يشبهني ولكن

شفتك بعيني وياوكاحت عينك

غلطنة بهاي گدامك بچينة
ومن اعيونة اشكد استحينة
ماتستاهل انتة…
دمعنة الغالي شفتة….
چنت تتمنة بس تسمع حچينة
غلطنة بهاي گدامك بچينة ،،،،
غلطنة وياك كلش صرنة طيبين
ورخصنة لخاطرك بس احنة غالين
نعرفك ماتحبنة….
ودربك مو دربنة….
بس گلوبنة العمت علينة
غلطنة بهاي گدامك بچينة💔

فتنه، : من شفته شايل راسه ويدحج عليها
ويستعرض كدامها متت من القهر جسمي كله كام يرجف مكدرت اوكف على حيلي سحبت روحي بالكوه وصلت للبيت وتوني دا انزع بالشيله ما اشوف غير اخويه صباح كدامي لزمني من ايدي كال هاا يمدهوره وين جنتي هاجه وشنو هذا المنظر وهاي السلابات اللابستهن افكيت حلكي من الخوف كال اوكفي ولج اليوم اريد اوكع على الطين الحر وأريد اوكف على العله مالتج جر جهازه من ايده واتصل باخويه غانم كاله غنيم وينك انت وفاتح سبيكر كاله غير الحفله مال ابن عمنه مو عفتني ورحت بعد شلك بهاي الكلاوات كاله تعال بسرعه لا اجي اسحلك كدام الناس كال خير يخوي كاله تعال وشوف الخير من وره اختك المدلله اجه غانم اول مافتح الباب شهك كال يابويه ولكم شصاير ولج شنو هاي الخرك اللابستهن صباح كاله اني ظل بالي عليها عبالي صدك مريضه وجيت اتطمن عليها وجبتلها عشه وحلويات من بيت عمي فتت للبيت كلبنه كلب مالكيتها وكام يتصايحون اختي جانت تنيم جهالها بالغرفه الفوك نزلت تركض كلتلهم خير شكو صباح جرها من شعرها كاللها ولج انتي تكود--- كالتهلهم استحو اني حالي حالكم هي لبست وفاجئتني كالت اريد اتفرج من بعيد على الحفله جرني غانم فوتني للمطبخ ودك بالجفحير كسرني تكسر وصباح يكله حيل بيها مالبست وكشخت وراحت حالها حال البنوات البعربنه ظلت اختي تبجي وتلطم بس صباح مايخليها اتفكني سد باب المطبخ الدم كام يتطافر مظل شي صاحي بجسمي الحد ما اغمه عليه يالله جاز مني صاح ولك صبيح فك الباب وخلها تموت هاي العار وخل يجي ابويه ونتفاهم وياه هناك واجوي اهلي وفاتو يضحكون ويسلفون شلون طالع حسن هيبه وشلون راح يجي ويخطب فتنه بس من شافو غانم دشداشه مليانه دم امي كامت تعيط وتكول ياهو الضاربك والحجي يصيح ولكم ياطلابت الكشره ولكم احجو شصاير مو توكم جنتو الحفله شجابكم للبيت وليش هيج حالكم صباح كله روح للمطبخ وتعرف ركض هو وأمي لكوني امدده ومغمى عليه كامت امي تعيط وابوي يصيح ولد الكلب شمسوين بالبنيه وهي ليش هيج لابسه كله غانم والله هذا الحجي وجهه  البنت هذا السؤال مو النه اجه صباح مالكها بالبيت مو على اساس مريضه مابيها حيل تروح البيت عمها شو اجتي من بره وهيج لابسه ابويه كال طين وتطينت بيه امي تكول صخام الصخمني وتهز بيه وتذب مي عليه كالت ولكم شيلوها خلوها على فراشها خل تكعد ونفتهم صباح بنتج الكبيره تكذب تكول راحت تشوف الحفله من بعيد كالوله اسكتوا انتو الاثنين خل تكعد هسه تحجي الصدك فتنه ماتكذب صباح كال البويه صار شكد زلم يتقدمولها وكلهم شخصيات وفلوس ليش ماتقبل ابويه كله اسكت مالك شغل الحل عندي بس جفوني شركم بهاي الاثناء اجت إخلاص دكت الباب وصاحت فتنه فتنه محد جاوبها فاتت كبل الغرفتي وشافت منظري كامت تبجي وتصرخ شبيها شصار الها امي كلتلها كله بسببكم تقصدين كلامج عمه شنو بسببنه كلتلها روحي من وجهي خلينه بظيمنه ظلت امي تشربني مي وتعقم الجروح الحد ما صحيت عاد كلت الامي والله ماسويت شي غلط بس وكقت من بعيد اباوع الحسن كالت وليش هيج لبستي كلتلها هسه الناس من تشوفي واكفه بعيد مو تاكل وجهي وتسال مو ابن عمج عليش واكفه من بعد ادحجين وهم عيب اني شابه اوكف وباوع عالزم اصير علج بحلك النسوان يمه شبيج ليش هيج تتصرفين تخبلتي خوما تخبلتي اي يمه تخبلت وماظل بيه عقل ارحموني كافي ابويه سمع الحجي جان واكف اباب الغرفه كال ادري تحبين حسن واحنه من اجيتي للدنيا متفقين وياهم وكايلين فتنه الحسن لكن تطلعين من طورنه وتتصرفين تصرفات غلط لا هاي ابد مامقبوله السالفه طلعت من ماعونها بعد اني رايح الأخوي وأريد اعرف شنو تاليها كمت ابجي لا بابا فدوه رد لاتروح اني ما اريد حسن ولا غير حسن صباح كال انجبي هسه بس يخطبج وانتي بهاي حالتج تكومين تلعبين جوبي وتدبجين واني اريد اكوم الحك ابويه بس ما أكدر جسمي مشكك ومدمه من وره الجفير الضربني بيه اخويه المحروس

