الينام وبيه وجع يتكلب هواي بحيث أتضوج من عنده المخده وتجي الحسبات أشبه بالمراجيح هاي التاخذه وذيج الترده الهوى يغمض توالي الليل وينام بس البيه وجع يكضيهه كعده نار الفركه تجوي بلايه دخان وكلبي المحترك دمي اليبرده ترى الفارك عزيز مجرب الموت عادي ويه المكابر يبقى وحده ترى خيط الضماد تفتحه الأهات اذا الدكتور ماخلا له عكده ومنو اليكدر يشدلك جرح الأفراك الدمع لو طاح بس الخد يسنده تجي ارسوم العزيز بساعه النوم وجفن عينك بعد جيب اليسده اللهي اتسددت بوجوهنه البوب بس بابك دخيلك لاتسده
بنت عمي صخنت صارت نار وآنه متت قهر لان أعزها معزه بس الله يدري بيها صرت اسوي الها كمادات ونطيتها كبسول وبراستول وهي ترجف وتهذي بسمي وطلعت كل البكلبها وآنه شبعت قهر عليها اختنكت وبس اريد اصرخ واطلع نار كلبي بجيت تدرون دمعة الرجال غاليه وصعب عليه يبجي بس ما اتحمل اسمع كل هاي المشاعر واكوف شامخ وبكل قوتي هي مو بس بنت عمي رفيجة دربي ماتفاركنه ولا يوم خطيه نزلت دموعها وظلت تهذي وتكول يمته تحن ويمته تحس بيه مسحت دموعها بيدي وبس اديها وجبت ايدها وخليتها على كلبي كلتلها ولج شحس بيج وهذا الكلب مو يمج ولا بصوبج يبت عمي دمرني العشك وهد حيلي هي بس مغمضه عيونها وتبجي صحت على اختي كلتلها ولج هاي حيل مصخنه وتهذي مو مال تروح الاهلها لازم نلكي حيله مانخلي احد يحس من أهلها ولج مرت عمي تكطع رجلها من يمنه كالت اي والله يبعد اختك اصبر اجتني فكره تروح انت وتكول العمي عود انه مريضه وهي ظلت إداريني اتوسل بعمي كوله اترجاك خليها تبات اليوم عدنه ابتسمت وكلت يمه النساوين محد يكدر الجن فعلا رحت ونفذت الخطه وقبل عمي بس آنه مارتاحيت الليل كله اروح الغرفتي شويه وارجع على الغاليه مره اسوي كمادات مره اكلب جسمها الغير صفحه وجه الصبح ويه ماخليت ايدي جوه جتفها دا اعدل نومتها لان متحركه ونازله من المخده صحت وكالت يابعد روحي وخجلت من روحها غيرت الموضوع كالت آنه الهسه يمكم شراح يخلصني من أهلي كلتلها لا يضل بالج رحت العمى وحليت الموضوع ولا تحجين كلشي محد يدري بيج غركتي يالله كومي اسبحي وغيري ملابسج بين ماسويلج ريوك كالت انت تسويلي كلت اي وشنو يعني اجه دوري يامه جانت الج مواقف وياي ماتنسي كالت شنو ترد الدين زعلت وبجت كلتلها لا ولج مابيناتنه دين اتشاقه وياج يارفيجة دربي عاد صارت تضحك وتمسح بدموعها سبحت المدهوره والوجه صار طماطه والمي ينكط من شعرها والعيون زرك ذبلانه من المرض كلت وي روحي كل هذا الجمال والدلال مايهزك
فتحت الشبابيك وصار الهوى يحرك الستاير كلت خل يتغير الجو يصير نقي وطبعا آنه زارع داير مداير البيت ورد افيش انترس البيت بعطر الورد كملت والريوك وكعدت اسويلها لفات زغار وانطيها تكلي اكل انت ماكلت شي كلتلها مالج غرض بيه بس صيري زينه بيتنه مايسوه شي بدونج كالت بس بيتكم ضحكت كلتلها غير أني من ضمن البيت مر الوقت وكعدو اهلي اني ركضت الغرفتي سويت روحي نايم هي لملمت الاكل وغسلت المواعين دك الباب عليه الحجي كال اكعد اليوم عدنه شغل جثير كتله شغليش يابه بروح اهلك اريد انام نعسان كال خوش لعد انا مو مال مفاجئات نام نوم العوافي كعدت الظهر لكيت البيت مكلوب كلاب ذابحين ومكملين كل جدر شكبره عالنار
