يشبهني ولكن

مسافرين وعيني مشدوده الدربكم

دوريتك آخ آه دوريتك
بين نجمات الثريا ومالكيتك
ياوسفه تبيعني برخص الأمس يالمادريتك
روحي وحشه وطيفك الغايب عبرها
وليلي كلمة عشك عذبها صبرها

رحت البيت عمي غازي اسألهم بلكي عدهم خبر عن ابويه الحجي دكيت الباب بسرعه فتحتها بنت عمي فتنه كلتلها مسه الخير خيتي منو موجود هينه عمي الولد كالت ياهله يالغاليه تفضلي كلهم كاعدين بالربعه كلتلها روحي ترخصي منهم كالت شجاج هذا بيتج كلتلها فتنه بداعت العزاز روحي ولا تشلعين كلبي راحت فتنه واسمع صوت عمي تعالي

فوتي ياهله بالبذاته شعجب شعتب
منين طلعت الشمس دنكت حبيت عمي من راسه ومرت عمي وجهها صار ينطي الوان طبعا هي ماتطيق بشر من صوبنه ردت احبها من راسها
ميلت راسها وكالت تفضلي اكعدي
عمي صاح على فتنه كال صبي عشه البنت عمج مرت عمي نبت من يمها كالت وظل بشر مامتعشي الهسه لو تعلمت من بنات بغداد
خزرها عمي وهي ظلت تهز بيدها وتعوج بحلكها
عمي فدوه اغديلك اني جايه انشدك عن ابويه الحجي طلع من الصبح والهسه مارد
ما احد منكم لمحه بمكان ما وصلكم خبر منه
وهم نبصت بالنص مرت عمي كالت عرف ولف
احنه وياكم حتى نعرف اخباركم
عمي كام وكف الحيله كاللها وانتي شكو حاشره روحج ليش ماتنشكمين وتحشمين نفسج
جريت عمي دشداشته كتله عمي بروح اهلك
لا تتكاونون من ورايه وآسفه ازعجتكم وكدرت خاطركم مسيت العافيه وخليت وطلعت مشت ورايه فتنه خليني اشوفج
لاتكطعين مثل ماكطعو وعافوني لاني للسمه ولاني للكاع كلتلها خوش الصبح تعالي الكاعنه عازمتج على ريوك يلوك الهالحلك
عدت ساعه من رديت من بيت عمي
مااشوف غير الحجي جاي وجايب علاليك
من فرحتي رحت اركض مثل الجاهل تلكيته ابجي واناشغ يابا وين رحت ظل بالي والنوب ماخذت علاجك يابا فدوه اغديلك لا تسوي هيج بعد ماعندي كلب يتحمل فراك كال دهاج اخذي شوفي شجبتلج فتحت العلاليك لكيت بواكيت دهينه وبقلاوه وكرزات ومسقول وحامض حلو وجكلبت كتله حجي جنت بالزياره كال اي يبويه ليش ماخذيتني وياك كال الله كريم بنيتي كتله حجي وهاي العلاكه البيدك شنو بيها كال هاي لكحيله دشداشه وفوطه وشحاطه وعطر
ضحكت وكلت ياعيني ياعيني
صدك حجي احمي العشه كال لا تعشيت بالمطعم كتله الف عافيه
نطيت الصوغه للحجيه هي تعرف شلون تقسمها نطتني حصتي ورحت كملت تنظيف المطبخ وفتت الغرفتي واني بس اخلي راسي عالمخده اروح بسابع نومه لان اتعب هم شغل البيت وهم شغل البره
كعدت الغبشه الحجي الحجيه نايمين طلعت من حصتي مال الحلويات وخدرت جاي مهيل وثرمت جبن وسلكت بيض ادري بفتنه تحب كيمر العرب والدبس هم اخذتلها وياي وأخذت فرشه خليت الجاي بالترمز وخذت كوبين وتوكلت على الله
لكيت فتنه كبلي غابشه جايبه كليجه وكعك
صباح الخير بت عمي كالت هله ومية هله
بريحة الغالي كلتلها همي روحج خلينه نتريك وراي شغل واصل الهامتي هي بالكوه تاكل  بس تجاملني واني آكل بشهيه لأن الاكل يشهي والجاي ريحته فايحه يذبح ذبح
كلتلها ولج فتنه الاكل ماعجبج النوب اسويلج غير شي واني ادري بيها عايشه كوه مو قصة اكل كالت اوف يبت عمي انتي تحجين الميت هو بكبره
هو ظل بشر بعربنه ماعرف قصتي
خيه قصتج انتي جبتيها الروحج ماترضين بالواقع خيه اشوفج غير وكت ورايه حشيش وحلب الهوايش والنوب شغل البيت نسلم عليج جاوبتني فتنه بصوت مليان حزن روحي خيه الله وياج وآنه إلي الله
آنه ظليت بعد ماراحت إخلاص
الجو حلو والهوه عذيبي وريحة الورد ترد الروح  يودي ويجيب بيها الهوه واني اتنفس بكل قوتي بحيث اخلي عطر الورد يفوت الحشاي ويردوني انساه واني اتنفس هواه