يشبهني ولكن

رحلة العذاب

نور عيني جيبي قماصلهم يالله وانتو يالله البسو جزماتكم راح نتأخر
وطبعا مثل كل يوم نطلع الغبشه لان المدرسه بعيده وبابا الوحيد من العرب ماعنده سياره ياعيني يابابا يضل الطريق كله يشيل بينه مره يشيل فرقان ومره يشيل ايهان
يرجع ينزلها ويشيلني مسافه يظل يلهث ويتعب حيل اكله بابا نزلني كافي ارتاح حلو الطين خلي نجفص
هو يلبس جزمه و دشداشه جوزي طوخ حتى ميبين بيها الطين
وهم متفيد تنترس طين والطريق كله يتشاقه ويانه ويصيح الإيهان مايعه لان متتحمل كلشي ولج يالله يالمايعه وانت سنفور اسرع شويه وانتي ام حواجب لا عبالج تخلصين مني ويجر بشعري
من انشوف مكان يابس نفرح ونظل نركض وبابا يركض ويانه
مرات يشوفونه أصدقائه يجرونه بالكوه ويصعدونه حتى يوصلونه وياهم بابا ميقبل
ومرات استاذ زياد معلم العربي لو استاذ معد مدرس الرياضيات يتوسلون
حتى يرجعونه للبيت مرات ينهزم قبل ميشوفوه
ومرات بالتواسيل يكلوله شنو الفلم ابو جيهان
ليش مو احنه ربعك من الطفوله ليش تسوي فرق بيناتنا ياما اكلنه وطلعنه وصرفت علينه يظل مدنك ميجاوب
وهاي خمس سنوات من عمري بالشتا بالطين نمشي
والصيف ادك بينه الشمس
بالشته نكضيها إفلاونزا احنه وبابا ونعدي ماما
والصيف تيفو وضربة شمس
والله يكون بعون الفقير
والله يكون بعون الماعنده سند😭😭😭