يشبهني ولكن

إعصار محبوس في زجاجه

يقول نزار قباني
ارجع كما كنت صحوا كنت ام مطرا
فما حياتي إن لم تكن فيها

صباح الخير حجي هله يابه هله بنيتي
يابه تأخرت عليك بس اغير ثيابي وغسل توني رديت من الحشيش وبدربج شوفي امج توها بطلت نواعي من الغبشه ثابرتنه
هاي امي ماسكتت من ذاك اليوم الهليوم  ظناها حكها يابه اعذرها
غيرت ملابس وركضت للحجيه هاا يمه هاا يبعد روحي ارتاحيتي طلعتي البكلبج لو بعد جاوبتني ولج يايمه ياخلوصه كل ضنج يجي يوم ارتاح بدون وليدي صفيت مثل ام ولد غركان وأبره الشرايع مايخالف يمه ديري بالج على روحج وين نروح بدونج خليه عاد يدحك عليج من بعيد رغم النار الموجره بكلبه يحس بالأمان
يالله يمه خلينه نفك ريكنه ورانه شغل والحجي ينتظرنه
خليت والريوك وكعدت تفضل حجي الحليب لاتنجوي حار وانتي يمه حليب لو جاي
الحجيه رادت جاي بالكوه اخذت مني لفه زغيره مال بيض
اكلج إخلاص لشوكت هاي نعجت الثوله ماتساعدج مو حتى هوايشها ودجاجاتها انتي حايره بيهن ضحكت كتله يابه كلتها انت نعجة الثوله رحمه لوالديك مااريد أصبح بخلقتها
تتكاون ويه ذبان وجهها
بس ادردم كال اخوج وكالو جهاله ولا عبالك زوجها وابو بيتها خطيه ويلادها أشايفين منها
لا لكمه بيها خير لا هدمه نظيفه
كال يابه كل شي اعرف وآنا ابوج لاتشوفيني
ساكت بس شبيدي ساعة السوده يوم الأخذتها الابني
كرموها الي أهلها وعمامها اجاويد وصاحبين حظ وبخت والهم مواقف زينه ويه عشيرتنه واستحيت ساعتها جاوبته يابه هاي سالفت الكرم مو خوش سالفه جاوبني اي موخوش سالفه دمرت بيتي وصار يضرب عله رجله بيده اثنينهن
شفت يابه يعني عمي هم غلطان من كرم بنته الأخوي وهو ماقبل وانت ماقصرت طردته من حياتنه
صار يصيح عليه
تسكتين لا اطيح حظج لو شفتي روحج انخطبتي وكمتي تجادليني العفو يابه محشوم ماعاش الي اليكف بوجهك ويحط عينه بعينك
الحجيه جاوبت بصوت ناصي تعبانه مالها خلك تحجي ليش تتعذرين منه لو اليحجي الحك طاكيته مزروفه ياويلك من الله يحجي ياويلك شلون راح تكابله شتكله ظلمت ابني
ماجاوبها خله وطلع ما اجه غير بالليل ظل بالجنه عليه وهو مريض وما ماخذ دواه صحت عليه يابه حجي تعال من فدوه اغديلك
اخذ علاجك ماجا بني ركع الباب وطلع
الحجي رحت للكاظم وظليت انعي حافظ نواعي الحجيه هب الهوه وافتكت الباب حسبالي جيت احباب ثاري الهوه والباب جذاب جيت اسأل ضعنهم جيت اسأل طراف الدرب عنهم
نخيت الله كتله ربي وجهني ارشدني شلون ياربي كلهم ولدي صدك اني ظالم ربي صفيت اصفك الراح بالراح ربي شسوي وين انطي وجهي
كدامي كاعد رجال سمعني رجع ليوره صار بصفي كال حجي الواضح من كلامك حاير بأمر حجي انت مبين ابن خير شتعتبرني اعتبرني امشي على حق الله وما تخيب حجي اني دارس علم نفس وحللت كلامك الحل عندك بس آني ساكت العبره خانكتني خله ومشه وكال في أمان الله حجي بس خليها ابالك العمر يركض