يشبهني ولكن

نقص عندي

جرح واكف جرح يمشي جرح مــــر
جرح يكتل جرح حنظل جرح مـــــر
هذني دخلن بصدري وجرح مـــــر
دخل كلبي وسحب روحه خطية

وجرح اصلع جرح يصبغ جرح شــــاب
جرح جاهل جرح شايب جرح شـــاب
هذني نامن بصدري وجرح شـــــب
شبكني وناده شماتي علية💔

اتصلت بنور كلتلها لازم نتشاوف اريد اتفاهم وياج عزمتها بمطعم راقي اجتي وشحلاتها لابسه سيت ازرك ستره وبنطرون والعيون تضوي والشعر مغطي ظهرها والخصر فدشي فرحت بشوفتها رغم الحزن البكبلبي ظليت اكول هنيالي بيج الحد ماوصلت يمي مديت ايدي اثنينهن وهي مدت ايديها وصرنه الايد بالأيد والعين بالعين وظلينه واحد صافن على الثاني فتره تالي حسيت لان شفت الناس اتباوع علينه وتبتسم كلتلها خلينه نكعد يروحي  وصرنه نسترجع ذكرياته وايام الطفوله والحد ماصارت مشاكل وطلقات
نور حبيبتي واخيرا صرتي الي كالتالي اي يعمري وانت صرت الي نور احبج اموت عليج خلت ايدها على خدي وكالت فديتك يعمري فديت حبيبي الخجول يمه صارن خدوه حمر من الخجل واني احبك موت وللموت كلتلها اكيد اخجل لان اول مره نتلاكه واول مره نتغازل وشلون ما ارتبك وكدام كل هذا الجمال
نور: فديتك يعمري يبيتي اني فرحانه مو شلون ماكان اخيرا ربي استجاب دعائنه ونطانه على كد نيتنه وعلى كد صبرنه
حسن: صدكيني عبالك اني بحلم معقوله كاعده كيالي واشم عطرج ولازم جفوف ايدج اوف يربي شكد احبها ربي احفظها الي ولتحرمني منها
نور: كل هذا الكلام الحلو الي يمه فديت الحب مالي وربي لايحرمني من جمالك وحلات عيونك وطيبت كلبك
حسن : جنت مسوي مفاجئه الحبيبتي طلبت كيكه مكتوب عليها مبروك خطوبة نور وحسن أشرت للكابتن مال الصاله افتهم ودز الكيكه بيد الويتر واجوي الويتريريه كلهم وراه هي تفاجئت وكفت على حيلها من الفرحه وكفت وحظنتها كلتلها قليل بحقج الويتريه كامو يغنون ويصفكون والزباين مال المطعم وكفو وكامو يغنون احله أجواء صارت
كملنه حفلتنه المتواضعه وتعشينه كلتلها خلي نطلع نتمشه اريد اتباها بيج كدام كل الناس تكاودنه وطلعنه
نور: احس عندك حجي وتستحي تحجي احجي يروحي كول يعمري اني من ايدك اليمنيه الايدك اليسره انت جازفت وعفت اهلك الخاطري معقول ما اصيرلك سند
حسن: حياتي خففتي عليه الاحراج اي عيوني تدرين بكل شي وأهلي طردوني وصعبه على الإنسان اهله يطردوه وثكيله حيل الماعنده اهل يظل تايه لو كل الناس وياه من الاخير عندي شكم فلس نأجر بيت بيهن مال شكم شهر مقدم ونشتري ذهب وغراض بالباقي والبيت من هسه اكلج بمنطقه شعبيه مو راقيه  كالت وياك يروحي وين ماكان وشلون ماكان من باجر اطلع ادو بيت زغير على كد فلوسنه
نور: تم يروحي وما عندي اي اعتراض المهم حبك وحنانج هذا المهم والأهم وكلشي يهون بالصبر والمساعده نكدر نغير حياته شويه شويه
إخلاص :امي قاطعت الحجي لان طرد حسن بيتنه صار عبالك بيت مهجور فارغ ماكو صوت بي بس صوت البجي والنحيب مال امي  ما ادري المن اصبر امي ابويه فتنه روحي صرت مثل ام ولد غركان امي لامه فليساتها وذهباتها وكل شويه تكلي خليصان ليش ماوديتهن لخييج وارجع واكل يمه اخويه وينه مشه يمه اخويه ماي وتبده يمه أحبيبج راح وبس الله اليرده طلعت من غرفت امي ورحت الصوب بيت عمي مالي غير إخلاص اريد افرغ نار كلبي واخليها تفرغ نارها الماتنطفي دكيت الشباك مال غرفتها تعرفني من طريقة دكتي
اوف يربي طلعت عمت عيني محدبه وتسحل بروحها سحل وين راحت ذيج الورده المفتحه وذاك الجمال اجت ورمت روحها بحظني اني ابجي وهي تبجي تكول راح عزيز روحي راح وصار بحظن غيري ولج إخلاص راح اموت شلون بيه واني ارد عليها اكظبي لسانج اسم ألله عليج يبعد روحي واني شلي بعمري لو صار بيج شي ولج انسي وعيشي حياتج العرسان ناس تروح وناس تجي ولج شجاج يمدهوره جلبتي بحسن الخلقه ماخلق غيره كالتالي اي اكو احله منه وفلوس ومناصب اي كل شي اكو ويتمنون تراب رجليه لكن حاجي هذا وتأشر على كلبها ولج هذا عشكه ولج قافل عليه كلبي ولج حسن فكت عيني وحلمي الحلمته ولج دمه يجري وي دمي وين انطي وجهي اشوفه نايمه كاعده اشوفه ولج تارس عيوني ومالك كل مشاعري https://youtube.com/shorts/8o-Ofp-HCmc?si=cdIX0RznmKVNcsYW

ولج خلاني للشمات ومشه يالسان الاكظبه عني واكله بس لا تحجي ولج مو اني فتنه مو اني فتنة حسن مو هو مالتي واني مالته مو كل هاي العرب تعرف فتنه الحسن ولج شنسه منه وهو روحي شنسه منه وهو كلبي ولج شنو ذنبي شنو السويته تره مو بس صوجي صوج اهلنه فتحت عيني واني زغيره والعب وياكم واسمع ابويه وابوج وامهاتنه تسولف وتكول شوفو شحلاتهم شلون متوالمين شوكت يكبرون ونزوجهم ابويه يكول والله هاي هي فتنه الحسن وامي تكول يوم المبارك وامج تبوس بيه وتكول هاي جنتي شوكت تكبر وتصير ابيتي وبعد ماتطلع الحد  ماطشت فته الحسن بين العرب انتو كلكم جان الكم ايد بحبي إله انتي زرعتوه بوسط كلبي زحمه بعد يطلع سكيته من شراييني وجره بعروكي هسه جايه يم حلك الفاهي تكولين انسيه
https://youtu.be/2XZAeCMg9WI
?si=s4U8MLBYo-n5Gu4K

https://youtube.com/shorts/9BdB1oWfus8?si=
    2jAHVX5mJ72kLrWq