راح ابويه وصاح وينك يخوي وينك يحزام ظهري طلع عمي يركض كال عد عيناك يخوي كال بس فهمني شصاير مو توك رحت من يمنه كاله اي وياريتني مارحت كاله بس اكعد هاك مي اشرب كاله مو مال كعده ولا أريد هذا السم كاله عمي لعد شكو كاله مو متواعدين بس يتخرج حسن تاخذون فتنه الحسن كاله اي وعد كلمتي بس شجاك توها خلصت حفلته كال لا حفله ولا غيرها تجون لو لا كاله ولايظل بخاطرك وانه عد كلمتي ويافرحتي من تصير فتنه دوم ابيتي وباس ابوي وكله اكعد بين مايطلع حسن من الحمام هدأ ابوي وضحك وكلموا يسولفون غير مواضيع الحد ماطلع حسن اجه للربعه (غرفت الخطار) بوجهه وينشف براسه بالخاولي كال السلام عليكم رد عليه ابويه هله هله بالغالي مبارك عليك التخرج الحفله ولو باركتلك بس هم ارد ردود اباركلك لان حيل فرحان بيك عاد نب من يمه عمي كاله ولازم فرحتنه اليوم تكمل كاله حسنه شنو السالفه خلوني بالصوره كاله عمي باجر نمشي على فتنه نخطبها الك وبالخير عليك تستاهلون انت وفتنه وكف حسن على حيله كاله ومنو كاللكم اني رايد فته بكيفكم تقررون عمي كال شنو شكلت الزم حدك بنتي تاج فوك الراس كاله حسن والله والنعم منها ومنكم بس الكلب ومايريد كاله عمي احجي ولك لاتظل تمسلت كاله من رخصتكم اني حاجز بنيه صار سنين وعيب عليه أتراجع عمي كاله خو كول خاطب وفضها كاله اي بس واعدتهم بس اتخرج اخذكم واروح عليهم عمي كاله ومنو هذا الموخوش إنسان يحجز بنته الشخص غريب بدون مياخذ رأي اهله كاله يابه صاحبك الحجي كاله معقوله تطلع هيج سالفه عوجه من الحجي واني حاسبه حاله حال اخوتي يابه والله صارت هواي مشاكل ومن ظمنها صوابي بالطلقه واني ماردت السالفه تكبر والبنيه تروح من ايدي واني احبها من الزغر كتله عمي مالك شغل اني اروح أطيب خاطر الحجي وانت حير بزواجك من فتنه كاله حسن لا لا تسويها تره اموت اذا نور صارت الغيري لو اني اصير الغيرها هذا قرار وما أتراجع عنه ابويه كال العمي معقوله تكسرون كلب فتنه وهي من الزغر عايفته ومكابلتكم والعرب كلها تدري فتنه الحسن عمي كاله لا والله ما اقبلها وانت حسن لتظل تمسلت حسن كال هاي الشغله مابيها تمسلت اهل نور وعمامها يدرون اني حاجزها مو عيب عليه اكسر سمعتها ابويه كال العمي إذاحسن مياخذ فتنه لا اني اخوك ولا انت اخوي من اليوم كاله لا والخلقك خوتنه تبقه للموت بس انه متبري من حسن من هاي الساعه لان تصرف بكيفه ومن شور راسه ما أخذ شور الجبير