يشبهني ولكن

فضحني الشوك

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟

تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه

عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه

غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه

منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه
للشاعر عباس جيجان

كعدنه الصبح فتنه بنت عمي عادي هم باتت يمنه حتى ابويه وامي يحاولون يفهموها امج وابوج خطيه يردونج يمهم مايصير هيج وفتنه تبجي وتدنه عليه تكلي إخلاص ما أريد اروح هناك ضوجه ومن انام بالليل اخاف
ابويه سمعها ومات من الضحك كال يايابه شكثر حياله هالبنت
وجرها الحضنه وباسها وطلع من جيبه فلوس ونطاها ورجع وزعلنه كلنه وامي هم مدت ايدها وكالت واني مالي حصه كاللها انتي الروح والريه حالي ومالي كله الج
هسه تعالو من الاخير حظرتو واجبكم لو اشغل العصا ضياء اول واحد حجه كال يابه حضرت واجبي مال باجر نصه بدرس الرياضه والباقي اول مارديت من المدرسه وبشرك قبل ماتصب امي الغده
وانت مجيد هاا اي يابه ويباوع الامي كله لا هاا ولا اي عادي تعودنه على سوالفك
وانتن اني جاوبته قريت وكتبت فتنه ساعدتني كال عفيه بنياتي
وهسه اني راح اطلع والمغرب من ارجع امتحنكَم هاا سمعتو وينغ بمجيد بأصبعه مجيد افتهم
كله موتدلل ياغالي كله خوش ارد من ربعي واشوفك الغالي منو
ضياء انقهر على مجيد وكله روح أقره واني شعندك واجب كتابه لو حل أكمله إلك كله ماشي خويي
المهم اجه ابويه وسالنه شكم سؤال كلنه جاوبنه كال عفيه بالابطال روحو نامو إنشاء الله الصبح خوش ريوك معدل من ايد فرحتي
تريكنه وشيلتنه امي حلويات وفواكه وبطالة مي وزتنه ابويه الحد باب المدرسه
تلاكه وجه بوجه ويه المدير سلم عليه وساله علينه واحد وحد كله شطار وموئدبين ويوصلون انشاء الله
طبعا ضياء معتمدين عليه بالمدرسه بنشاط الرياضه وبالكشافه هو يرفع العلم الخميس ويسوي فعاليات وذا مسابقات بين المدارس هماتين ضياء يدرب الطلاب
وحتى توزيع الجدول مال الحصص هم ضياء يوزعه للصفوف
وبهذا اليوم بالذات اثناء ماضياء يفتر على الصفوف قبل ما يوصل صف بنت عمي فتنه سمع صوت فتنه تبجي وتتتوسل بالمعلمه
خله وصار يركض ركع الباب وفتحها
لكه معلمة الرياضيات واكعه دك الفتنه وجهها يجري دم من كثر ماظاربتها ضياء بسلامته خشن وقوي والقوي الله جر فتنه من أيد المعلمه
وتل المعلمه من زيكها ودفعنا عالصبوره
بحيث فات بسمار الصبوره بظهرها
كللها وربج والخلق إن مديتي ايدج على واحد من اخوتي إلا اكسرها الج
طبعا هي هاي ست زينه شكد مكروهه وأعصاب بس ملاكيه احد يوكف بوحهها
لأن زوجة المدير طلعت ست زينه من الصف تركض راحت للمدير
ضياء اخذ فتنه وغسللها وكلها يالله لمي كتبج
ومر على صفي وصف مجيد كال يالله للببت
كلناله شلون كال كلت يالله للبيت
بالطريق سألنه فتنه ليش هيج سوت بيج
كالت مو اني حظرت دروسي مو اعرف كلشي كنالها اي كالت بس تصيح وتظرب بالجهال واني خفت وكمت ارجف من وصلني السره
نسيت كل شي كمت احسب بأصابيعي
هي جان تكول ماعندي شغل وعمل اظل فوك راس جنابج انتظر شوكت تخلصين
اليم الصبوره وشكت دفتري
وظلت تبسط بيه شككت وجهي بأظافيرها وسحلتني فتنه تسولف وتبجي وتصيح وجهي يحركني وعينها الضياء تشكيله
ضياء كلي شبيج فاهيه طلعي خاولييج
ونكعيه بالمي ومشي شويه شويه على وجهها بردي بالمي علما نصل للبيت
يالله وتردوني انساه وانسه كل هاي المواقف