يشبهني ولكن

اعز ناسي ظلموني

عريان السيد خلف يكول :
اعز من روحي وانت اعز مني
ياحسبه خاويتها من صباي
بطلت صفنتي ومابطلت مني
احس كلبي الفضي متعوب حد الويل
وادعيله الصبر عن لا يفشلني
جسيت الليالي بمورد الحلوات
وسنين العمر بالشعيب جسني

رجعت للبيت وكالعاده تتلكاني نور مخنوكه تنزعني الدشداشه والجزمه تبجي وتمسح بدموعها متريد تحسسني رفعت راسها كافي عاد متعودتي هذا صار روتين تحظني وتكول شلون روتين صعب كلش ياريت ماتزوجتني ياريت ما وافقت عليك كان انت هسه معزز مكرم خليت ايدي على شفايفها كلتلها اش ولا كلمه ما اريد اسمع هذا الكلام
حبيبي ابو جيهان لشوكت تحمل ظيم
لشوكت تباوع من بعيد عليهم وتتحسر
ما أكدر اشوفك هيج واظل ساكته
خليني اروحي اعتذر منهم خليني اتوسل بيهم
لج عيني اسكتي هي كوه لو مرووه تعالي
يابعد عمري خلي اغسل وجهج ونسوي شي نشربه وربج منتظل هيج
نهونها وشنو كملي المثل العلمتلج عليه جاوبته بابتسامه ولازمه ايده بثنين اديه
نهونها وتهون
اخذنه الكهوه ورحنه الغرفة الخياطه وبدينه نفصل ونخيط اني يجيني خياط اكثر منه بشويه بينما حسن شي قليل كل شكم شهر لان يخيط دشاديش رجالي ظال على الكفه لو الفتك لو يصغر بناطير الجهال مرات يعرضهن وعلى هذ المنوال مرات منحصل غير كلمة مشكور ومع السلامه
مرات يجيبون صوغه بدال الفلوس مثل خضروات لو جبن لو حليب
مرات فلوس بس شي قليل نستحي نتجادل وياهم لان من نفس العرب وحتى لو يجونه من غير عرب يجبولنه شغل
هم نستحي
اكلك حسن لشوكت هذا الحال
تدري من وره الطين شكدنستهلك ملابس للمدرسه ويتشككن لان يوميه غسل وشكد نشتري دوه يوميه مرضه
ودفاتر واقلام وشغلات للمدرسه شكد يحتاجون
كال نور يابت روحي شسوي وين انطي وجهي وين اولي
هذا حظنه من الدنيا ولازم منجزع لان الله مع الصابرين
مايحتاج تذكريني
بس اصبها اردها مدتجي على المرام
وارجع واكول نهونها وشنو جاوبته وتهون
ونبتسم بالكوه وعينه بعيون بعض ومغوركه الدمعه بعيونه