كلت للعمال خير شكو كالو رفيج ابوك الخياط هو وكرايبه جايين الهينه اني سبحت وفلتت طلعت من البيت كلت للعمال اذا احد سأل عليه كول طلع ومكال وين رايح
إخلاص طلعت دراعات الي والبنت عمي وشحطات عاليه ومرتبه نسقناهن نفس لون الدراعات ولبسنه وتمكيجنه مكياج خفيف ومرتب لان احنه من الله حلويين صارت الساعة ثنتين وكل شي جهز اتصل ابويه بيهم كالو وصلنه خمس دقايق ونصير يمكم وصلت سبع سيارات مليانه نسواوين وزلم وبنات وشباب وجهال عينكم وماتشوف والعطور تفوح منهم أشكال أشكال ومكياج وبناطير ظيقه العرب كلها طلعت ادحج على خطارنه نزلن البنوتات وتعرفنه عليهم وكعدنه بغرفه وحدنه سوالف وضحك وهنه يمدحن بجمالنه واحنه مكيفات مسويات روحنه خجلانات 🤣بس نور كاعده ويانه وبالهنا مو يمنه احنه نحجي وهي تجاوب جواب غريب وعينها عالباب كلما تنفتح تفز ويتغير لونها فتنه بنت عمي كالت يولي هاي شبلاها ابد مامرتاحتلها اليوم الا اعرف شعدها ماعدها وعليش هيج تتصرف هالمثبوره كلتلها مالج غرض بيها انتي مريضه هي خطار شويه وتروح لاتخلين بالج وياها علينه نقوم بالواجب وبس نكرمهم على احسن وجه هاي شغلته وماكو غيرها صبو الولد الغده وحنه بس تناوشناه منهم ونور تلوب مثل سمجة المزوهره مامدت ايدها على الاكل عاد فتنه كالتها هاا خيه ماعاجبج اكلنه كولي مشتهيه شي نجيبلج كالت لا ما اشتهي قبل ما اجي تريكت كلتلها اي يخيه انتي من وصلتي الهسه موطبيعيه اكو شي إخلاص كرصت فتنه من زرها أريدها بس تسكت عيب همه ضيوف عاد هي كالت لا شنو الحجي مابيه شي وأخواتها الكبار خزرنها وظلن خجلانات كامن يجيبن السوالف منا ويردنها منا حتى منركز ويه اختهن
أوس : ابويه سألهم على حسن كال وينه من اجينه الهسه ماشفناه ابو حسن خجل متجاوب عاد اخو حسن كال صاحبه مريض وراح من الغبشه وياه للمستشفى عاد الكل كال والله كدها وكدود عاد حسن مشهودله ابو الوكفات زلمه معدل عاشت ايد الرباه عمام حسن وابو كالو حياكم الله هذا من اصلكم الطيب
الحجيه عبير ام نور كالت الامي حجيه وين حسن شعجب ما اجه سلم عليه والله مشتاقتله شفت عمتي حايره جاوبت كلتلها خاله ابن عمي صارت عنده شغله ضروريه وطلع كالت هاا خير إنشاء الله طبعا انه ادري وينه و خذتله غده بيدي لان محد يعرف مكانه بس اني واخلاص توسلت كتله كوم غير جو ويه الشباب همه جايين الخاطرك كال الله يسلم خاطرج عيوني اني مالي خلك اكابلهم واجاملهم مختنك فدوه روحي وعوفيني كتله شنو يعني اعوفك وانت بهاي الحال فهمني شبلاك خليني بالصوره كال لا صوره ولا هم يحزنون خليني بقهري وروحي للخطار يعني حاسبني غريبه وماتحجيلي همك مو اني رفيجتك كال اي والله وشحلات صحبتج يابعد اهلي اني جسمي كام يرجف وخجلت وفرحت نفس الوقت أفرح بكلمه منه ونظره منه تسوه الكون والبي شوفو شحلاته يحاجيني وعينه بعيني وشلون يمدح بيه يمن رحتله فدوه ونذر❤️
أنت تقرأ
يشبهني ولكن
Romanceعائله صغيره تعيش في منطقه ريفيه وحسب النعرفه المناطق الريفيه يسودها طابع العشائري يعني كل ارض زراعيه يسكنها عائله كبيره تتكون من عدت بيوت متقاربه يسكنها الجد والعام وأبنائهم بس عائلتنه غريبه عنهم لانعرفهم ولا يعرفونه بس كل البيوت تقريبا يتشابهون با...
