يشبهني ولكن

هلي يامن ضيعوني

▶️ شاهد مقطع ريلز هذا
https://www.facebook.com/share/r/gMatSiLZcHWaVG6S/?mibextid
=qi2Omg

طبعي گهوة شما تعضني النار حيل
أكسب من النار محمود الصفات
روحي ابوها الظيم وامها المستحيل
هية وسنين الگحط ولدن خوات💔

رجعت اتصلت بنور وحجيت الها كل شي اني احجي وهي بس تكول هاا اي هاا اي وتسكت واحجي وياها كلتلها شبيج اني ويامن احجي شنو معاجبج المكان تره على كد فلوسي واني بعت اهلي وتعرفين شنو اهلي ومكانتهم بالمجتمع كالتلي اي حبيبي ادري والله بس شلون اقنع اهلي وكرايبي والله يانور هذا العندي مكذبت عليج وانتي رضيتي بكل شي كالت اي والله راضيه معقوله كل هاي التضحيات القدمتها الي اكون جاحده حياتي هاي هي وين متوصل خلي توصل راح أبلغ اهلي الصبح هسه مو خوش وقت😭
نور : تمددت بالفراش ما اجاني نوم اتكلب مثل السمجه المزوهره احجي ويه روحي شلون راح اتحمل هيج عيشه صعبه وبيهيج مكان ياربي شلون أرفض وارتاح وهم هو خطيه شنو ذنبه يعيش هيج عيشه احنه اثنينهن مو مال هيج شي لازم اوصله فكره باسلوبي خلي ننقهر خلي نبجي ولا نظل طول العمر مشلوعين كلب أطفالنه بالمستقبل شنو ذنب هم يتحسرون على ابسط شي 😭
صار الصبح واني كاعده نزلت اركض حتى الحك اتريك وياهم واسوي تمهيد للموضوع
صباح الخير سلمت كلهم تفاجئو شعجب كاعده من الغبشه ضحكت كلتلهم جوعانه تريكوني وياكم لو ارجع انام بابا كال اكعدي ام السان همه بدو ياكلون يحجون ويضحكون واني صافنه بس اخوط بستكان الجاي امي صاحت يمعوده خطيه الستكان شنو ذنبه كسرتي من الخوط وبابا كال وينج مو تكولين جوعانه كلتله من شفتكم شبعت كلي شوفي انتي عندج قنبله وتردين تفجريها اني ابوج ومحد يعرف بدروبج اي بابا عندي حجي بخصوص المكان الراح نسكن بي اني وحسن وحجيت القصه بما أنزلت امي ضربت وجهها وكامت تبجي ابويه صار عصبي اخوتي كامو ويشمرون بالمواعين ابو حاول يهدهم كللهم روحو للشغل كبلي واني اجي وراكم
بابا ليش هيج مو كلتله تعال اكعد بالمشتمل بابا شسوي تدري بحسن ابن عز ودلال كرامته فوك كل شي ولج انتو اثنينكم مو مال بهذله وحرمان بابا هاي هي هو باع اهله على مودي وطردوه يعني شتريد اخذله اكله اني مو مال هيج شي هاي بابا هذا حظنه لازم نجازف ونتحمل هو متخله عني وراد يموت بسببي
ماالكه إنسان يحبني ويضحي بروحه مثل حسن
بابا : بهاي حقج حسن من الزلم الزينه والينشد بيهم الضهر واني اريد زلمه يحب بنتي ويحميها من هذا الوكت الاغبر
ماما فدوه كافي بجي افرحيلي اتزوج الإنسان الصح مو انسان مزاجي مال يوم ويومين ويرجعني عليكم هم ياريت بس اني ارجع ارجع ورايه يمشون كومة جهال مسحت دموع امي بايديه وحظنتها كلتلي بالخير عليج ماما اني والده وتمنى الخير والسعاده الولدي وانتي الزغيره المدلله ماادري شراح يصير بيج بهذا وكتنه هسه لو عايشه شكم سنه بعز ونعيم وياه وبعدين تواجهون هيج ظروف جان كلت الوكت مال َوياهم وغصبا عليكم لكن تاخذون هيج قرار وبأول حياتكم لا صعبه حيل صعبه يالله ماما بس كولي شايفين كل الخير اريدج تدعمينه بدعائج الحلو
اتصلت بحسن كلتله هاي  هي توكل على الله قنعت اهلي كال والله الله عليج تحجين صدك لو تجامليني كلتله وغلاتك حبيبي احجي جديات تريد نروح اني وياك لو على ذوقك كلي لا شلون غير غرفتج وبيتج هذا اكيد ذوقج الأول والأخير حبيبت روحي
