصفه بتالي ليل
الفرگه ذيج مبينه كلش واضحه
لملمت روحي بصباهة الضاع بيك
يالخيالك بعد ما گمت المحه
روحي خضره بلهفه جابتني عليك
رغم ما شالت حزنهة مفرفحه
بين ملگاك وحسرتي هوايه ناس
الصحه يمك چان هسه ما صحه
المحب لو ما محب ما شم هواك
صوابه حار الگلب بسك تجرحه💔

ظلينه واكفين على صفحه الحد ما كمل صلاة بس مو ذاك الاعرفه متغير وتعبان وذبلان من شافنه صار عصبي وجهه احتقن صار احمر أوس كال السلام عليكم ومد ايده حتى يصافحه حسن بالكوه مد ايده وكال مبروك الخطوبه يوم زواجكم انشاء الله حسن ضحك بصوت عالي كله خير ليش تستهزأ بعدك نفس اخلاقك لا عبالك ناسي دكتك ويايه وشلون ردت اموت بسببك بس اني ابن اصل وما انكر العشره والزاد والملح والف عين لأجل عين تكرم كله اوس عاد كول تفضلو اكعدو شربنه جاي عاد كله تفضلو اكعدو صبلنه جاي وشربناه كال الاوس شعندك جاي شكوات عينك بياعين جاي انت وياها وانتي شنو هالصلافه العندج والوكاحه جنت مغشوش بيج ويوم على يوم طلعتي حقيقتج اني صارت دموعي تجري آوس كله انطينه عطوه خل نتفاهم كله المثلكم مايرهم يكعد وجه بوجه كبالي اني حجايتي وحده وما اخون صاحبي وللموت اضل وياه ولا اعبر على حد غيري يالله شربتو جايكم أنطوني كفاكم خلوني اشيل الفرشه والستكايين الشربتو بيهن اوصي البنات يرموهن بالزبل اني بعد كمت اشهك وابجي عاد ساعتها انفجرت وصرت عصبيه وكمت احجي بصوت عالي بدون وعي كتله حقك و موحقك بنفس الوقت هيج تحجي وترزل بينه واحنه خطارك
  وتأخذ موقف من عندي حاولت اتصل بيك وافهمك الموضوع وانت مانطيتني مجال اني احجي وهو صاد وجهه بغير صفحه تره لا انخطبت ولا لبست حلقه ولا حفله ولا هم يحزنون صح اهلي جبروني ورادو يتصافون ومارادو احد ينقتل لان اوس كان متهور وكال اقتل وانقتل ويوميه هاد بس َمن صوبك وشاف وضعك اوضع اهلك وحزنهم عليك  وشاف اهلي وكرايبي متبهذلين حس على روحه وقرر يتركني الحال سبيلي وهسه اني وياه اخوه واصدقاء شويه شويه حسيت حسن هدأ  كام يرفع راسه يباوع عليه ويرجع يدنك يسوي روحه ممهتم أوس كله خويه حسن اني دايس بصاطك سامحني على كل السويت بيك ودنك كله ركبتي هاي كدامك تريد تاخذ بثارك مني تريد تسامحني ظلت انت ومروتك حسن جر اوس وباسه كله ولا يهمك يخوي من اليوم انت اخ وصديق واتشرف بيك رجع اوس اندار عليه كال وانتي يبت عمي خوما بعد عندج غيض مني كلتله لا والله من يوم الرجع عقلك الراس سامحتك جر ايد حسن وحطها على أيدي كله هاي بنت عمي ماتلكه مثلها ولا هي تلكه مثلك والله تحبك ومخلصه الك لا تضيعها من ايدك والدمعه مغرغره بعين اوس هاا يخوي شكلت هاي هي ترجعون احباب ومايقرقكم بشر حسن كال وعد مني كدامك ما اتنازل عنها ولا اعوفها للموت مدام اجتي وبررت كل شي وطلعت مشتريتني وضحت وتحملت كل شي الخاطري اني هم راح اضحي واتحمل كل شي الخاطرها وجر ايدي وباسه وضل يباوع بوجي ويبتسم ورد وجهه يضحك رجع ذاك الاعرفه وذاك الأحبه هو هو

شويه وسمعته صوت بنيه تبجي😭 صاح حسن منو هناك جان تخلي وتركض عاد حسن راح وراها عرفها طلعت بت عمه ركض وراها يصيح فتنه غاليتي ردي بداعتي ردي يعيني وهي تكله ظل يم محبوبتك لاتجي بعد صوبي ولا تكرب تره اموت روحي هو وكف بمكانه وكال واني شلي بروحي بدونج وبجه😭 كتله حسن تبجي علىها من كل عقلك وكدام كلي هاي قطعه من روحي مافاركتني ومتحملتني بكل حالاتي ومدللتني مثل الام من ادلل ابنها😔 كلتله المهم راح اسوي روحي ماسمعت ولا شفت شي لان اني مصدكت رجعتلك يالله هسه روح اكعد ويه الزلم ابويه واخوتي جايين عليك غسل وجهك وامسح دموعك من اروح فدوه الك والبت عمك الطلعتلي صفح
حسن: غسلت وجهي ورحت صوب الزلم شافوني من بعيد الكل فرح اوكفو على حيلهم خلصت روحي بالكوه من السلام والمباوس
كعدنه وتعللنه والحجي ابو نور كال هاا هاي هي بعد صرت زين تعال يمعود زباينك اكلو وجهي وصارت مشاكل يردون خياطهم كلتلهم اني لو اي واحد من الولد نكمل خياطكم ميقبلون اليكول مستباختين على حسن واليكول محد يجيب القياس مثله كلتله هاي هي حجي يومين اسبوع الجاي اني يمكم مايصير خاطرك الا طيب كلي كفو منك
والله والنعم وثلث تنعام منك ومن اصلك