اكرم وهوة يسحب عاصف"يالله ولك شجلبت امشي كدامي
بينما عاصف حجه بغيرة"شلون تريدني اخلي يم هذا الواكف فوك راسه عباله ما ادري شيريد باع عيونه اتمنى اشلعهن من مكانهن وعلي لو ما يشيلهن الا افكسهن اله
أكرم وهوة يطلعه برا الردهة"ولك فضحتنه الله يفضحك لا الناس تسمع شتكول عليك
حجه عاصف بعصبية "وخلي تسمع اني ما اخاف من اي احد ولك ابوي وجدي اوكف كبالهم واكلهم بلساني اني عندي ميول وفنهم يفكون حلكهم، مايكدرون ينطقون بشي وياي وانت تعرف كل الزين ليش
تنهد أكرم وحجه" شخبصتنه الله ياخذك ترانه بمستشفى لا تصيح وخلي نرجع لغرفة جدك ونكله من يكعد غيث يجيه
مشوا لغرفة محمد وكعدو ينتظرون غيث علمود يفاتحونه بالسالفه
ـــــــــــــــــــــــــ
بعد فترة
كعدغيث وهوة يتمغط "همممم
لمن شافه عاصي حجه "همزين كعدت يلا صحصح مازن يكول خلي يجي لغرفة الشيخ محمد
رد عليه غيث حجه وهوة مرتبك"كلهم راح للبيت ما أبي اروح
تقرب عاصي منه وكوب وجه بين اديه وحجه"غيوث حبيبي مازن حجالي كلشي شوف انت هسه روح شوف شيردون ميصير ما تسمعهم وهما جايين الك وهم تعرضو الحادث، يلا حبيبي خلي نشوف شنو يردون
حس غيث بالارتباك وحجه برجاء ويه عاصي"بسس تروووح وياي ما اروح بوحدي
مزح عاصي وياه وهوة يحاول يحسسه بالامان "جا شعبالك اكيد جاي وياك أبي اشوف الحلوين الهناك
ضحك غيث على تفكير صديقه وحجه" انت ما اتوب
بينما عاصي ومسك ايده ويكومة"يلا امشي كدامي يلا
تنهد غيث وحجه بأنزعاج"مشيت ولك مشيت
واكفين كدام الغرفة وعاصي الي تعب من غيث اللي مو راضي يدخل" ولك غيث فضهاا وادخلل ترة رجليه طاحن جنك وحده يردون يخطبونهاا فضها ولك
ناظرة غيث وحجه "هاي هل داخل وقبل ما يكمل جملته فتح عاصي الباب ودخل وسلم" السلام عليكم"
ردو عليه البقية"وعليكم
حجه دكتور مازن وهوة يناظر غيث "تعال غيوث ادخل حبيبي
أنت تقرأ
مًحًيَطِيَ
General Fiction"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
