بعدها رجع للنادي ولمن جان راجع سمع احد الطلاب
......" شفت الهجوم اللي صاير بأطراف الحويجه الدنيا مگلوبه گلاب بالموصل بسبب هذا الهجوم"
همهم الثاني وحجه"يي يكولون راح تسقط "
انقبض كلبه وحس بخوق ودخل بسرعه متوجه للي جان كاعد يشرب بعصيره وحجه بنبرة قلقه"عاصي كوم خلي نروح "
عقد عاصي حواجبه وحجه بعد ما شاف غيث القلق ونبرة الخوف المتخلله بصوته"شبيك خير"
باغته غيث بالرد وهوة يشيل فايله من على الطاولة وحجه"شنو شبيه الدنيا مگلوبه واني مثل المطي مو داري بشي امشي "انهى كلامه بخوف وقلق اتخلل لگلبه
اما عاصي فحاول يهديه وحجه" غيث شبيك حبيبي ما فهمت منك شي على كيفك،"
تنهد غيث وحجه بقلق "يكولون صاير هجوم على الموصل" حجه بقلق واضح
اما عاصي فتنهد وحجه"على كيفك ترة ادري قلقان عليهم بس لا تخاف ما صاير الهم شي بعدين الهجوم صاير باطراف الحويجه يعني بعيد عنهم وهم لا تنسى القوات الامنية كدرت تصده"
نفى غيث براسه وحجه "خليني اتصل بمازن"
فتح غيث جهازه داخل على جهات اتصاله متصل بمازن الا انه ما رد
بعدما اتصل بمازن هواي رجع اتصل بس هلمرة اتصل بالانسانة اللي جان معتبرها بمثابة أم واخت اله
ضغط على اسم ام محمد وما حصل شي
انتاب القلق گلبه
وناظر عاصي بعيون خوف وحجه"بس لا صاير عليهم شي؟ "
نفى عاصي براسه وحجه"لا تخاف امس مازن اتصل على ياسين وطمنه "
باغته غيث "زين ليش ما جاي يرد علي" حجه بقلق
بينما عاصي طمنه"يمكن مشغول لاتنسى هوة بمستشفى يمكن عنده مرضى ومخلي جهازه صامت"
أومى غيث وحجه"تمام امشي خلي نروح لياسين گلبي ما متطمن "
تنهد عاصي وأومى براسه متجه ويه غيث برة الكلية ماخذين تكسي متجهين للمستشفى اللي يداوم بيها ياسين
بقه غيث يتصل بأم محمد اللي جان جهازهاا يرن وما ترد
ــــــــــــــــــــــــــــــــــــــــ
أنت تقرأ
مًحًيَطِيَ
Narrativa generale"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
