اني وخواتي يوميه الغبشه نفز على مشاكل امي وابويه خواتي يكومن يبجن لأن يكعدن مخترعات ابويه يصيح وامي متسكت ترد الكلمه بعشره
ابويه حلو ومرتب اشكر وعيونه زرك رشيق وطويل وشواربه ثخخان اما الوالده
فحدث ولا حرج كصيره وسمينه وجهها محفر شعرها خشن صوتها عبالك كاعده البرميل من تحجي يعني تحجي من خشمها🤣
هو يكللها شهالعناد العندج شكلج تسويين بالعكس
اني عكس خواتي افتح باب الغرفه شويه
ومن يكعدون يتناكرون اظل اضحك على حركات امي
مجيد صبحنه على ما اصبحنه وجهج يجيب الفكر
تجاوبه غدي هم عاجبته روحه الفاهي عبالك مركة شجر ولج اني الفاهي سويره اي والله فاهي ساعة السوده الكلت الابوي بكيفك حجي ولج اهلج كرموج البويه ولج تعرفين شنو كرموج يعني امحمضه على كلبهم يعني مشلغمه على معدتهم واني ميت ضحك اخلي ايدي على حلكي اخاف يسمعوني واكول الشمس وميس يولن عليش هالبواجي دحجن على حركات امي وسوالف ابويه ولجن فلم وبلاش
عود امي صارت عصبيه كامت تضرب ايد بايد
وتمشي سريع تروح من هذا الحايط وتجي على هذا الحايط عبالك طوبه كريكر
ولك مجيد اني محمضه اني شلغم يكللها اي ورب الكعبه واني الغشيم المشيت وره ابويه
غير انت ماشفت الخطابه شكد يوميه يجوني
كلها اي شكد بالله انطيني العدد بالمظبوط
ماتو على جمالي يصيحولي المربربه
كاللها اي واضح من وزنج
واني ميت ضحك وخليت خواتي يضحكن
ولج بيض وطماطه ماتعرفين تسوين من كبر اليكبرج
فتك ماتعرفين تخيطين ولكم يعباد الله ماشفت ولا راح اشوف الخبز خبزه مالحه صبر تحرك الريج وخبزه فاهيه ماتنوكل يولم شنو سر عجينتج بس اريد افتهم عقلي خف من وره فنونج يافاينه يا ام الفواين
طبخج يلعب الروح مثل شكلج
واني من يمي اكول وأنا اشهد وارفع جف ايدي اليمنه
روحي شوفيها الذيج جمال ونادره ريحة الطبخ توصل الهينه وتساعد زلمتها بالعيشه مره معدله تسواج وتسوه هلج وديرة هلج
وكامت تصيح يبو يبو أشك هدومي هم جبت طاريهم كبالي هسه تشوف إلا ميجي يوم واصير مجرمه وأذبح المايعه مرت الطلي
طبعا الكلام بالالغاز منعرف اني خواتي على منو يقصدون
بس من سمعتها تكول الفاهيه مرت الطلي
كمت ارفس من هالكد ماضحكت غصيت وسمعني ابويه
اجه الغرفتنه بساع سوينه روحنه نايمين
كال ياعيني فقره سوو روحم نايمين بسابع نومه واحنه متغطين ونضحك بصوت ناصي كشف الفراش كال هاا يمثبورين كاعدين من شوكت
شمس كالتله من يوووه احنه يايوم نايمين نومه بيها خير خلف الله على قيس من يشوفونه نتباجه يكوم يضحكنه
لميس كالت كافي يابه اريد انام ورانه مدرسه
ولك قيس كافي مهزله شكثر صاير فطير كافي ضحك واني ميت ضحك كتله يابه بروح جدك ياهي هاي المايعه مرت الطلي جان يشيل ايده راد يضربي وبطل كال انشكم لا افرك حلك وانثبر ونام وحق الحق لوما انتو جان من زمان دفرت سويره ام الفوايين
أنت تقرأ
يشبهني ولكن
Romantizmعائله صغيره تعيش في منطقه ريفيه وحسب النعرفه المناطق الريفيه يسودها طابع العشائري يعني كل ارض زراعيه يسكنها عائله كبيره تتكون من عدت بيوت متقاربه يسكنها الجد والعام وأبنائهم بس عائلتنه غريبه عنهم لانعرفهم ولا يعرفونه بس كل البيوت تقريبا يتشابهون با...
