يشبهني ولكن

قدر مكتوب

قآل لي ؛ هل تحبينني  ؟
قلت ؛ لآا
- قآل ؛ آذن اقسمي -
قلت ؛ آقسم انني تجاوزت الحب ، وبدآت #اتنفسك❤️

#مشاعر
حسن :علاقتي صارت حيل قويه أبيت حجي حسين لان ربيت وياهم ويتباهون بيه كدام الناس كلها  وميأمنون باي عامل من عمالهم ولا يعاملوني معاملة العمال لان يعرفون حالتنه الماديه كلش زينه ويعرفون شغلي مجرد هوايه لا اكثر
حجي حسين كل شويه يدزني على شغله من البيت واني اطير من الفرح ومن اطلع من المحل افوت بمحل حلاقه مال صديقي اغسل وامشط واتعطر واجيك اموري بالمرايه والحلاق والولد اللازمين سره يصحون يابه شتعدل بروحك غير انت تجنن صديقي الحلاق اسمه عمر يكللهم انفكست عيونكم صلو على محمد لا تصيبون صاحبي بالعين اني اشمرله بوسه بالهوه واطلع وهو يدري برحلت العشق الابدي
مريم : الو عبير شلونج شخبارج
عبير: هلو حبيتي انتي شلونج وشلون ابو محمد والولد
مريم: زينين بس اريد افاتحج بشغله
عبير :كولي عيني اذا أكدر عليها تدللين
مريم: اوس يريد يتقدم النور
عبير : من كل عقلج تحجين ابنج نحس وسوالفه مكسره لا تزعلين مني اني مو نطيت بناتي الكبار الولدج لحكتيني عالزغيره ولو ولدج خوش ولد ومدلين بناتي وانتي وعمهن مامقصرين بس مو معناها اضحي ابنتي الزغيره وتدرين بيها شكد مدلله وتدرين نور واوس من الزغر مثل  الحيه والبطنج
مريم :هسه من الاخير بله هاللف والدوران كولي ما انطيها وخلص
عبير : اصبري خل نتفاهم اني شعليه الو الو طلعت مريم ساده الخط
نور اجيت من المدرسه لكيت ماما تغسل المواعين وتركع بيهن عالسنك ودردم ويه روحها هلو ماما ماما متسمعين كالت هلو لا اسمع شبيه طرشه كلت ويه روحي لا مابيها مجال الحجيه اليوم صاعده عدها الكآبه فول خلي أفلت الغرفتين احسن
مريم : نور نور وينج
نور :اجيت ماما بس اغير ملابسي
مريم : ولا كلتي خلي اساعد ماما بالتعزيل مو تدرين خطوبة اخوج بعد شكم يوم
نور ماما تدرين سادس ولازم اجيب معدل كامت ماما تصيح يامعدل يابطيخ مامن وراج بس المشاكل راح اخسر اختي من وراج اني مخاله موضوع اوس ابالي كلتلها شكو ياستار واني شكو بنصجن كالت ولج غبيه انتي لو شنو ماما فدوه شكو شصاير ها شكو ولج اليوم تعاركت مريم ويايه لان كلتلها بنتي مترغب اوس اي ماما زين سويتي هي كوه خوما كوه شنو اختج ماخذتنه فلاحه ملاجه مو خواتي ابتهال واسمهان متزوجات ولدها ادري هي خالتي وزوجها يصير عمي بس مو تتحكم بمصيرنه
طبعا اوس سمع بالحجي الصار بين خالتي وبين ماما
ومتخبل ابتهال واسمهان اجني خطار وكالن ولج كام يبجي وكسر غراض المطبخ وجام البيت ولج خطيه يحبج ارحمي حاله فكري راجعي روحج بس اسمهان تحجي وتلعب بحواجبها وتغمزلي وميته ضحك بسكوت بدون ما احد يشوفها لان تدري بعلاقتي بحسن
امي صاحت بيهن كومن ميفيد الحجي وياها خبله وقافله
باتن يمنه البنات واليل كله مخلينه شي مكلناه وتذكرنه وكاحتنه من كنه زغار ونضحك هناك وسمعنه صوت صياح وغلط بالشارع عبالنه عركه ويه احد من الجيران بس الصوت صار قريب ورمي مال رشاشه كمنه نرجف ونبجي وماما مره تبجي مره تصبرنه عاد بابا واخوتي سرمد وساجد صعدو الغرفة سرمد صايره عالشارع شافو اوس شايل الرشاشه ويرمي ساجد عصبي راد ينزله جلبو بي بابا وسرمر كالوله شايل سلاح لتتهور اصبر
بابا اتصل بعمو كله تعالو على ابنكم خزانه كدام الجوارين شايل رشاشه ويرمي عالبيت وذاك الغلط الميعجب عدو ولا صديق😭