التاسعة ليلا
جالس ببييته يشاهد التلفزيون ولابس تراك النوم النص ردن النحاسي اللي بارز شحوب جسمه وشعره اللي طايح على جوانبه وشوية بي خرابيط بسبب انه هسه كعد من النوم... ما بقه دقايق بس لما سمع صوت الباب يندك باعلى صوت
تفاجأ غيث وفتح الباب بوسع وهوة يشوف المرأة اللي جانت بجواره طول الوقت واقفه مقابيله تبجي
تقرب غيث وحجه بقلق تخلل نبرته "ها خاله خيرج شصاير"
ردت عليه بكل خوف وقلق " يمه فدوة محمد مدري شبي يون بوجع ولازم بطنه وحرارته مرتفعة ويتقيئ فدوة خالة غيث تعال وياي شوف"
أومى غيث بينما سد الباب وحجه"يلا امشي خالة"
اخذته ام محمد وتوجهت لمنزلها القريب عليه واول ما فاتت حجت "يمه فوت جوة"
اول ما وصل غيث تقرب من محمد واخذ يفحصه "حمودي حبيبي هنا الالم صح" سئله وهوة يفحص احد مناطق بطنه
بينما محمد اخذ يبجي ويشهك "ما اكدر بطني توجعني غيث راح اموت من الوجع ماما"
تنهد غيث لمن عرف شنو بيه محمد حجه بخوف لأم محمد وشال محمد بيده " لازم نروح للمستشفى يمكن الزائدة متمزق عنده"حجه اقرب احتمال عنده وشاله طالع بيه برا البيت ببنما نجاة جانت تمشي وراه بقلق وخوف ودموعها تصب
بعد فترة كلش قصيرة دخل غيث ببجامته مخلي اللي بالمستشفى كلهم يناظرونه وهوة حامل محمد صاحب االعشر سنين
صاح غيث على ياسمين الممرضة"ياسمين منو من الدكاترة موجودين هنا بسرعه هاذا الطفل صاير عند تمزق بالزائد راح اخذه للردهة مالت العمليات
اومت ياسمين براسها وحجت "رايحه لدكتور احمد بعده ما طالع"
أما غيث فتوجه بينما يلهث بتعب " يلا بسرعة"
..
بعد عدة دقايق دخل دكتور احمد وهوة يركض"هاا غيث شصاير "تقرب من غيث واخذ يستفسر
اول ما شافه غيث حجه وهوة يحاول يلتقط انفاسه والخوف مسيطر عليه "دكتور احمد عنده تمزق يجوز افحصه لازم اتدخله عمليات جاي يتأذي من الجهة اللي اسفل صرته واللي حوليهاا"
اومى دكتور احمد واخذ يفحصه بعدها وجه كلامه لياسمين"ياسمين كلي لعاصي خلي يجي وانت غيث روح للردهة مالت الاسعاف صاير حادث بالطريق وشخص حيل متأذي ابقه هناك ابدي بالاسعافات الاولية اله واني راح اخذ الممرض اسعد وندخل للعمليات يلا بسرعه، عاصي دقايق ويجيكم"
أنت تقرأ
مًحًيَطِيَ
Ficción General"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