رحنه دورنه تكسرت رجلنه ملينه شي مناسب حسن كال اوكفي خلي اتصل على ابو عمر حجي السلام عليكم متعرف مكان بي غرف زينه ومناسبه لان تكسرت رجلنه من الصبح الهسه كلي قصرت والله غير تسالني اني راح اتصل بصديقي ابو جلال واوصيه عليكم وانتو اخذو التردوه اني اتعامل وياه لتنطوه فلوس والله رحنه شفنه غرف تكمه وتجنن نور شافت غرفه ماتت عليها او المعرض كال اخذيها راح اكص وصل كلتله اوكف رحمه لوالديك مبينه غاليه احتمال منكدر على سعرها كال لا اشو تاخدوها وهي رخيصه احنه مسوين تنزيلات لان نريد نفرغ المعرض كاصين هواي غرف من تركيا راح توصل بعد عشرة ايام والمعرض شوفت عينك مليان والحمد لله رزق خير من الله كال روحو للبيت هسه ادزها بيد العمال واحنه هم مناخذ أجور توصيل تشكرت منه وصافحته وطلعت رحنه للبيت الاجرناه من بعيد شفت الباب مفتوحه كلبي كام يوجعني كلتلها نور ولج الباب مفتوحه بس لا اجروه الغيرنه كالت يسويها الحظ دمشي خلي نفتهم واول موصلنه نسمع صوت هوسه نسوان وجهال فتنه للبيت لكينه ام عمر كاعده على الكرسي والصوندا مال المي بديها ترش والنسوان يغسلن والجهال شايلين ماسحات وبنات شابات ينظفون بالجام كالت فوتو يمه شوفو بيتكم كلتلها خاله شنو هاي الزحمه كالت لا زحمه ولا شي احنه هنا كلنه بيت واحد وأهل ونعون ونعاون هسه تعيشون يمنه وتشوفون شلون عايشين وشلون كلنه بيت واحد وجدر واحد دنكت على راسها وبستها
نور: دنكت وبوستها وجني كلي النسوان والبنات سلمن عليه وحظنني حسيت صدك اني بنص اهلي فدوه شكد طيبين نزعت حذائي وردت اساعدهم كالت ام عمر اوكفي خاله يتوسخن ملابسج  بناتي نفس جسمج ويعوفن ملابسه يمنه يتعاجزن يجيبه ويودن روح حسن خلي ابو عمر ينطيك دشداشه من كنتور البنات كلتلها والله زحمه استحي كلتلي شوف خاله هاي المجاملات ماعدنه روح ابني يالله خلي تساعد البنات وهم تتعرف علىهن رحت جبت الدشداشه ونور غيرت ملابسها اني عفتهن ورحت كعدت يم ابو عمر بالبسطيه ومن يجون هواي جهال اكوم اعاونه ابيع وياه اتشاقه ويه الجهال كلتله متلام من اختاريت هاي الشغله حلوه وسهله وتفرح الجهال كال هاا هسه عرفت ليش اشتغلت هيج شي واني مو بحاجه للفلوس كلتله وين جنت غايب عنكم ياريت من زمان متعرف عليكم كال دكعد لعد هسه يكملن شغلهن ويصبن العشه كلتله حجي النوب عشه كال اي خلي نظوكك دولمة نسوان المحله وتشريب الكبه والعروك وخبز البيت حتى منا وهيج تتعلم مرتك  الطبخ مالتنه
حسن : البيوت هنا كلهلن بيهن حوش يعني غرف هواي وبالنص طرمه جبيره يسموها الحوش
ظلينه نسولف واني صدك حيل جعت مماكل شي عالريوك نسينه نفسنه ماطبينه المطعم وتغدينه اني ونور التهينه بالغرفه
شويه واتصلت الحجيه كالت لابو عمر عزل وتعالو تعشو فتت البيتي لكيت فارشين سفره شكبرها للزلم بالحوش والنسوان بالهول صدك الاكل طيب ويشهي وريحة الطرشي والدولمه تارسه البيت شكد حلو ياكلون ويحجون ويضحكون واحد يكله الجاره شلون ابني حمندلي سحل حنش سحله ابو حنش يكله ديله الجاليات هواي إله يجيك زحف حمندلي النوب ابو اشواق لاف راسه كالولها ها بيمن ظربتك بثليثيه لو بنص طابوك مشندخه هو غص من الضحك كال لا ولكم خلوها سكته سحلتني وركعت راسي الزاويه مال الحايط وكلنه متنه ضحك واحد اسمه علي النجار كال ولكم اليوم ماسألتوني ليش عزلت من وكت كلوله اكيد عمتك سوت الواجب وياك كال اي والله بس ربكم حميد كاعد اباب المحل واشوفها متحزمه بالعبايه وشايله توثيتها المعدله كلت للصانع اني راح أفلت وانت عزل المحل كلي روح استادي اليوم فلتت باجر شلون شجاوبه بلعتها وسكتت ختلت بمطعم الكباب مال بيت عليه واسمعها تلعلع وينه ابن سعوده الحافه وينه هذا الا اكسر ظهره الا أعلمه شلون يمد ايده على بنتي لكم عيني شلون صوت وشلون فشار مشكل جوز ولوز وفستق وبندق واني اختض مثل السعفه وهذا ابن عليه يكللها حقج حيل وياه بنات الناس مو لعبه مو عدنه نسوان مدلليهن دلال النوب شيشها عليه بالزايد وكامت ترعد رعيد تالي ملت وراحت وهاي اني كدامكم حيا ارزق🤣